قصيده كتبها ابن عمي الشاعر صالح سالم الهديرس الشمري _____ حايل
في الشاعر الكبير والمبدع عبدالله عبيان اليامي
وباالتوفيق انشاء الله
سلام للي بالجزيلات زامي = مني مخصص مرسله للعبيان
ياشاعر المليون دوك السلامي = من الهديرس جاك من شرق رمان
تعداد من لبّى وهلل وصامي = وتعداد من حط المهيّل برسلان
وتعداد ماهلت حقوق الغمامي = فوق الربيع اللي من الغيث رويان
وتعداد ماناحت طيور الحمامي = بعرض الجبل اللي من الورد مليان
لعبدالله اللي له جميع احترامي = القرم زيزوم النشاما كحيلان
بمواقفه دايم نشوفه يحامي = وشفنا وقوفه بقصة القرم بدهان
قطامي قطامي من سلالة قطامي = والسيل له مجرى وممشى ووديان
الذيب ماخلى فعول العمامي =بان وتبين وفي لزوم الطلب بان
مثل القمر ضوّه يزيح العتامي = ويجعل دماس الليل نورٍ وضيان
عزيز قومٍ ومنبع الجد يامي = من لابةٍ له بالصخيات عنوان
طيبه وجوده مايبي له كلامي = له بالصخى من سالف الوقت بنيان
لهم المراجل بالسنين القدامي = هذا موكد من قديمات الأزمان
اصغارهم تظهر بسن الفطامي = بفعل المراجل ولايعدون ورعان
اخوكم ابو ياسر الهديرس
05-03-2007, 11:46 AM
العرض الشجري