@]["""صدفه وفيها داخل القلب حليت """][@ - الصفحة 2

$ احلى من العقد لباسه $ · #11 23-04-2007, 04:10 PM

قصه في قمة الروعه

في انتظار التكلمه

‏وَتـے ـيــنْ · #12 25-04-2007, 02:47 PM

السلام عليكم ورحمة الله وبركاته مشكورة رعشة هدب على القصة الحلوة و أنتظر الباقي بفارغ الصبر

هـــ رعشه ـــدب · #13 26-04-2007, 09:50 PM

بنت ابوها مرورك هو الأروع ...

والحين انشاء بكملها لكم ...

ولا تحرمونا من ردودكم الغاويه

ريم البوداي شكراً اختي على تواصلج الجميل ..

هـــ رعشه ـــدب · #14 26-04-2007, 10:33 PM

مرن اليومين وسيف ماعنده خبر عن مهرة وسافر سيف …واغلق تليفونه ..
اما مهرة فرجعت للبيت وسلمت على اهلها وطارت بسرررررعه لغرفتها وافتحت الباب ودشت وفتحت التليفون …وانتظرت يوصلها مسج لسيف بس للأسف ماوصلها اي شيء قالت معقوله ما اشتاق لي …اوكي ياسيف .. وبدلت ملابسها وقالت يالله خليني اتصل في سيف واسلم عليه ..
واتصلت في سيف بس للأسف التليفون كان مغلق .. قالت يمكن يكون نايم ..ورجعت اتصلت قبل اتنام ونفس الشيء مغلق..نامت مهرة وفي الصبح اتصلت ونفس الشيء .. تضايقت قالت شو اللي مستوي … معقوله زعل مني وتركني ..وتمت مهرة تتصل لمدة شهر والتليفون مغلق ..

مهرة : ياربي شو اللي صار لسيف …يارب طمني عليه .. انا ماعندي حد اشتكيله همي شو اسوي .. اكيد زعل مني لأني اغلقت تليفوني ..ولا صار فيه شيء مب زين …خلاص انا تعبت وماعدت قادره اتحمل اكثر …حتى دراستي مب مهتمه فيها ..
مريم : شو فيج مهرة … دووووم سرحانه شو صاير…وحتى وزنج نزل ..
مهرة : انا والله ..
مريم : هيه والله ليش ماتلاحظين نفسج .. حتى سوالفج قلن وماعدتي مهره المرحه كله حزن وسرحانه .. شيء صاير وانا مادري ..

كانت مهرة تناظر مريم بعيونها وتقول في خاطرها ياليت اقدر اقولج وياليت اقدر افتح قلبي لج كان برتاح …بس ما اقدر …ما اقدر … وفجأه بكت مهرة بدوووون ماتحس بعمرهاااااا

مريم : مهرة شو فيج احلفج بسم الله تقولين بلاج عمتي ام محمد فيها شيء … عمي ابو محمد فيه شيء ..محمد ولا مها فيهم شيء …دخيل الله تكلمي …

مهرة (وصوتها مبحوح من الصياح) : لا والله لا … بس انا متضايقه …وماعرف شو فيني ..
مريم : مهرة حبيبتي افتحي قلبج لي …انتي تعرفين اني اختج وبنت خالج وصديقتج وعمرنا ماخبينا عن بعض شيء …لا تخليني همومج تذبحج بروحج افتحي قلبج لي …
مهرة : صدقيني يامريم إذا قدرت اني اكلمج بكلمج …وإذا ماقدرت خلااااااص بس طلبتج ماتقولين لأي شخص اني تعبانه زين …
مريم : زين وعلى فكره انا اليوم بروح للحديقه وباخذج معاي …
مهرة : ليش …بس انا ماريد اروح …
مريم : الدكتور طالب اني اصور له الاشكال الهندسيه للأشجار …وانتي لازم بتروحين معااااااي ..
مهرة : ايصير خير … المهم الدريول وصل وانا بروح حياج معاي …
مريم : انشاءالله وهذا شيء اكيد … لأن دريولنا راح للصناعيه اليوم ..

ونزلت مهرة مريم بنت خالها عند بيتها وتمت تفكر وتقول ياربي اقول لمريم السالفه ولا لا اخاف مريم توصل السالفه لمحمد ويذبحني ويأذي سيف .. آآآآآآه ياسيف هذا إذا بعدك حي وبخير ..
يارب انا اشك انه توفى …لالا الله لا يقووووووله انشاءالله انه بخير …

الدريول : ماما مهره شو فيه …
مهرة : شو فيك …؟؟؟
الدريول : انا من ساعة واقف قدام الباب وانتي تبكين …انا يسوي كلام مشان انتي انتي يسكت شو مشكل..
مهرة : جب ومايخصك ماباقي إلا انته بشكيله الحاااااال …

ودخلت مهرة بيتها … السلام عليج يا ام محمد …
ام محمد : هلا وغلا بالغاليه … ابشري ان مها بتزورنا اليوم …
مهرة : ياااااااااه والله وصار لي فتره طويله ماشفتها …
ام محمد : المهم خبرتج عاد انتي كشخي اليوم …ترا ام راشد بتيي معاهم…
مهرة : وليش اكشخ …
ام محمد : شوه نسيتي انهم يبونج لولدهم احمد …
مهرة : شــــــــــووووووه … يخسي ماباقي غير هذا الصايع باخذه ….
تدرين انا العصر بروح للحديقه ضروري بصور لدكتور … مع مريم بنت خاااااالي ..
ام محمد : كيفج بس انا خبرتج وانتي حره ….هم بيسألون عنج وبقولهم خبرتها وهي ماطاعت تستقبلكم …
مهرة : عااااااااااادي قولي اللي بتقولينه ماعاد يهمني شيء ……..
ام محمد : شو عندج متغيره …واللسانج طويل … لا يكون الكليه خربتج …
استغفر الله منكم بنااااااات …
مهرة : انا بروح انام وماريد اي حد يدق الباب عليه … وماريد غدا …
الو … مريم مري عليه العصر ترا بروح معاج الحديقه زييييين ….

والعصر مرت مريم على مهرة …وراحوا للحديقه عشان يصورون …كانت الحديقه مليانه ناس واطفال صغااااااار …والجوا حلو …قالت مريم انا بروح اصور في الزاويه …
مهرة : انا تعبت اريد ايلس هنيه ممكن وانتي روحي عند وين تبين …
مريم : بكيفج بس انا مب سايره بعيد ..بصور قريب منج …زين يالله الغاليه …لا تنسين تطلبين عصير من الكفتيريا …
مهرة : اوكــــــــــــي ياللي ماهمج غير بطنج …….

وتمت مهرة يالسه وتفكر في اللي غااااااااااب عنها وخلاها … قالت معقوووووله اكون حبيته .. ياربي افاتح مريم واقولها ولا لا … بس اكيد برتاح إذا كلمتها …على الاقل بتعطيني حل …
كانت مهرة متحطمه من الشوق على سيف … وفي نفس الوقت كانت مهمومه عليه ..
مرن ثلاث شهور وهي ماتعرف عنه شيء .. وفجأه رن تليفون مهرة … وقالت افففف اكيد هاي مها وبتم اتعاتب ……,,,,,افففف بلاها متصله مره ثانيه احسن شي ارد عليها …..
واول ماطلعت مهرة التليفون شافت على شاشة الجوال (((سيف يتصلبك ))) وصرخت بأعلا صوتها بدوووون شعور …والناس كلها لفت وجهها تناظر في مهرة …كلمت سيف وتمت تهاوشه بدوووون شعور …..
مهرة : وينك شو فيك انته ماتخاف الله ولا تستحي اصلاً ماعندك ذووووق وعديم احساس …
شو انته على بالك انا لعبة في ايدينك لا لا ….وكيف يطاوعك قلبك تنقطع عني ثلاث اشهر يالقاسي ياللي مالك قلب (((وتمت مهرة تبكي وتبكي )))(((ولا اقدرت تتكلم )))
سيف : مهرة انتي تحبيني لا ما اصدق …فديتج …فديتج … والله انها سالفه طويله وبقولج عليها عقب…بس انتي لا اتمين تبكين …

المهم ان مريم سمعت كل شي وكانت واقفه وساكته .. مهرة اعتقد سكري الخط …انا واقفه عيب

مهرة : اوكي ….باااااااااااي ….
سيف : الليله ضروري اباج زيييين ….
مهرة : اوكي ….
مريم : مهرة انا سمعت كل شيء والحين اباج تقولي لي السالفه كااااامله ...
مهرة :شو بقولج عشان اقوووول سالفه طويله ...ومادري إذا بتصدقيني ولا لا...بس قبل كل شيء احلفيلي محد يعرف عن السالفه ...
مريم : انشاءالله ...وانا اوعدج محد بيعرف ...بس ارجوج تكونين صريحه في كلامج معاي وقوليلي منو سيف ومن وين عرفتيه ...

