اذا كان قصده نقصر الدرب والمشوار .. فانا عايفٍ دربه وقد عفت مشواره؟

[(هاوي قصيد)]

مسا الخير
اضع بين ايديكم هذه المتواضعه ....

نسال الذي ياتون ماعندهم اخبار = على واحدٍ قفا ولا وصلت اخباره؟

انا مابقالي كون شيٍ من التذكار = اراعي مع حلواه واكفكف امراره

تلاعج بروق الغيم وانفضت الامطار = دابا مادبا والطير فالجو طيِاره

والا يارفيق الطيب ياطيب الاذكار = بسند عليك العلم والشاره الشاره

وإلا قلت يانواف ذا صار واللي صار = ابي منك المعلوم ياعمدة الحاره

على من نقض عهد الموده بدون اعذار = ولا يقنع المظلوم عفوٍ وكفاره

ولا ادري انا ياويش قصده من الانكار = جحدني كما مابيننا حب وإيثاره

اذا كان قصده قصف عمري ترى الاعمار؟ = بيدين الذي فالغيب علمه واقداره

واذا كان قصده نقصر الدرب والمشوار = فانا عايفٍ دربه وقد عفت مشواره

علي بالحرام اني الاعي مع الافكار = محبٍ غثاه الحب واشتدة افكاره

فانا يارفيقي جيت من فاير اللي فار = وهذي من النبذه ومن بعض اسراره

اسلم على الزوار واوادع الزوار = فلا علم بموكد ولا وصلت اخباره

وسلامتكم