هلا بالمنام اللي يجيبك بلا ميعاد
هلا قلتها يامشغل ..كل تفكيري
هلا فيك فرحة طفل في جيّة الاعياد
هلا فيك ترحيب البدو باول الخيري
هلا وانت تستاهل هلا والهلا تنعاد
عليك ألف مره ليت ماجاك تقصيري
وانا يوم اهلي خابرك حلم وسط ارقاد
اهلّي ..واجر الآه ..من قل تدبيري
اهيجن حزن "ايوه"من عقبها ف"ابعاد"
وانا خابر ان الحال مافيه... تغييري
تذكرت عقب الحلم يوم الغلا وقاد
هذاك الزمان اللي تسوق المعاذيري
تسوق العذر فوق...... والجفا يزداد
وانا اسوق رجلي يمكم دون تفسيري
اجي كني موجه على يمتك منقاد
ولا كنك اللي يوم سببّت تكديري
مادامك على كثر البطا منت بى نشاد
ومدام ان مسيارك من اسباب تدميري
علامك؟غديت بوسط حلمي علي معتاد
علامك تزيد من العنا في مشاويري
عليه الله اكبر من زمن فوضوي مافاد
حرمني من النسيان من دون تبريري
هلا وان نطقت ابها هلا حلم وسط رقاد
مدام القدر..... وفقك مع واحد غيري
20-06-2009, 02:18 AM
العرض الشجري