كانت مهرة حزينة وفرحاااانه .. حكت مهرة القصة من بدايته لنهايته ومريم تمت سااااااكت وماتتكلم ولا قاطعت مهرة ...وفي اخر القصه بكت مهرة ماتعرف من الحزن او الفرحه بسماع صوت سيف او من الفشيلة ان مريم عرفت السالفه بس المهم انها حست براحه ...

مريم : مهرة لا تبكين وانا بحاول اساعدج بس اباج تعرفين شي مهم انتي لازم تحطين حد لهاذي العلاقه ولازم بعد نعرف إذا هو صادق ولا لعاب ...
مهرة : كيف ...انا احس انه صادق ..
مريم : لازم اي وحده تحب واحد اكيد وشيء طبيعي انها تحس بأنه صادق ...بس محد يعرف ..المهم يالغاليه ماتكونين عطيتيه صوره لج ..؟؟؟
مهرة : لا ماعطيته وهو ماطلبني ...بس كيف اتأكد من مشاعره ...
مريم : الحين كم صار لكم تعرفون بعض ...؟؟؟
مهرة : تقريباً ثمان شهور ...
مريم : ياااااااااااه واااااايد بس احسن ...تعرفين هو لازم يتخذ خطوه ايجابيه اتجاه حبه لج ..
مهرة : كيف كيف ..؟؟؟
مريم : لازم يامهرة تسألينه وتقوليله شو اخر العلاقه إلي من بينا ...لا تمين ساكته ترا السكوت مابينفعج احتمااااال ايضرج ...وانا ماريد تستويلج مشاكل مع محمد ...
مهرة : انا بسأله اليوم وبشوف شو بيكون ردة فعله ...
مريم : لا يامهرة مب اليوم ...لأنه توه ياي من السفر انتظري عليه شوي وشوفي شو بيقولج .. سأليه عن سبب سفره وجي ...اما الموضوع الثاني سأليه عنه بعد يومين او ثلاثه ...بس امنتج الله تكونين صريحه معاااااي لأبعد الحدود عسب نبتعد عن المشاكل ....
مهرة : طيب ...بس احنا تأخرنا والحين صارت الساعه تسع يالله خلينا نروح ...
مريم : اوكي ...

اما ام محمد فكانت زعلانه من مهرة وتصرفاتها الغريبه ... ومها زعلانه ليش اختها ما استقبلتها ..وام راشد قالت شو هالبنت اللي صايعه لين الحين لارقيب ولا حسيب ...لا وبعد يبون احمد ياخذها وهذا بعدهم ...وفجأه دخلت عليهم مهرة ومريم وسلموا على الجميع ...اما مها وام راشد استأذون وراحوا ...

ام محمد : عنبوه كل هذا حديقه ...فضحتينا في الناس اللي يالسين يتريونج..
مهرة : امي الكليه اهم من ضيوفج ...بعدينا احنا مارحنا نلعب احنا رحنا نصور ...
مريم : الغاليه ام محمد لاتزعلين فديتج ...هاي دراسه مب لعبه ...

وكانت مريم تتكلم ودخل محمد عليهم ...كان محمد مشتاق لزوجة المستقبل مريم واللي هي بنت خاله ...انصدم وتم واقف يطالع في مريم واللي من المستحى نزلت عيونها في الارض تتريا متى بيسلم عليها ... وهو طاير في عالم الخياااال ناسي امه واخته ونفسه لا وبعد واجبه اتجاه بنت خاله ..

مهرة : محمد شو فيك ليش ماتسلم ...؟؟؟ هاااااااي مريم شو نسيتها ...؟؟؟ههههههه
محمد : هاااااااااااه لا بس احم (((وماعرف شو يقول محمد )))
ام محمد : لا انته ومهرة مادري شو صار لكم كل واحد اخس عن الثاني ...استح على ويهك وسلم على البنت ...ولا مب ماليه عينك بنت اخويه ...
مهرة : اسكتي يا امي الولد رايح فيها هههههههههههههه
محمد : حسبي الله عليج من ابنيه ... المهم شحالج مريم وشو حال خالي عساه طيب وبخير ..
مريم : طيبين ...انته شو حالك ..؟؟
محمد : انا (((لو تعرفين كم مشتاق لج بس ما اقدر اتكلم ))) بخير ...انا بروح للميلس السموحه منكم ..

وطلع محمد وهو فكره طاير مع مريم ....ايقول ياليت لو اقدر اقول لها اللي في قلبي ...وكم احبها ...انا شكلي ماراح انتظر لين ماتخلص كليه ...انا بخطبها من الحين وخير البر عاجله ...
اما مريم فكانت مستحيه من نظرات ام محمد ومهرة ...وقالتلهم سمحولي انا بروح للبيت اهلي يتريوني ...وراحت مريم لبيتها ...اما مهرة فكانت تنتظر متى بتكلم سيف ...وشو بتقوله ...
ودقت الساعه 11 وقالت خليني اتصل فيه واشوفه ...واتصلت مهرة في سيف ...كان سيف معزووووم على العشى في بيت عمه ...وكان عنده ناس وماقدر يرد على مهرة .. قال مب مشكله اول ما اوصل البيت بتصل فيها ...والمسكينه مهرة ماعرفت شو فيه ...وكانت الهواجيس توديها وتجيبها ...

مهرة : لا يكون في هالفترة تزوج وانا ماعرف...والحين عند زوجته ومايقدر يرد ...لالا انشاءالله مب صدق ...استغفر الله احس بموت لو صار هالشيء ... زين عيل ليش مايرد ... انا بنام وإذا هو صاحي بيتصلي ...
نامت مهرة وعلى الساعة وحده اتصل مستر سيف فيها ...وردت مهرة ...وكلمت سيف ...

مهرة : الو وينك ليش مارديت عليه ...؟؟؟
سيف : السموح منج الغلا بس كنا معزومين على العشى في بيت عمي وماقدرت ارد عليج ...وانتي شو اخبارج ...بس تعرفين ماعرفت غلاتي وقدري عندج غير اليوم...تصدقين حسيت بحبج لي ...وانتي اللي ماتعرفيني كل اللي تعرفينه اسمي واني من دبي ...

كانت مهرة طايره من الفرحه بكلام سيف ...وقالتله ...
مهرة : انا كنت مشغوووووله عليك وماعرفت شو اللي صار لك ..ولا عرفت لك رقم غير هذا عسب اتصلك ...بس المهم انك رجعت وانك بخير ...لكن قولي انته ليش مسافر ...؟؟؟

سيف : كان عندي عمي مريض وسافرت انا وولده معاه وجلسنا ثلاث اشهر والحين استوى بخير ورجعنابه لديره ...بس مادريت اني بوحش ناس على بااااااالي بينسوني ....

