وأذا فعلنـا الطيـب رفـرف ياعـلـم=هـذي وقوعاتـه ,,, وذي دلايـلـه !

[فهد بن مطلق]

السلام عليكم والرحمه الله وبركاته


أضع بين أيديكم دره من درر القصيد

لشاعر .............ماني ذاكر اسمه ،، أترككم مع القصيده


صلو على النبي

ولايعـن الـراس ويـسـوق الـقـدم=إلا مسيـرً فــوق رووس الطايـلـه

على ضعيـف الـراس مافـاد الزهـم=لـو تزهمـه بسّمـه وبسـم العايلـه

وأذا فعلنـا الطيـب رفـرف ياعـلـم=هـذي وقوعاتـه ,,, وذي دلايـلـه !

عليـك أمـان الله ومـد أم الشـحـم=أنّـا حزامـك فـى الليالـي المايـلـه

أمنحريـن الـبـل عــدوان الغـنـم=سكّينهـم مـن كـل حمـراً سايـلـه

أحـدً لمـا طـرّوه قـالـو والنـعـم=وأحدً لا قيـل أسمـه يفشـل قايلـه !!

الكفو لـه فـي هاتفـي أسـم ورقـم=وألـلاش مالـي رقـم فـي موبايلـه

لاصار مـال الرجـل لـون ولا طعـم=ولايـعـرف الحايـلـه والشـايـلـه

بهيمـةً ينعـد مـن جـيـز البـهـم=لـو أمـطـرت ماسُيـلـت مسايـلـه

فــلا كُــل لاً لا ولا نـعـم نـعـم=ولاي أحــب أحـايـل المتحـايـلـه

ولا يجـي فـوق المـهـم إلا ألاهــم=واشـد مـن غُـب البحـر هوايـلـه

والسالفـه لاجبتهـا مـا أقسـم قسـم=الجـزل لاتشـتـك فــي جزايـلـه

فألاحتـرام أبـرز صفـات المحـتـرم=فـي وقتنـا أللـي تُحـتـرم قلايـلـه

وإن صارت الخطوات أكثـر ماللقـم ؟!=فالله غنـي وأرزاق ربــي ضايـلـه

فقط لاجـاء الطـاري وحنّـن ورتـزم=فالقاع أعسه 00 والسحـاب أخايلـه !

معـمـةً ماتحتـهـا عـمـه وعــم=مـا تمِّـن المِرسـل علـى رسايـلـه

كبـر الطمـوح ايطـوّل أجـال الهمـم=وقـل الطمـوح يحـطّـم المتفايـلـه

(قلب ولسان الرجل ) والباقـي رسـم=كنزين فـي ذا الخزنـه المتشايلـه !!

ورب مكه,,والـمـديـنـه,,والـحـرم=ما شور في عليا .. ولارّضـى عايلـه

يا قلّـة ألاصحـاب فـي وقـت اللـزم=فـي ساعـةً فيهـا الوقـوع أمكايلـه

الله يـزيـد أرزاق شـاكـرّة النِـعـم=والخاسـر أللـي مـا شكـر فضايلـه

وأللي يحفـر القـاع ويحُـط اللغـم ؟=يطيـح فـي شـره وفــي عمايـلـه

زلاّت ألألسـن مـاوراهـا إلا الـنـدم=والحـق يبنـي الطـايـح المتهايـلـه

لولا السلوم وحشمـة أرجـال الشيـم=يسود جهـل أهـل الصـدور الغايلـه

ما كل حيً حـي 00لـو جـر النسـم=وش لـي بـحـيً ميّـتـه فعايـلـه !

وأذا عزمـت أتطـاول النجـمـات رُم=إلكـل ظلـعً يتّعِـب الـرقّـاي لــه

وأذا جهلت بعِـرف رجـلً مـا ؟ فكـم=شخصاً تعرّفـه عِـرف مـن زمايلـه

ومن قال أنا فاهـم وخلـق الله غشـم=بكـره يشوفـون العـرب نثايـلـه !

