من لاكسب (شيمه ) ومن لابذل (جود) .....( دره )

[مــقــبــل]

السلاام عليكم

:


:

أضع هذه الدره للتواصل عساها تنول على رضاكم



للــشاعـر : عـبد الرحمن بن بديع




:



:

ياسعود صُعت القلب من غير مقصود=وخليت صلفات الطـواري اتسوقـه
لاعاد تنشدني عـن الحـال ياسعـود=عبرات صدري في الكظيم امخنوقـه
ومن كثر خوفي من شماته ومنقـود=اكـن دمعـي بيـن جفنـي وموقـه
يبست اعروقي مثل مايابـس العـود=اللي التوا ساقـه ويبسـت اعروقـه
موجود في الدنيا ولانـي بموجـود=فكري معـا شـي تعّجـز اطروقـه
والهم ياخـذ منـي اشـوي ويعـود=وصدري من الدنيا اوسـاع ٍ افتوقـه
يـازوع قلبـي كلمـا هبـت النـود=زوع الوَحَشَ ساعة تطلـق اسبوقـه
ماعاد فـي الدنيـا طـراوه ولافـود=ولاعاد لـي نفـس عليهـا شفوقـه
دنيا بها الشاقي بـذل كـل مجهـود=والمشكله مـن بعـد جهـده اتبوقـه
مادامـت الدنيـا لقيصـر ونمـرود=ولالحقهـم مـن ترفـهـا لحـوقـه
اللي شقا مالـه معـا ماكِتـب زود=حتى ولـو حلـو الكـرى مايذوقـه
وعن ما كِتب ماهو بناقصـه معـدود=لوكانـت الحسـاد تحتـه وفـوقـه
ومن لاكسب شيمه ومن لابذل جـود=قلـه تـرا الدنيـا ختـول سروقـه
والنـاس خِلقـت للعبـاده لمعبـود=لايحسبنهـا للفـلـوس امخلـوقـه