مهرة : ليش تقول اني حبيتك بدون ماعرف انت منو ...؟؟؟
سيف : بقولج شيء ...انا الصراحه فل بنات عندي بنات بالهبل ويعرفون انا منو ولد منو ...وكلهم ايقولون نحبك ....لا ومغرقيني هدايا وخرابيط بس مب هذا المهم انا اعرف انهم مايحبوني لذاتي ..وكلهم خراطييين....بس انتي حبيتيني بأسمي وشكلي وبس ...وانا متأكد وواثق انج بنت نااااااس

مهرة : سيف ممكن تكون صريح معاااااااي ...
سيف : انا ياقلبي صريح معاج لأبعد الحدود شو تبين بعد ...
مهرة : انا شو بالنسبه لك قولي الصدق ارجوك ...
سيف : انتي انسانه شعوري اتجاهها شعور مختلف عن كل الاحاسيس اللي كنت احسها اتجاه اي وحده ...
مهرة : كيف مافهمت ...؟؟؟؟
سيف : يعني بصريح العبارة انا احبج وياليت تصدقيني...
مهرة : ممكن تقدملي دليل على حبك لي ...
سيف : ممكن ليش لا ...قولي شو الدليل اللي تبين اقدمه وانا حاظر ...
مهرة : تدخل بيتنا من الباب وتقول لأهلي إنك تحبني ساعتها بس بصدق مشاعرك وببادلك نفس المشاعر ...وبحطك في عيوني وبسكر عليك وعمري مابشوف غيرك في دنياي كلها ...
سيف : انتي الظاهر تبين انتحر...كيف ادخل بيتكم واقول لأهلج اني احبج ...تبينهم يذبحوني
مهرة : المهم سيف فكر في الموضوع ...وانا تعبانه بنام عندي باجر كلية ...
سيف : بذمتج انتي الحين مشتاقه لي ...واي موضوع تافه تبين افكر فيه ...بلييييز لاتصيرين قاسيه عليه ...
مهرة : انا ماطلبت منك شي فيه تعجيز لك ...كل اللي اباه ان اهلي يعرفون عشان اكون مرتاحه
سيف : اوكي براحتج ...الله اوياج ...

وتمت مهرة تفكر ...قالت معقوله يقص عليه...يارب بين لي حقيقة هذا الأنسان ...انا تعبت خلاص ما اقدر احتمل زياده ...ونامت مهرة ...والصبح راحت للكلية ..وفي الكلية كانت تنتظرها مريم بنت خالها ...

مهرة : صباح الخير مريوم ...
مريم : هلا والله صباح الورد ...هلا بالناس اللي منوره وجوهم ...كل هذا عشان سيف وصل البلاد...
مهرة : مريوم عندي سالفه طويله ومهمه واريد اقولها لج عن سيف ...انا البارحه بعد ماسكرت عنه كان خاطري اتصلج على طول بس كنت اعرف انج نايمه ...
مريم : شو قوليلي تراج طيحتي قلبي في الارض ...
مهرة : امس كلمت سيف والمشكله سألته عن مشاعره اتجاهي وشو نهاية اللي بينا ...اووووه سوري مب نهاية اللي بينا ...بس هو قال يحبني قتله اريد دليل على هالكلام قالي شو تبين بقدملج دليل ...((((المهم مهرة حكت القصة على مريوم ...)))
مريم : انتي خبله تعرفين هالشيء او لا ...ليش تتسرعين انا قلتلج خذيه بهداوه ..الحين ماعرف الصراحه شو اقولج ...
مهرة : لا قوليلي ...اريد اعرف ...
مريم : الصراحه امبين من كلامه انه يلعب عليج ...بس هو معاه حق انه قالج انتي تبيني انتحر عشانه بيدخل بيتكم ...ترا الرجال مايعرفج حق المعرفه ...ومايعرف شو اخلاقج ...ولابنت منو
ولا كيف عايشه ...
مهرة : زين وانا شو اسوي قوليلي ...
اتريي عليه شهر واحد وبس وإذا تم مصر على موقفه اتركيه ...اكيد الحين هو يفكر في كل كلمة قلتيها هذا إذا كان بالفعل يحبج ...المهم يالله خلينا نروح للمحاظره ..
مهرة : اي محاظره تكفين انا افكر في سيف وفي سالفتي معاه ...
مريم : سيف كوم ودراستج ومستقبلج كوم ثاني لا تخلين شيء يأثر على دراستج تفهمين ترا والله لا سيف ولا غيره بينفعج وكل شي بيتخلى عنج والشيء الوحيد اللي بيظل معاج هو شهادتج وهالشهاده سلاح عشان تواجهين فيها الدنيا بأكملها ...
مهرة : مشكورة حبيبتي على هالكلام الحلواااا ...وانشاءالله اني بهتم في دراستيه ...

اما سيف فكان بالفعل يفكر في كلام مهرة ...وقال وينك ياحمد ...يافكاك النشب ...واتصل سيف على حمد ...

سيف : الو شحالك ياحمد عساك بخير..
حمد : عفواً اخوي منو بغيت ...
سيف : بغيت حمد ترا انا مكلفيني اقوله طالعتلك ارض تجاريه على الكاسر ...
حمد : هاااااااااااه والله هيه نعم انا حمد ...
سيف : انته حمد ... مالك غير زريبة الغنم اللي بانينها في اخر اللفه ......ههههههههههه
حمد : دووووم اتسبني وانا اسكت عنك الله يسامحك .....
سيف : والله ياخي انته دوووووم تستهبل ...وانا شو اسويلك ...
حمد : المهم انا مشتاق لحظرتك ...وااااايد وشوفلي طريقه اشوفك .....
سيف : هههههه وانا بعد المهم شو رايك امر فيك الحين ونروح لسيتي سنتر خاطري اقولك اشياء كثيره صارتلي البارحه ...
حمد : انشاءالله ...دقايق واخلص ومرني ...

وطلع سيف مع حمد لسيتي سنتر ...واجلسوا في الكوفي شوب ...وطلبو عصير ..
وحمد كان فضولي ويبا يعرف كل شيء ...وتم حمد يسأل ويسأل وسيف ساكت عنه ..
وبعد شوي حكى سيف لحمد كل اللي صار من بينه وبين مهرة ... وقال سيف ياحمد انا اريد تشور عليه شو اسوي ...تراني محتااااار حيل ...

حمد : من تصرفات البنت معاك ايبين انها تحبك ...لكن هذا مايمنع نتأكد من اخلاقها ...
سيف : كيف ...
حمد : انا بتصلها من كذا رقم وبنشوف إذا ترد ولا لأ ..وبعدين انته بعد حاول تطلب منها انك تشوفها في بوظبي ...وشوف إذا ترضةى تطلع معاك او لا وإذا طلعت معناتها هي مب ذاك الزووود...
سيف : وبعدين ...
حمد : إذا كانت البنت اوكي ليش ما تتقدم لها ...هذا وهي تحبك لشخصك ...مب لأنك سيف بن صقر صاحب الاملاك والشركات ...
سيف : كلامك صح ...بس انا ما افكر في الزواج الحين ...الصراحه ما اريد اتقيد بزوجه وبيت وعيال...اريد اروح واسهر واسافر بدون محد يحاسبني ...
حمد : والله ياسيف هذا شي راجعلك بس البنت مابتم دووووم تتصلك اكيد بيتقدملها واحد وبتتزوج ...وانته بتم على هالحال ...
سيف : ياقلبي وشو هالكلام الله لا يقوله مهرة تتزوج لالا ....انته شو تقول ...
حمد : هيه والله ...عيل شو ...انته ماتريد اقولك الصراحه ...
سيف : المهم انا بختبر اخلاقها مثل ماتقول بس انته الحين اتصل فيها وخلينا نشوف شو بيستوي ...
وتم حمد وسيف يتصلون في مهرة من ارقام غريبه وماتعرفها ...وفي يوم من الايام ملت مهرة من كثر الاتصالات وخذت الارقام وعطت اخوها محمد عشان يتفاهم مع اللي يتصولون فيها ..

مهرة : محمد ممكن تخلي الجهاز عنك شويه ...عندي سالفه اريد اقولها لك ..
محمد : خير انشاءالله شو مستوي ...
مهرة : انا الصراحه تجيني ارقام غريبه ومزعجتني واكثر عن مره واريدك تشوفلي حل معاهاااا
محمد : هاتي تلفونج يالله واقسم بالله إذا واحد بيشوف شيء عمره ماشافه ...
مهرة : اوكي خذ تليفوني وهاي الارقام هم بس ثلاثه ...

واتصل محمد على اول رقم ...وشاف سيف الرقم قال اوكي يامهرة ...حمد اللحق عليه رد علىة مكالمة مهرة بسرعه ....

حمد : واخيراً اتصلت ...الو ...
محمد : منوا انت وشو تبا تتصل في هذا الرقم ...
حمد : سيف الحق طلع واحد ....
سيف : الله يغربلك ...قوله غلطان ...
حمد : احم اخوي اعذرني ...انا الصراحه كنت مسافر وتو راجع للبلاد ..واريد اتصل في عمي وعلى بالي هذا رقمه ...
محمد : لو جاني هذا الرقم مره ثانيه والله اني احطه عن الشرطه فاهم ...
حمد : سيف يالثور بيحطه عند الشرطه ...زين زين اخوي انا اسف ...والسموحه واعذروني على الازعاج ...

