اهداء الى منتدى العجمان...
اضع هذا النص بين ايديكم واتمنى ان ينال اعجابكم...
بيت القصيد...
ياطويل العمر ماحنا عبيد
قلي الموضوع وشو يحتوي
رد عني مايعلمك الاكيد
مايفيد كثيرها ولا شوي
كانها بالجزل والشي الجديد
جبت مايطوي لك الخافق طوي
شاعر ن ماجيبها من ايات حيد
بالعظم ولا بتسمعله دوي
اقرب لهالناس من حبل الوريد
لاكتبت اجيبلي شي يحوي
خاطري للشعر شيطانن مريد
يسري بدمي ولي قلبن روي
حدني لقصاي كان انك تجيد
مايفيد الضو في درب عموي
وكان قلبك يابعد زولي جليد
شعري العجمان وانت ابن جلوي
ماقتل مني فهو حسبة شهيد
وماقتل منك يعله يشتوي
الضمير الحي وابيات القصيد
مالها ياكود في قلب بدوي
من بغى التاثير في قلب البليد
لا يعاتب لو يكون اغلى خوي
البشر ماتبغي العقل الرشيد
وانت ماتصلح لطبخ ولا شوي
وانت شاعر مير لك وجهن سعيد
لاتحسبني حساب المنطوي
ماخذين من العبر شين فريد
لو نشوف الوقت فعلا فوضوي
انتمنى كلنا الايام عيد
لاكن الايام تزوينا زوي
الظروف وهم والشي العديد
وان حسبناها فلاهي تستوي
خلها والقاع لاصارت جريد
لو يجيها سيل ماهي ترتوي
ليه ابستغرب ليا شفتك بعيد
كل يوم اشوفلي نجم يهوي
افتكرها.. منت هارون الرشيد
اخر علاج العليل اهو الكوي
عادتي مالين بالموقف شديد
مثل ذيبن فوق ضلعان يعوي
وانت ياهذا جعل عمرك مديد
لاتحسبها وعظمك ملتوي
شوفني بالصد بادلتك صديد
مانفع بيديننا كثر اللوي
يومها جاتك على ذاك الصعيد
شفتها لو كان لك عقلن سوي
ودامنا للحين في بيت القصيد
انت مستثنى من الرد القوي
05-08-2007, 04:22 AM
العرض الشجري