اغرب حكاية حب بيـن الحكايـات =فيها الخيال يـروح لابعـد نطاقـه
لا جيت اسولفها على الناس ساعات =تفيض من عينـى دمـوع اشتياقـه
ماكنت اصدق يوم تطوى المسافـات =بينى وبيـن اللـى خذتنـى بلباقـه
كانت علاقة نـت شاشـه ونكـات =ماهي علاقة حب يمكن صداقه
كانت علاقة فـوق كـل العلاقـات =الله واكـبـر ياهـذيـك العـلاقـه
كنت اكره النكات الا انـت بالـذات =لاشفت نكك صار فيني اصطفاقـه
واتوه بالشاشه وتوقف بـى اوقـات =والنت عقبك جعله يولع حراقه
ادوره بالعام ولا الروايات=يمكن عساى القاه ما اقوى افراقه
لا ابطيت عنه شب نار الايميـلات =وعيـا الماسنجـر لايعتقـه اعتاقـه
واعرفه لامنه لازعل فيـه ميـزات =دايم يقدم لـى مـن الشعـر باقـه
صرت افتهم وياه رمـز الاشـارات =وافك رمز احروفهـا فـى طلاقـه
ياما سهرت اهنـاك ويـاه ساعـات =لاحد مـا صبحـي يبيـن زراقـه
واصير كالشمعة توهج واضـاؤات =وقلبى على شوفـه يزيـد احتراقـه
بسكات حبيتـه وبـاروح بسكـات =ولا احد اعترف منا وصارت صداقه
م
العرض الشجري