محمد : باقي اثنين والحين بتصل ...

كان سيف وحمد مندهشين من اسلوب مهرة ...وفجأه جاهم اتصال مهرة على الرقم الثاني بس هم ماردوا لأنهم كانوا واثقين ان اللي متصل هو اكيد بيكون اخوها ...وطنشوا ولا ردواااا

محمد : الحمار هذا شكله هو صاحب الارقام الثلاثه لأنه مارد عليهم ...بس لو جاج الرقم مره ثانيه اعطيني اياه فاهمه ...مب اتمين ساكته ...
مهرة : انشاءالله ...كيف بسكت مستحيل اسكت ....

وطلعت مهرة من غرفة اخوها ...وكانت تريد تحكي لمريم قصة الاتصالات ...وبعدين قالت ليش ما اتصل في سيف ... واكلمه ...واتصلت مهرة في سيف لكن سيف للأسف مايرد ...

سيف : الحق عليه حمد مهرة تتصل واعتقد انه اخوهااااا وشو بسوي الحين ... انته علة وافكارك مرض...كنت مرتاح قبل شورك عليه ...انا ليش اسمع كلامك ...

مهرة : ياربي شو فيه سيف مايتصل ...احسن اطرشله مسج ...
سيف : احس مهرة هي اللي متصله تعرف ليش ...
حمد : ليش ...
سيف : لأنها كاتبه لي ...انته زعلان سيف ...ليش ماترد ...معقوله نسيتني....
حمد : رد عليها وشوف شو بتقول لك ...
سيف : الو الو ...مهرة شحالج ..
مهرة : هلا والله ...انا بخير ...انته شخبارك وليش ماترد ...
سيف : انا تمام بس كنت مشغول شوي ...
مهرة : لا يكون انا اتصلت في وقت غير مناسب ...
سيف : لا بالعكس...مناسب ونص ...شو اخبارج انتي ..
مهرة : الحمدلله ..انا مستغربه ...
سيف : من شو ؟؟؟
مهرة : ما اشوفك دوووم تتصلبي ...شكلك مليت مني ...
سيف : انا ...حرام عليج تقولي جيه ..مستحيل امل من قلبي
مهرة : خاطري اصدق كلامك ..
سيف : وليش تتصلين فيني إذا مب مصدقه كل كلمة اقولها لج ...
مهرة : قلبي هو اللي يجبرني اتصل ...
سيف : مهرة انا خاطري اطلبج وياليت ماترديني ...
مهرة : انته تامر امر ...
سيف : ما يامر عليج عدو...انا انشاءالله باجر بروح بوظبي ..وخاطري اشوفج وايلس معاج ..
مهرة : والله ...وانا بعد تصدق ...
سيف : بذمتج ...مشكورة فديتج والله انج فرحتيني بكلامج الحلو ...
مهرة : بس ماقلتلي وين تريد نتقابل ...وفي اي وقت ...
سيف : اللي يناسبج ... والصراحه اريد اشوفج في مكان محد فيه عسب ناخذ راحتنا في الكلام ..
مهرة : تصدق اول مره احس بحزن عميق في قلبي ..
سيف : ليش فديتج ومنو شو ...
مهرة : خساااااااااااره ...احس ياسيف اني خسرت عمري وحياتي ..
سيف : شو مستوي خبريني ....لا تشغلين باااااااالي ...
مهرة : حساااااااااافه على الوقت اللي ضيعته مع واحد مثلك وعلى قلبي اللي عشمته بحبك وصدقك ...
سيف : ليش تقولين جيه شو فيج عليه ...
مهرة : بس بقولك شيء واحد ...وبرجع اكرره لك انا مب من النوع اللي في بالك وهذا أولاً اما ثانياُ والأهم انك لازم تعرف إن بنات الناس مب لعبة في ايدك ...وكما تدين تدااااان ...واتق الله
سيف : مهرة لحظه بقولج ...
مهرة : اي لحظه واي خرابيط ...يالله سلاااااام ورجاءً لا تزعجني بالأتصالات لأني لو ازعجتني بخبر اخويه ..
سيف : لا تظلميني وانتظري شو بقول ...مهرة ...والله العظيم انا من باجر اريد اخطبج والليله بكلم الوالد ...
مهرة : شو قالولك مغرومه بأموالك وبصدق كلامك ...لا ياشيخ ...طز فيك وفي املاكك ..يالله بااااااااااااااي ....

تضايق سيف من تصرفه مع مهرة ...بس كان لازم انه يجرب مهرة ويتأكد من اخلاقها ..
ومضت الأيام وكل ما اتصل سيف في مهرة تسكر الخط في وجهه ..وظل يشتكي لحمد ..

سيف : حمد انا ما حصلت خير من شو رك عليه اولها عقيتنا على اخو مهرة وثانيها زعلت البنت ولين الحين مارضت وانا خايف تغير رقم تليفونها ...
حمد : انته لازم تكلمها ...وبأسرع وقت وبعدين تكلم ابوك في السالفه ...
سيف : انشاءالله ..

اما مهرة فحكت القصة لمريم وقالتها كل شيء ...لكن مريم فكرت انها تتدخل في السالفه ..
وتكلم سيف وتحط حد لهذا الموضوع .. وخذت مريم رقم سيف ...وقالت اول ما اوصل للبيت بتصل وبكلمه ... ووصلت مريم للبيت وسلمت على اهلها وراحت تبدل ملابسها .. وبعدين قالت خليني اتصل ...واتصلت وكان التليفون يرن وشاف سيف الرقم غريب قال خليني ارد واشوف من ....!!!@

مريم : الـــــــــــو .....السلام عليكم ..
سيف : عليكم السلام ....منو معاي ممكن اعرف ...
مريم : بنت خال مهرة ...
سيف : خير عسى مهرة مافيها شيء كايد ...
مريم : مهرة بخير ...بس انا حبيت اكلمك في موضوع ...واتمنا ان وقتك مناسب ..
سيف : تفضلــــــــــــــي اختي ...شـــو موضـــوعج ...
مريم : ممكن اعرف شو اللي تريده من مهرة بالضبط
سيف : احبها واريدها على سنة الله ورسوله ...
مريم : حلــــــــــو ... زين ليش ما تتقدملها بشكل رسمي ...؟؟؟؟
سيف : هي ماعطتني مجاااااال ...
مريم : بالعكس هي ماقصرت معاك بس انت اللي يهديك تلعب عليها ...
سيف : انا ما أللعب وبصدق اريدها حتى اتصلها يومياً اريدها ترد عشان اكلم الوالد ..بس هي ماعرف شو فيها ..
مريم : هي زعلانه وحست انك ماتريدها بس تلعب عليها ...
سيف : اريدها ...وياليت ترد عليه عشان اكلمها ...
مريم : اتصل فيها وهي بترد ...بس اتريا شويه عسب اقولها السالفه بأكملها ..
سيف : زين ...وانا انشاءالله بعد صلاة المغرب بكلم الوالد ...
مريم : بالتوفيج انشاءالله ...والحين اسمحلي بسكر التليفون ..
سيف : مسموحه الشيخه والله معاج ...ومشكوره على الاتصال ...

واتصلت مريم في مهرة وخبرتها بالسالفه واستانست مهرة ...قالت الحمدلله ان سيف انسان صادق معاي ...وانه مالعب بمشاعري ...الحمدلله ...وسيف بعد نص ساعة اتصل في مهرة واللي كانت تنتظره وهي مستحيه ...وخصوصاً انها حست بأنها كانت ظالمتنه ..