طفنـا ,, وشفنا,,وتّعضنـا ,,وفّتـهـم=قلـبً لقـا فـى التجـربـه دوايـلـه

ياسيـدي سلطـان مـن طيـب الكلـم=لـك مـن ضميـري عذبـه وزلايلـه

ماوصلت ألاعـراب ساسـك والعجـم=الجـد مقـرن 00 والمعنّـز وايـلـه

تفهـم وغيـرك جعـل عمـره مافهـم=العلـم لـك مـواخـره وأوايـلـه 00

أطول طويل أهـل العطـا حولـك قـزم=بـدري عـلـى كفّيـنـه وطوايـلـه

أجنـوبـك الله خالقنـهـا لـلـدحـم=وعظام راسـك هـي سبـب صمايلـه

مدّت يديك أتوسّـم أللـي مـا أنوسـم=وسمً تشوفـه فـي أرقبـة الحايلـه !

يامدح أبوالطيب ووصف أبـن الجهـم=كرمـك شيـخـان الـكـرم سلايـلـه

الوقت هجنـه سـود,, وخيولـه دُهـم=فى الصـدر تسعـى عُرّبـه وأصايلـه

لمـا غلبنـي الضيـق وأزداد ألالــم=والـدمـع ألازرق مطّلـقـاً سبايـلـه

فلوما عليك أشكي مـن الحـال السقـم=فغيرك بموت ولا سِمـع شكـواي لـه

تلزمنـي الخـوه معـك يـوم ألـتـزم=بــك يامغرقـنـي بـحـر جمايـلـه

ياسيدي من رحـت مـن نجـد أنعـدم=مالقـاع وزنـه 00وأكثـرت علايلـه

عـوّد عليـه أرب يحـيـه الـوسـم=تنبـت ورود 00وتنتـشـي خمايـلـه

انت الحيا ,, وانت الضيا ,, وانت العزم=يـاوّل أسـم فـي كاسبيـن النايـلـه

ترنـي بوجـه الله ووجهـك مالـعـدم=الـقِـل خيـلـه صـايـلاتً جايـلـه

فيـك أنـت ياسلطـان ظنـي والعشـم=للظـن قدحـه ,, والعـشـم فتايـلـه

سيـدي وسيّـد سادتـي منـذ القـدم=مـن عهـد شيبانـه وعصـر اوايلـه

العزف عزفه ..والوتـر لـه.. والنغـم=وصوت الكمنجه له وصوت النـاي لـه

ماتنـزف ألاشعـار مـن راس القلـم=النـزف مـن جوفـي ومـن دخايلـه

لوأنـت ياسلـطـان ســراً ماكُـتـم=وش يحجبك يانـور شمـس القايلـه؟

وأذا فصلت أللحـم مـن فـوق العظـم=فالحـال لـك دقـه ولــك جلايـلـه

وإن شفت فى الجوال صورتك أبتسـم=لـو إن قبـر أخـوي تـوّي هايـلـه

أنت الذرى,,وأنت القرى ,,وأنت الشكم=وأنت الرجا,,وأنـت الحجـاة الحايلـه

ياكثر ما املـك مـن بيوتـك يالنظـم=وعجزت لأملك بيت وأستـر عايلـه !

أبنيه في حلمـي وأذا أصبحـت أنهـدم=ياجـوع قلبـي لـه وياضمـاي لــه

مـالاً بـدون أرجـال زرعً مـاصُـرِم=الشمـس فوقـه والهبـوب أتمايـلـه

ورجـلاً بليـا مـال سـيـفً منثـلـم=لـوإنـه مُـقّـدم ربـعـه وقبايـلـه

فخـوي أبوخالـد مايفـرك لـه خشـم=ولايـوريــه الـزمــن نكـايـلـه

وخوي ابوخالـد مـن الوقـت ايحشـم=ومـن فرسـة أذيابـه ومـن ثعايلـه

وخـوي أبوخالـد مايخطيـه ألـدسـم=ألـشـد شــده والـنِـزل نزايـلـه

ياسيـدي بالـروح نـخـدم وانـخـدم=العـمـر دونــك عـاقـلاً رحايـلـه

وأللـي يحسّـب خوّتـك شـرم بـرم=نلغـي عـرب ساتـه ونلغـي نايـلـه

نقـراء عليـه الزلزلـه وأيـلآ فهـم=كـــلام ربً محّـكـمـاً نـزايـلـه

بعيـد لـي بيتيـن مـن قبـل آختـم=عـن شكـة القاصـر وعـن جهايلـه

مــا كــل لاً لا ولا نـعـم نـعــم=ولاي أحــب أحـايـل المتحـايـلـه

ولا يجـي فـوق المـهـم إلا ألاهــم=واشـد مـن غُـب البحـر هوايـلـه

والسالفـه لاجبتهـا مـا أقسـم قسـم=الجـزل لاتشـتـك فــي جزايـلـه