آخر علاج(ن) للمرض قالو الكي & واللي كواه الحب وشهو علاجه؟؟

[مسفر العكشان]

السلام عليكم

اسمحولي على الغيبه الطويله

واقدم لكم هالمتواضعه

عسى ان ترتقي للذائقه

يقطعك يا قلب(ن) ليا قلت لـه عـي=عن درب مالك في مساريه حاجـه
ارقد واقـوم وكننـي فاقـدن شـي=واثري فقدت القلـب يـوم المواجـه
واشوف ناسن حبها كان بـي حـي=واثرك ذبحت الحب داخـل سياجـه
واصبح قليبـي قلبـك وقلبكـم لـي=قلب(ن)فلا مثلك من النـاس داجـه
ذقت القراح وثم(ن) اسقيتـك شـوي=عقب القراح اشلون بشرب هماجـه
عقب الضما جيت اطوي دروبكم طي=مسرا ظلام وطيفكـم هـو سراجـه
خبري بزوله يـوم مريـت بالحـي=ضايق ومن جيتـه تغيـر مزاجـه
واليوم لا من زول والمنـزل إخلـي=ماضنتي بشوف ضحكـة حجاجـه
ضيعت قلبن كنت انا به وهـو بـي=واليوم وسط البحر داخـل زجاجـه
ماضقت مثل الضيقه اللي معـي ذي=والشوق يزعـج بالحنايـا زعاجـه
آخر علاج(ن) للمرض قالـو الكـي=واللي كواه الحـب وشهـو علاجـه


وســــــــــــوالـــــــــــــــم