مهرة : الـــــــــــو ...هلا سيف ...
سيف : مرحبا بالغلا كله مهرة ...مرحبا بالزعلانين ...اشحالج يالقاطعة ..
مهرة : انا بخير من سمعت صوتك ...
سيف : المهم...انا ما اقدر اطولج معااااااج لأني اريد ايلس مع الاهل شوي ..وعشاااااااان اعتقد تعرفين وماراح اقول ...
مهرة : هيه عرفت ...
سيف : فديت اللي مستحين ...
مهرة : خــــــــــــلااااااااااااص لا تحرجنـــــــــــــــي ....وسير عند اهلك
سيف : اوكي بس لا تنامين زين اريدج اول انسانه تعرف بالسالفه يوم بكلم ابوي زين
مهرة : اكيد انا ماراح انام قبل اعرف شو استوى معاااااك ...
سيف : يالله فديتج انا الحين قريب من البيت وانشاءالله ع الساعه 12 بنتلاقه وبنسولف ...
مهرة : اوكـــــــــــــــي وانا اترياااااك ....مب تنساني ...
سيف : كيف انسااااااج ...حد ينسى عمره ...
مهرة : خلاص عاد ...يالله فمان الله ...
سيف : هههههههههههه اوكي يالخجوله ...لله معاج ..

دخل سيف للبيت ...وسأل عن ابوه قالوله في مكتبه ...قال خليني اروحله ...واكلمه قبل يزورنا حد من ربعه ويلتهي معاهم ... راح سيف ودقات قلبه تسابق خطواته كااااان مرتبك ...كيف بيكلم ابوه وشو بيقوله ...ودق سيف باب المكتب ...وقاله ابوه تفضل ...

سيف : الســـــــــــلام عليكم ....
ابو سيف : هلا والله ...
سيف : مرحبا الغالي شو حالك فديتك ..
ابو سيف : بخير ربي يسلمك ...اكيد تبا اضيفلك مبلغ في الحساب او شايفلك سيارة جديده وتريد تشتريها ...ههههههه اعرفك عمرك ماجيت عشان تجلس معاي ...
سيف : لا والله ماريد تضيفلي مبلغ ولا اريد سارة ...
ابو سيف : غــــريبـــــه ...عيل شو تبا ....
سيف : انا ....انا ....
ابو سيف : هيه انت شو قــــــــــــــولي بعدين ليش مستوي ويهك اصفر ...انته مريض وانا ماعرف ...
سيف : لا لا فديتك بس عندي موضوع وحاب اخذ رايك فيه ...
ابو سيف : لا تسويلي رعب وقولي شو تبا ...وشو موضوعك ...
سيف : الصراحه انا اريد اخطب .........(((وتم سيف يرتجف من المستحى )))
ابو سيف : هههههههههههه ...ياليتك الحين بتطلب مال ولا شيء كان ماستحيت كل هالمستحى ...
سيف : ابوي انا بعدني ماكملت كلامي ...
ابو سيف : انا من زماااان وانا اباك ترتبط ...وهاي امنيتي بس ماحبيت اضغط عليك وكنت اريدك انته اللي تفاتحني بهالشيء ...والحمدلله انها جت منك مب مني ...
سيف : انا شايفلي بنت ناس وحلو ه واخلاق واريدك تخطبها لــــــــــــــــي ...
ابو سيف : بس خـــــــــــلاص لا تكمل ...اي بنت ناس وانته عندك زهرة بنت عمك ...احلا من الحلا نفسه ومن مستوانا الاجتماعي ...ومابتكون ماخذتنك طمع في أموالك
سيف : بس انا احب اللي اريدها وماعندي استعداد اخسرها وارجوك افهمني ..
ابو سيف : إذا خذت البنت هاي غصب عني ترا والله العظيم اني اغضب عليك لين يوم القيامه ولا اخذلك سلام ولا حتى اريد اشوفك في هاي الدنيا تسمع ...وهذا اخر شيء اقوله لك ...
سيف : انتــــــــه بكلامك هذا حطمتني وذبحتني ..

وطلع سيف من مكتب ابوه وهو منهار ومايعرف شو بيسوي ولا شو بيقول حس انه خسر مهرة للأبد ..وحس انه مب من حقه يفكر في اي بنت ...حس انه يريد يبكي يريد يصرخ بأعلا صوته ..
طلع وركب في سيارته ...ومر في بيت حمد ...واتصل في حمد وقاله اطلع انا قدام بيتكم اريدك ضروري ...وطلع حمد مع سيف ..قاله سيف ممكن انت اللي تسوق احس نفسي مب قادر ..

حمد : انشاءالله انا بسوق ...بس انته شو فيك قـــــــــــــول وبعدين شو فيه صـــــــــوتك ...
سيف : ابوي ذبحنـــــــــــــي وحكم عليه بالأعدام ...
حمد : ليش ...مستحيل وعشان شو ...لالا انته تقص عليه ابوك عمره مارفض لك طلب ...
سيف : كلمته وقلتله اريدك تخطب مهرة لي ورفض وحلف انه يطردني من حياته لين يوم الدين ..
حمد : اففففف ....والله زين ليش وعشان شوه ...
سيف : يرد اتزوج بنت عمي زهرة ...تخيل ...
حمد : الله يعينك على ما ابتلاك ...
سيف مب هاي المشكله ....المشكله مهرة تنتظر اقولها اللي صار وماعرف شو بتقول ولا شو بتكون ردة فعلها ..
حمد : قولها الصراحه ...ولا تخبي عليها شيء ...
لكن سيف ما اتصل وظلت مهرة تنتظر لين مانامت بدون ماتحس من كثر التعب ..
والصبح قامت مهرة مسرعه واخذت تقلب في تليفونها وتقول يمكن سيف بعث مسج او اتصل وانا رديت عليه بدون ما احس ...لكن للأسف سيف ما اتصل في مهرة ولا شيء ..
وطلعت مهرة من البيت وهي متضايقه ..ومرت في مريم بنت خالها وطلعت معاها مريم ..

مريم : هاه بشري شو استوى ...
مهرة : ماعرف شو بقولج ...سيف ما اتصل ولا قالي شو صار عليه ..
مريم : ياويله إذا كان يلعب علينا والله اني اخليه يندم ..ومن الخالطر بعد ...
مهرة : انا بتصل في سيف شو رايج ...
مريم : اتصلي سوي اللي تبينه ... ولا اقولج طنشيه وخليه هو اللي يتصل ...
مهرة : صح إذا يريد هو اللي بيكلمني ....ليش انا اللي دوووم اركض وراه ..
مريم : المهم نزلي ترا وصلنا ...

ومرت الايام والاسابيع والشهور وسيف ما اتصل في مهرة قالت مهرة شو اللي صار معقوله لعب عليه ...لالا ...ليكون ...استغفر الله يارب ...وزارت مريم مهرة وجلسو يسولفون مع بعض ..
مريم : شو رايج الحين يامهرة تتصلين في سيف خلينا نشوف اخباره ...
مهرة : اوكي ...
سيف : الو ...
مهرة : هلا ومرحبا باللي مايسأل علينا ولا كنا على باله ...
سيف : اهلين شو حالج مهرة ...
مهرة : ...الحمدلله إنك بعدك تذكر اسمي ...
سيف : آآآآآآآآه وكيـــــــف أقــــــدر أنســـــــاه ...
مهرة : انته نسيتني ياسيف وماتوقعت هذا الشيء منك ...
سيف : مهرة انا تعباااان وارجوج لا تجرحيني بكلامج ...وانا عمري مانسيتج
مهرة : المفروض انا اللي اكون تعبانه لأني انا اللي اتريا اتصالك وقلت خليني ابتعد واقيس مقدار غلاي عند سيف بس للأسف شفته عادي عندك ..حسااااااااااافه والله ...
سيف : اعترف اني مقصر بحقج ...لكن ...
مهرة : لكن شو قول لاتم ساكت ...انته ماتعرف كم ترياتك هاذاك اليوم ...وماتعرف كم تعذبت بس لمجرد اني فكرت انك بعتني ...
سيف : انا مابعتج تسمعييييين ولا عمري ببيعج ...
مهرة : ممكن تكلمني بصراحه وتقولي ليش سويت فيني جيه وليش قصيت عليه ...
سيف : مهرة بقولج شيء واحد وبس ...انا ما انفعج ...
مهرة : شـــــــــــــــــــوه ليش ...ليش ...ليش بعدني ماعلقتني فيك وخليتني احبك تريد تبتعد عني ليش يوم ماكنت اريدك تبتعد عني واترجيتك ما ابتعدت ليـــــــــــــــــــــــــــــــــــش دخيل اصلك؟؟؟
سيـــــــــف : اعتبريني ميت ...
مهرة : (((بعد سكوت طويل ...واحساسها بعبره قويه ))) ميت ؟؟؟ اوكي بس اريد اعرف شيء واحد وبعدين لك مني ابتعد ولا افكر بالرجوع ...قـــــــــــــــولي انته ليش تسوي فيني جيه انا شو سويتلك قـــــــــــــــــــولي عطني سبب مقنع ...
سيف : (((وحكى سيف القصه على مهرة )))
مهرة : اوكـــــــــــــــــــي ...اوعدك من اليوم هذا ماراح تعرفلي طريق ...سلااااااااااااااام

وسكرت مهرة الخط عن سيف ...وكانت تبكي ...اما سيف فالحزن حطم كيانه وبكى لكن البكى ماريح قلبه ...وقال ليش يصير كل هذا معاااااااي صدق من قال (عمر السعاده ماكانت بالاموال ) و (عمر المال ما اشترى السعاده وراحة البال )....أما مريم فكانت تنتظر وبفارغ الصبر انها تسمع اللي صار بين مهرة وسيف ...

