القاله ان كبرت تعود لهلها ,, والعلم كله مرجعه لأل حثلين ضيدان بن قضعان

[رجـم بـذال]

بسم الله الرحمن الرحيم





بدون مقدمات

لا كبرت القاله تعود لأهلها=والعلم كله مرجعه لأل حثلين

حتى ايش ياروس(ن) نداري زعلها=بقريح ياشيوخ الذهب والملايين

السالفة طالت وطول جدلها=ولاحلها من لا يعنز بجدين

الحل عند الي لامالت عدلها=شيخ(ن)يعدل مايلات الموازين

شيخ(ن)الى هام الثقيلة نقلها=نقل الأشده في ظهور البعارين

من بعد ذا والنفس تجزى عملها=حاضر بحاضر ماضرينا على الدين

سلام ياشيخ القبيله وأملها=ياسلالة الي يحتمون الميادين

يانسل شيخ(ن)في عوالي قذلها=جرت عواها في رجاه السراحين

يامحمد الخالد مداوي عللها=بالوقفه الي تنكتب بين قوسين

لك وقفة(ن)بالضيق محد(ن)جهلها=تشفابها العله وترقد بها العين

تشهد علي جبالها مع سهلها=وابو ظهير ومرتعه والهياتين

قد قيل ما للحمله الا جملها=قد قلتها قبل الوعد باربع سنين

ماغير ابو فيصل حد(ن) يحتملها=ردو الخبر له وارعو المرتع الزين

لكن عقول الناس يطغا جهلها=لا كابرت بالعلم مابينها البين

لو كل نفس(ن)تسمع الي عذلها=ماحدنا ربي على الموقف الشين

ظاقت وفرجها شجاعا فعلها=ماهاب من حكامها والسلاطين

اقدم عليها بالعزوم وشقلها=يوم اخذلونا تايهين العناوين

يعيش زيزوم القبيله بطلها=شيخ الشيوخ الي على العسر والين

يرسي كما ترسي رواسي جبلها=ويفرج الكربات ويهوم ويبين

والقاله ان كبرت تعود لأهلها=والعلم كله مرجعه لأل حثلين