|::... الصبي وان طاب طيبه من خواله ...::|

[دلــة الرســلان]

الصبـي وأن طـاب طيبـه من خوالــه
وأن تـردى فأعلــم أنهـم خايبينـــي
أشـرب الفنــجـال وأكــب البيالـــه
طيــب وأحــب سـلــم الطيبينـــي



|::.. السـلام عليكـم ورحمـة اللـه وبركاتـه ..::|


من لايعـرف هذيـن البيتيــن ؟؟

بيتيـن
(أشهر من نـــار على علـــم)
قد يجهل البعض قائلهما ..
ولكن أكيد سمع بالبيتين من قبل

حتى أنه أصبحا مضرب مثل يتداوله كثير من الناس

قائل هذين البيتين : الشاعر / راشـد بن حسـن بن مانـع بن رحيـان الضاعنـي الملقب بـ أبـن الذيـب

وقيل أنه توفي عام م وهو في (نجــران)
وكان شايل معه شخص موصله إلى قرية نجران وحصل عليهم حـــادث وتوفى رحمه الله ...

راشد بن حسن كان يشتغل في شركة أرامكـــو السعوديه _ وكان يملك سيارة الشركه (جمــس أرامكــو)

وكان كل ماشاف له رجلي وإلا طرقي على الخط يبي أحد يوصله يقوم بن الذيب ويوصله بدون مقابل على سيارة الشركه حتى أشتهر عند البـــدوان .. لا جاء أحد يبي يروح مكان ولا عنده مطيه ولا موتر يمشي في طريقه ويقول يالله عسى يلقاني بن الذيب على الطريق وإلا أنا ألقاه _ ويوصلني للمكان اللي أنا أبيه ،، حتى قاموا الناس يطرونه ويحكون فيه وهم لا يعرفونه ولا قد شافوه
جاء يوم من الأيام إلا هاك عجوز وعندها غنم شوي تنعد على الأصابع وراشد بن حسن كان مشغولا" ومتأخر على الدوام
وكان يمشي بطريقه وشاف العجوز وشاف معها غنمها تعداها وهملها عقب حزت في خاطره وأستحى (راعي الطيب مايجوز عن طيبه) وقف الموتر ورجع للعجوز يوم جاها قال لها يامره أنا بشيلك وبوديك المحل اللي تبين لكن بدون غنمك أنا متأخر على الدوام وأخاف غنمك تأخرني زياده
قالت العجوز: خلاص رح الله يستر عليك ياولدي أنا جالسه هنا أنتظر "أبـن الذيـب" هو اللي بيجيب العلــم وبيوصلني المكان اللي أبيه أنا وغنمي ،، وهي ماتعرفـــه؟؟ _ و ماتدري أنه أبن الذيب هو نفسه اللي تحاكيـــه .

يوم أنصدم (راشد بن حسن) بقولها وتعجــب !! قال أركبــي ياخاله أنا أبن الذيب المسمى وأبشري بعزك وأبوصلك أنتي وغنمك
وكانت أنظمة أرامكو تمنع السائقين أن يشيلوا الرجليــه اللي يوقفون السواقين ويطلبونهم توصيلهم على طريقهم

وشلــون توصيــل الغنــم ؟؟؟

حتى وصل علم للشركه بفعل راشد بن حسن وهــدد بالفصــل من الشركه أكثر من مره
وبعض رؤسائـه يئسوا من المحاوله معه ،،
[وأعجبتهــم شهامتــه] ..
وصل العجوز إلى منصاها والمكان اللي تبيـه

وقال هذه القصيــده :
قالهــا أبن الذيب من هاجـوس بالــه
كلمــة يـلعـب بـهـا والبــال زينــي
قالهــا يومــه طرالــه ما طرالـــه
من هواجيــس تشيــب المرضعينـــي
حالـف ماخــذ علـى الطرقــي ريالـــه
وبالثــلاث محــرم أنــه مايجينــي



* * * * * * * * *




أتمنـى تنــال على أعجابكــم





|::.. مـودتـــي ‏ ..::|