مريم : شوه ليش تبكين قـــــــــــــوليلي شو اللي صار ....
مهرة : خلاااااااااااااص يامريم احنا انتهينا ...
مريم : المهم الحمدلله انه ظهر على حقيقته ...والله انشاءالله بيعوضج بالاخير والابرك انشاءالله ..
مهرة : مريوم اريد اغير بطاقتي ...
مريم : لييييش ...خليها ...
مهرة : ماريد كل ما صحيت من نومي اني اركض على التليفون اشوف إذا سيف بعثلي شيء او لا ...ولا اريد انه يكون عندي امل في يوم من الايام ان سيف بيتصل ...ارجوج افهميني..
مريم : طيب طيب يامهرة كلامج صحيح ...من باجر غيريها ...

وغيرت مريم بطاقتها ...وكانت حزينه بس شو تسوي هذا هو الحل عشان تنسى سيف ..واللي حبته من كل قلبها ..اما سيف فكان دووووم يشكي لحمد ...وفي يوم من الايام كان سيف تعبااااان وحلم مهرة واول ماصحى قال لاز اتصل فيها ...حس بأنه مشتاق لها ... واتصل لكنه انصدم يوم اتصل في مهرة وحصل الرقم غير مستخدم ...حس بأنها فعلاً خسر مهرة وللأبد ...
كان التليفون هو الوسيلة الوحيده اللي من خلالها يقدر يتواصل مع حب عمره مهرة ...
وفي يوم من الأيام اتصل سيف في مريم بنت خال مهرة وكانت مريم طالعه من الكليه مع مهرة وتوهم راكبين في السيارة ....قالت مريم لمهرة الحقي سيف يتصل شو يبا ...فز قلب مهرة وتمت تضحك بدوووون ماتحس ...قالتلها مريم بلييييز لا تضحكين وخليني ارد عليه اشوف شو يبا

مريم : الو مرحبا ...هلا (((كانت مريم مستغربه من الصوت اللي يكلمها )))(((صوووووت ملايااااان حزن وصاحب الصوت كان يبكي شوي ويتكلم شوي )))
خوي شو فيك ترا انا مب فاهمه عليك ...انته سيف صح ولا انا غلطانه ...؟؟؟

حمد : لا انا مب سيف انا ربيعه ...
مريم : ربييييعه ....خييييير شو صاير ...
مهرة : شو شو عطيني التليفون شو مستوي ...؟؟؟
مريم : اسكتي خليني اعرف شو السالفه ....لو سمحت اخوي من وين عرفت الرقم ...
حمد : تليفون سيف ...
مريم : اوكي وسيف وينه ...
حمد : سيف (((وتم حمد يبكي )))

$ احلى من العقد لباسه $ · #15 27-04-2007, 06:37 PM

رعشة هدب

ولي يعافيج كمليها بتبدى الامتحانات بلييييييييز كمليها اليوم بليييز

هـــ رعشه ـــدب · #16 27-04-2007, 11:28 PM

اعذريني اختي

ياليت اقدر اكملها الليله

بس المشكله القصه طويله

واااااايد وانا عندي بحوث لازم

اخلصهم واسلمهم لدكاتره الاسبوع القادم

بس بحاول اخلص جزء منها ...

وانا سعيده بمرورج الغاليه

والسموحه من الله ومنج

هـــ رعشه ـــدب · #17 29-04-2007, 05:20 PM

مريم : لو سمحت اخوي جاوب على سؤالي ...سيف شو فيه ...
حمد : الله يلعن الحب وسنينه...
مريم : اخوي لو سمحت فهمني شو تقصد ...
حمد : سيف صارله ثلاث ليالي وهو في العنايه وممنوعه عليه الزيارة ..والسبب مهرة وابوه الله يسامحهم ...
مريم : ليش مهرة شو سوت ...
حمد : سأليها هي تعرف ...المهم سيف تعباااان وياليت لو مهرة تزوره يمكن يتحسن حاله ..
وانا متصل عشان اقولج وعشان تخبرينها وياليت ماترديني.
مريم : انشاءالله ..بس عطني عنوان المستشفى ...
مهرة : شو تقولين واي مستشفى وشو اللي صاير تكلمي عطيني التليفون ...
مريم : لحظه لحظه ..

وكلمت مهرة حمد وانصدمت يوم عرفت الخبر ...حست بالذنب وحست انها ظلمت سيف .. نست كل شيء ومافكرت غير في انها تزور سيف وتتطمن عليه...ناسيه أهلها واخوها محمد وكل شيء خلاص هي مب شايفه قدامها غير سيف وبس...واللي لازم تروحله ..وبأي طريقه ..

مهرة : مريم ارجوج انا لازم ازور سيف ...ولازم انج تساعديني ..
مريم : انتي مينونه كيف بتزورينه هذا في دبي مب بوظبي
مهرة : ماعرف بس انا لازم اشوفه ...بلييييز ساعديني ...بموت إذا ماشفته ..
مريم : مادري ...بس اخاف نغامر ويكشفنا محمد ...ونطيح في مشكله ..
مهرة : باجر مابروح للكلية ...وبنروح لدبي شو قلتي ....
مريم : امممممممم ماعرف بس في اي سيارة بنروح ...
مهرة : تكســـــــــــــــي ...
مريم : لالا انتي مينونه وإذا خطفنا التكسي وصارت علينا مشكله ...
مهرة : شو انسوي ...
مريم : مادري ...الدريول صعب نخليه يوصلنا لأنه بيقول لأمي وابوي وبتستويلي سالفه كبيره..
مهرة : مافيه غير حل واحد...
مريم : شوه ...
مهرة : ربيع سيف هو اللي يوصلنا ...
مريم : لا ياعيوني هذا استحاااااااله اسويه ...
مهرة : انا بكلمه على الاقل يبعث لنا دريول من عندهم ...
مريم : اوكي ...بس بعد بفكر في السالفه ...

رجعت مهرة للبيت وكانت تعبانه ...حتى الغدا رفضت انها تاكل لأن بالها مشغول في سيف ماتعرف إذا بيعيش ولا لا ...حست انها السبب ...بس ماكانت تقدر تسوي شيء .. دخلت مهرة في غرفتها وعقت عمرها على سريرها بدون ماتبدل ملابسها ...كاااااانت مهرة تستعيد ذكرياتها مع سيف ...بكت وبصوت عاااااالي ...لكن مانفعها الصياح ...وفجأة فكرت تتصل على تليفووون سيف ...واتصلت ...ورد عليها واحد صوته تعبااااان ...خافت تتكلم وفي نفس الوقت كانت مرتبكه ...بس قالت خليني ارد ...واللي يصير ايصير...’’’’

