على طريق الغرام اخر محطاتي=نهايتأ رجعتني للبداياتي
لو ما امتلى العمر من غيمة بشايرها=لكن عمري فراغاتأ فراغاتي
ماجت تقول الهوى ربأ فنعبده=ولا رسولأ عليه افضل صلواتي
جت تلغي اسوى مفاهيمي وتعكسها=على اتجاهات غير الاتجاهاتي
تاخذ من اجمل مراحلها وتعطيني=مايجعل احلامي برهن اختياراتي
تقول لي خلك مخلد على الحاضر=بلغي لك الماضي وبضمن لك الاتي
ابقى على تسعه وعشرين من عمرك=وباقي السنوات ضفها مع سنواتي
الحب ماهوب طيرآ في سماء ربه=يرحل متى يرحل وياتي متى ياتي
الحب سلطان في ظلمه وفي عدله=اجبرني اقول رغمأ عن قناعاتي
لك الولايه وورث القلب والبيعه=الملك لله ثم اليك مولاتي
يافتنتآ من اناء الحسن مصبوبه=على الجمال الطبيعي بالمقاساتي
قبلك وكل القلوب الخضر منساقه=ورى النساء والمفاتن والشهاواتي
من يوم حولتي انظار البشر يمك=عيت تلد المشالح في العباياتي
لا يمكن العمر ياخذني ويسرقني=عن لحظتن ذوبت ذاتك على ذاتي
كن السحابه وانا عيني على جيدك=تشكلت فوق راسي من تنهاتي
حديقتآ بين نهر ونهر مزروعه=مقتضتن بالفراش وبالنباتاتي
فستان الازرق يحرر تفاصيلك=وانا اتهجاه واخونك بنظراتي
لو لم يكن اجمل الالوان ازرقها=ما اختارها الله لونآ للسماواتي
ولو ماوقف خصرك الناحل ورى شعري=ماعلقت فالقباب الخضر راياتي
حبيتي لا لمحتي الانس يغمرني=لاينخدع قلبك بزيف ابتساماتي
لو يولد الحزن من صدرآ بلا ضيقه=ما يولد الضحك من رحم المعاناتي
جيتك وانا ذكرياتي كنها الاسمى=يشيلها الحي لو انها للأمواتي
ماجيت اراجع علاقاتي من اولها=جيتك علشان اكفر عن علاقاتي
للشاعر / مدغم ابوشيبه
العرض الشجري