::! معـلومات وصـور عن بعض المنـتزهات الترفيهيـه في الكـويت !::

[*** شيخه العجمان ***]

السـلام عليـكم

بمـا اني احب الأماكن الترفيـهيه في الكـويت قـلت لازم احط موضوع عنهم

نبـدي بـ منتــزه الخيـــران

افتتح منتزه الخيران في عام 1987 تحت رعاية صاحب السمو امير البلاد الشيخ جابر الاحمد الصباح رحمـه اللـه ...

لما لهذا المنتزه من اهميه في قلوب غالبية الكويتيين مو طبيعيه في هالمنتزه حبيت اوريكم خارطه توضّح الرسم الكروكي للمنتزه والطرق والشاليهات والملاعب واماكن الترفيهيه في هذا المنتزه الحيوي ...

يعتبر بحق مدينة سياحية متكاملة من حيث التنوع والإعداد ، ذلك أنه يضم 195 شاليهاً مقسمة إلى ثلاثة أنواع:

123 شاليها عادياً، 48 شاليهاً صممت وفق نظام الاستديو ، و24 شاليهاً من الطراز الملكي الفاخر، وقد زودت هذه الشاليهات بأفخم الأثاث وأرقى الخدمات الفندقية، كما اشتمل المنتزه على أحواض سباحة، وملاعب رياضية (تنس، كرة قدم، كرة طائرة، كرة سلة، رماية) وناد لليخوت، ومدينة ترفيهية صغيرة للأطفال، وصالة لألعاب الفيديو والكمبيوتر، وسوق مركزي، ومركز طبي، وحضانة أطفال، ومسجد، ومصبغة للملابس، ومجموعة من المطاعم الفخمة.

دليل منتزه الخيران
*********************

1-
المدخل الرئيسي للمنتزه ... بداية دخول الزوار والمصطافين دندرن
2-
مكتب الاستقبال والسوق المركزي وفرع المحاسبه مال الفلوس
3-
سكن الموظفين شكو حاطه ماأدري مااعتقد له اهميه
4-
المكان اللي يأجرون منه الدراجات والقواري
5-
مدينة الالعاب الصغيره يعني الملاهي ومكان ركوب الخيل والحنطووووور
6-
براحه مالها شغل فاضيه مافيها ( براحه يعني ساحه ) ...؟
7-
ملاعب كرة قدم وسله وطائره بس ملعب كرة يد ماكو ... اعتقد مو شايفين رياييل يلعبون كرة يد من جذي ماحطوا ملعب كرة يد
8-
مواقف سيارات للأعضاء والزوار ترى بفلوس مو بلاش ها ؟؟
9-
موقف الباص عشان ياخذ الزوار لما يروحون المنتزه
10-
مواقف التريلات
11-
محطة القطار لركوب زوار واعضاء المنتزه
12-
خدمة وصيانة القوارب ومكان وقوف سيارات الطراريد واللذي منه
13-
ملاعب اطفال حق الاطفال بس ماني شياّب
14-
ملاعب تنس مع العلم انه غالبية الاعضاء مايعرفون يلعبون
15-
عيادة طبيه وحمام سباحة
16-
ملاعب للأطفال بس
17-
بعد ملاعب اطفال
18-
صالة الانترنت والنادي البحري والاداره والمطاعم والاستعلامات كلها هني في هالمكان
19-
الرصيف الرئيسي ومكان وقوف الطراريد
20-
خور المفتّح ..... يعني واحد مبطّل عيونه
21-
شاليهات الاستديو بو غرفه وصاله وحمام اكرمكم الله بس
22-
شاليهات الفخفخه بو دورين هذيل اكبر من اللي قبلهم الاستديو طبعا السعر اغلى
23-
شاليهات
24-
كافتيريا البراحه اهو اسمه جذي ترى ... ومكان اقامة الحفلات الغنائيه
25-
الشارع الرئيسي للمنتزه واللذي يربط جميع اقسام المنتزه في بعض .... وله تسميه اخرى وهو شارع القز والفراره اللي مالها شغل طبعا طول ماانت هناك بالمنتزه بس واقف على هالشارع راح تشوف كللللللللل اعضاء وزوار المنتزه رايحين ورادين ووناسه وسوالف ورايحين ورادين ... وعلى هالسالفه طول ماأنت موجود بالمنتزه كل يوم على هالحال خو ماكو شغل
26-
ملاعب للأطفال زينة الحياة الدنيا
27-
شاطئ المنتزه واللذي يمتد من بداية خور المفتح حتى خور العمي
28-
دندرن ملاعب اطفال
29-
الشارع الداخلي والمحاذي للشاليهات هم هذا فيه قز بس مو وايد
30-
شاليهات الهاي كلاس
31-
حمام سباحه بالمياه المالحه هههههههه حق غسيل المعده
32-
عاد هذا مركز الالعاب ايييييييييي عاد هني القمنده ترى ... الخز والتبصبص اللي ماله داعي واللعب والوناسه والشسمه ومادري شنو كلها هني
33-
إدارة الهندسه مالت المنتزه
34-
خور العمي .... الحمدالله على كل حال واحد عمي وواحد مفتح .... حلوه ديرتنا بكل شي ترى
35-
ساحه فاضيه مافيها أي شي ... اعتقد بيسوون فيها مشروع

يتبــعـ بـ مكـان ترفيـهي آخر