مهرة : الـــــــــو السلام عليكم ...
سيف :: ((اللي يتكلم حمد )) ...هلا منو ...
مهرة : انا ...انا .. انا ...مهرة ...
حمد : هلا هلا مهرة ...اشحالج ...
مهرة : الصراحه مب طيبه اشحال سيف شو اخباره شو مسوي ...
حمد : ماخبي عليج مهرة تعبااااان واااااايد وابوه يفكر يسفره ...انا احس دوا سيف عندج ...انتي لازم تزورينه ...
مهرة : اتمنه لكن ظروفي صعبه وماعندي سيارة توصلني ...ولا اعرف شو بسوي ...بس انا اريد اكلمه ...ارجوك ساعدني ...
حمد : إذا تحسنت حالته اكيد بتكلمينه ...
مهرة : إذا .....لالا انا ما اقدر انتظر لين مايتحسن الحين اريد اطمن عليه ...ارجوك
حمد : المشكله أن ابو سيف متواجد 24 ساعه ..
مهرة : اهاااا...خلاص انا بشوفلي طريقة عسب ازوره لكن ارجووووك ...عطني رقم الغرفة وعنوان المستشفى ..
حمد : انشاء الله ..
مهرة : انا احسلي اتصل في فاطمة واقولها لازم توديني دبي ...ماشيء غير هذا الحل ..

أتصلت مهرة في زوجة خالها فاطمة وكلمتها ...كانت مهرة مستحيه وخاااااايفه ماتعرف من وين بتبتدي ولا تعرف شو بتقول ...سألت عن خالها وسألت عن زايد ...قالتلها فاطمة إذا مشتاقه لزايد ترا بوديه عندج لأني العصر بروح دبي ...طاااااااارت مهرة من الفرحة ....ماصدقت انها تسمع كلمة دبي ...قالت مهرة لفاطمة ...انها تريد تروح لدبي ...لأنها ملت من جلسة البيت وتريد تغير جو وفي خاطرها كمن غرض تريد تشتريه ...قالت فاطمة خير انشاءالله ...وخليج جاهزة على الساعة ثلاث الظهر ...وراحت مهرة لأم محمد ...وستأذنت منها ...لكن ام محمد رفضت ...
وبكت مهرة قدام امها ...

ام محمد : مهرة حبيبتي ليش تبكين ...انا ماقصدت ازعلج بس انا ...
مهرة : انا تعباااانه يا امي واريد اروح اغير جو ...ملليييت من البيت والدراسه ..
ام محمد : لا حول ولا قوة إلا بالله ...زين يابنتي روحي ...وانا مب قايله لمحمد عسب مايعصب لأنه ماخذ في خاطره منج ...
مهرة : مني انا ...؟؟؟؟ليييييش ....شو سويت له ...
ام محمد : ايقول انج متغيره وماقمتي تيلسين معانا مثل قبل كله صاكه عليج باب غرفج حتى ابتسامتج ماعاد قمنا انشوفها ...ودوووم حزينه ومالج نفس ...
مهرة : امي تعرفين الدراسه صعبه والصراحه هي اللي مضايقتني ...وانا اريد اكون متفوقه ..
ام محمد : وانا بعد اقول جيه ...بس المهم انج ترتاحين في هالسيره وتغيرين جو ...
مهرة : انشاءالله ...

ومرت فاطمة في مهرة ...وراحوا لدبي ...كانت فاطمة ملتهيه مع زوجها سعيد وتسوووولف معاه اما مهرة فكانت سرحاااااانه في عااااالم ثاني ...كانت تقول آآآآآآه اخيراً بشوفك ياسيف انا مب مصدقه ...اتمنا تكون حالتك تحسنت لو شويه ...يارب اقدر اشوفك واتمنا مايمنعني منك شيء ..

فاطمة : مهرة وووين سرحاااانه ...هههههههههه ابد مب معانا ...
سعيد : خليها ...شكلها رايحه فيها ....
فاطمة : مــــــــــــــــهرررررة ......شو فيج جاوبيني ...
مهرة : هـــاااااااااااااه شو تقولين ....
فاطمة : سلامتج يالغاليه ....بس ممكن نعرف في شوه تفكرين ...
مهرة : انا ...انا ...انا ....ماشي بس افكر في درجتي الزفت واللي خذتها امس ...
سعيد : شدي حيلج نباج متفوقه ...وارفعي روسنا فوق ...
مهرة )) مع ابتسامه يكسوها الحزن ))) انشاءالله خالي ...
فاطمة : انا اريد اول شي سوق نااااايف ...وانتي مهرة وين تبين ...
مهرة : هاااااااااااااااااااه ....انا بدخل مركز المنال ...
سعيد : بكيفكن ترا انا بنزلكم وبروح للصناعية ...
فاطمة : اوكي بس خذ شيخة وزايد ...
سعيد : لالا مايخصني فيهم شيخه تيلس اوياج وزايد مع مهرة انا مابي صدعتهم ..
فاطمة : اوكـــــــــــي ايصير خير ...

اما مهرة فكانت تقول هاي فرصتي الاخيره ...واحسلي من الحين اطرش مسجات لحمد عشان يرد عليه ...وطرشت مهرة مسج لحمد مكتوب فيه ((السلام عليكم ...انا في دبي ..ممكن اعرف كيف اقدر اروح للمستشفى ))....وحمد مارد عليها ...وظلت تنتظر بس مافيه فايده ..واول ماوصلو لسوق نايف نزلت فاطمة مع شيخة ...اما مهرة فقالت انا بروح لمركز المنال مع زاااايد ؟؟واول ماشافت مهرة فاطمة داخله سوق نااااايف ركبت في تكسي وقالتله ممكن توصلني مستشفى الوصل وبسرعه ...قالها اوكي ...وراحت مهرة للمستشفى وقلبها ينبض بسررررعه من الخوف ...اول مره في حياتها تركب مع تكسي ...وفجأه رن تليفونها وعرفت انه حمد ...

مهرة : الو هلا عليكم السلام ...ايه انا قريب من المستشفى ...
حمد : انا بنتظرج قدام باب المستشفى ...

وصلت مهرة للمستشفى وخذت زايد في ايدها ...وماكانت تعرف ان الاطفال ممنوع يدخلون المستشفى ...والمهم انها اللتقت في حمد ...

حمد : حياج حياج اختي ,,,بس عندج مشكله ...
مهرة : اي مشكله ...؟؟؟؟؟
حمد : الولد ممنوع يدخل وشو بنسويبه ...

هـــ رعشه ـــدب · #18 29-04-2007, 05:24 PM

مهرة : عادي بنخليه في اي مكان بس بلللليز خليني اشوفه بسرعه ماعندي وقت ...
حمد : انشاءالله بعد ابوه مب موجود الحين ...
اقولج شيء انتي روحي عنده هو في غرفة 24 زين وانا بيلس مع الولد
مهرة : طيب طيب ...

وراحت مهرة تركض ...واول ماوصلت للغرفة ماقدرت تفتح الباب كانت ايدها ترجف من الخووووف ...سمت بالله وافتحت الباب ...ودشت ...شافت سيف نااااايم ...وعليه الاكسجين
حاولت مهرة تتمالك اعصابها...واقتربت من سيف ...نادته لكن لا حياة لمن تنادي ..حطت ايدها في ايده ...وقالتله انه الانسان الوحيد اللي حبته وعمرها ماراح تحب غيره ...قالتله سامحني على ظلمي لك ...وعلى كل لحظه ابتعدت عنك فيهاااا...قالتله انها ماتريد الدنيا باللي فيها إذا ماكان هو موجود فيهاااا...وفجأه سمعت صوت ضعيف ايقولها لا تبكين ارجوج ...وافتحت اعيونها على صوت سيف واللي يالله يالله يفتح اعيونه ..ابتسمت ابتسامه مليانه حزن والم ...قالتله عمري ماراح ابتعد عنك لو شو ماصار ...وراح اظل دووووم قريبه منك بس انته قوم لنا بالسلامه ..
وفجأه حست مهرة بأيد على كتفهااا ورفعت مهرة راسها فوق وشافت شايب في الخمسين من عمره يبكي بصمت فضييييع ...وسمعت سيف ايقول ...ابويه هاي مهرة اللي انا اريدهااااا

ابو سيف : انا غلطت في حقكم واعترف بالشيء هذا ...وسامحوني ياعيال ..وانته ياسيف حاسب على عمرك ولا تتكلم ازياده ماهقيت اشوفك بخير وفاتح اعيونك ...وشد حيلك وقمولنا بالسلامه عسب نفرح فيك ...واشوفك اعيالك ...
مهرة : سامحني ياعمي ...وسامحني سيف ...انا مضطره اروح ...اهلي مايعرفون اني رايحه للمستشفى على بالهم اني بالمركز ...
سيف : مهرة حاسبي على عمرج ...وإذا صار اي شيء اتصليبي ...
ابو سيف : انا مستعد اوصلها لين باب البيت ...
مهرة : لا عمي انا من بوظبي ...واهلي في السوق ...
ابو سيف : صح نسيت سيف فديته خبرني قبل بس الذاكره ضعيفه ...
مهرة : عاد انا اترخص منكم ...
سيف : لحظه ...انتي مع منوا يايه ...عندج حد يوصلج ....؟؟؟
مهرة : بشوفلي تكسي يوصلني ...
سيف : لالا شو تكسي ...ابويه خلي دريولنا اكرم يوصلها ...
ابو سيف : مايحتاج انا بوصلها ...
مهرة : مافي داعي اتعبك عمي ...
ابو سيف : مافيه تعب يابنتي ...حياج ..

