عجب طبع الناس ياربي عجب

[ااالعصيمي]

السلام عليكم ورحمة الله وبركاته



تواصلاً معكم اضع بين ايديكم هذه المتواضعه عسى ان تنال قبولكم
,
,
,
,
,

عجيب طبع الناس والدنيا عجـب=نـاسٍ تخاويهـا ونـاس تشوتهـا
ناسٍ على يمناك حـزّات النشـب=وناسٍ على الذلّـه تجـر بشوتهـا
وناسٍ على ماقيل عمدان وخشـب=حياتهـا علّـه والاحسـن موتهـا
مايلتقي شعبان مع غـرّة رجـب=ولايستوي فرخ السمك مع حوتهـا
ولايستوي صقرٍ على قمة هضـب=مع الطيور اللـي يجيهـا قوتهـا
من يصعد النخله على شان الرطب=ماقـال ياطـول النخـل ونبوتهـا
وافواه ناسٍ ماتجيـد الا الصخـب=ماينتبه سمعي ولا اوحي صوتهـا
ماتستمع منهم سـوا نقـد وعتـب=مايعرفـون البيّـنـه وثبوتـهـا
توحي لهم صوت كما صوت العلب=واشوا من اصوات الحمير سكوتها
عجيب طبع الناس ياربـي عجـب=نـاس نخاويهـا ونـاس نشوتهـا

وسلامتكم