وراحت مهرة مع ابو سيف ومرت على زايد وخذته معاها ...وما انتبهت مهرة لعدد الاتصالات اللي جتها من خالها سعيد وزوجته فاطمة ...بس لا حياة لمن تنادي ...اما ابو سيف فقال لمهرة انا اريد اكلمج واباج تسمعيني عدل لأن الموضوع حساس ...قالتله مهرة وبكل برائه زين عمي ...

ابو سيف : احنا ناس فوق واعتقد مستوانا اعلا من مستواكم ...لأنه مثل ماعرفت ...ابوج موظف ف الحكومه ...واخوج بعده ما أمن مستقبله ...وانا ماعندي غير سيف والباقي بنات ...وانا تعبت في تربيته وناضلت في سبيل اني اعيشه احلا عيشه وما اخليه يحتاج لأي شيء ...والصراحه انا واخوي كنا متفقين على ان زهرة لسيف وسيف لزهرة ...

وقفت انفاس مهرة وحست في الموضوع انه ...منو زهرة وشو علاقتها في سيف
وليش يكلمني ابو سيف بهاذي الطريقه ...ووين ادموعه قدام سيف ووين ابتسامته وكلامه الطيب معاي بالمستشفى ...معقووووووله كلاها مظاهر بس عشان سيف .....وكمل ابو سيف كلامه مه مهرة واللي كانت حاطه ايدها على قلبها ...

ابو سيف : وانا اتعمدت اني انا اللي اوصلج عسب اقولج هالكلام واللحين ماعندي استعداد ان سيف يتزوج اي حد غيرها ...وانا اريد منج خدمه ومحد يقدر يسويها غيرج ...
مهرة : شـــــــــــــو تريد منــــــــــــــي اسوي ...؟؟؟؟
ابو سيف : تبتعدين عن طريق سيف ....وتقوليله انج ماتحبينه ....
مهرة : عمـــــــــــي انته تتكلم جد لو تمزح معااااااااااااي ؟!!!!
ابو سيف : طبعاً جد والمبلغ اللي تبينه بدفعه لج انشاءالله تبين مية الف انا حاظر بس الاهم هو تبتعدين عن سيف ...لأن ماعندي غيره ...
مهرة : عمي وصلنا لمركز المنال ...ممكن توقف ...
ابو سيف : حاظر بس عطيني ردج ممكن .....
مهرة : ((ودموعها في محجر اعيونها )) إذا انت ياعمي عندك استعداد تخسر سيف فأنا اسمحلي خسرته مره وماعندي استعداد اخسره مره ثانيه ....وماهمتني املاكك والمية الف عمرها ماراح تشفيلك سيف اللي احييته بشوفتي وكلامك معاه ...على بالك لو سفرته راح يعيش ...المهم الكلام معاك منتهي ....وانا بنزل .....مع السلامه ...

ونزلت مهرة لمركز المنال ...وكان قدامها خالها وفاطمة واللي مشغول بالهم على مهرة ...اما ابو سيف فكان معصب من كلام مهرة معاه .. كيف انا بنت اتذلني ...لكن بعيد عليج سيف وعمرج ماراح توصلين له ...اما مهرة فكانت لازم تهيء نفسها للكلام اللي بتقوله لفاطمة وخالها ...
اما زااااايد فكان غرقان في اسم حمد ...

فاطمة : ممكن ياهانم اتقولي وين رحتي ووليش ماتردين على التليفووووون ...
مهرة : توني طالعه من مركز النال ورحت للسوق نايف ادورج ومالقيتج ...والله حتى التليفون ماسمعته ...لحظه بطلعه عسب اتشوفينه ...
سعيد : ماصارت رووووحه صار لينا 3 ساعات اندورج ...
مهرة : انا اسفه والله ماكان قصدي بس اللتهيت في زايد ...حتى التليفون كان سايلنت وماسمعته ارجوكم سامحوني ...اعرف اني شغلت بالكم بس والله ماكان قصدي ...
فاطمة : اوكي خلاص ...بس لا تعيدينها ...
مهرة : انشاءالله ...
زايد : حمد ...لاعبني ...ههههههه اريد حمد انتي كخ
مهرة : الله يخس بليسك صبي ...اسكت ...ولا كلمه ...

ورجعت مهرة للبيت في وقت متأخر وكانت فرحاااااااااااانه بشوفة سيف ...ماقدرت مهرة تنتظر لصبح على طول اتصلت في مريم وقالتلها كل السالفه....زعلت مريم من اسلوب ابو سيف وقالــــــــت ...

مريم : مهرة انتي لازم ماتسكتين على تصرفات ابو سيف ...وفي نفس الوقت لازم سيف مايعرف شيء عن سالفة ابوه ...
مهرة : طيب بس شو بنسوي ...انا خااااايفه على سيف وبس وماهمني حد غيره...اخاف يعرف ويصير فيه شيء ...
مريم : انتي اتصلي في حمد ...وخبريه كل شيء ..واكيد حمد بيتصرف ...
مهرة : زين ...انا اعرف رقم حمد ...وبتصلبه ...وانشاءالله تنحل الامور بدون مايعرف سيف بالسالفه ...

تحسنت حال سيف وطلع من المستشفى وكان كل يوم يعزمه حد من اصدقاء ابوه وطبعاً حمد هو اللي يسوق في سيف ...وفي كل عزوووومه حمد يرافق سيف ...وفي يوم قال سيف لربيعه حمد انا ملييت من اكل العيوش واللحم اريد اغير ...قاله حمد فالك طيب...وراحوا لمطعم وجلس سيف وقال حمد انا اللي بطلب الأكل ...وسيف طبعاً مارفض ...وفي هذي اللحظه فكرت مهرة انها تتصل في حمد عشان تقووووله السااااااالفه ...واتصلت بس مبايل حمد كان محطوط على الطاولة ...سمع سيف صوت الموبايل وطنشه ...ورجع المتصل ((اللي هو مهرة )) يتصل قال سيف خليني اشوف منو المتصل ...شاف سيف الرقم وانصدم كان رقم مهرة ...رد سيف بصوت واطي ..وقالـ

سيف : الو ...مرحبااا...
مهرة : هلا حمد ...اشحالك ...لو تعرف كم زايد مشتااااق لك ودوووم اييب طاريك ...هههههههه
سيف : الله يهنيج في حمد يامهرة ومبروك علييييج ...خسااااااارة حبي فيج ....خساااااااااااره
مهرة : سييييف ...لايروح فكرك بعيد ...

وشاف حمد سيف وهو يصارخ ...وركض لسيف ...حاول انه يفهم السالفه لكن سيف ماعطاه فرصة ...

سيف : تخوني ياحمد ومع منو مع الأنسانة اللي حبيتها ...ليييييييش ..
حمد : سيف انته شتقول انا اخونك ...لاااااااااااااااا والله ماسويها ...
سيف : خساااااااااااارة ...اشبع فيها والله يهنيكم ...
وبصراحه ماتوقعت إنك نذل لهدرجة

$ احلى من العقد لباسه $ · #19 29-04-2007, 06:15 PM

حسااااااااافه كان من المفروض انه مايتسرع
وكان من المفروض ماتقول الكلام الي قالته
وكان من المفروض انه مايخلي تلفونه
وسووووري ازعجتج على تكلمة القصه :> وبكمل ازعاجي يالغاليه والسموحه منج

هـــ رعشه ـــدب · #20 04-05-2007, 09:05 AM

أختــــــــي :: بنت أبوهــا ::

أشكر لج متابعتج للموضوع

وردودج الغاوية ..