الصمت حكمة.............

[محارب يام]

الصمت حكمه في مواقف تبي صمت...
والصمت في بعض المواقف مذلــــه"

وانا بعــــد ياصاحبي يــــوم ساهمت...
مااقـــول شـــي الا يكـــون بمحلـــــــه"

امشـــي على وضح النقــا ما توهمت...
والتـــايه اللي ما لقـــــى من يــدلــــــــه"

البادي اظلم وانت بادي وهاجـــــمت
ودك تغير مسلك النــــــــاس كلـــــــــه

انا بـــدوي في عيشتــــي ما تنعمت
رمز الرجـوله سيفي والكيف دلــــــــــه"

اعيش في صحرى الضما ما تألمت...
واقنص سباع البـــر في كل تلـــــــــــه"

محبوبتي صحراي في حبهــا همت...
اعشــق سهلهــا والــرجــوم المطلـــــه"

ومن عيشتـــي فيها كفايـــه تعلمت...
ان الخضوع لغيــــر ربــــي مذلـــــــه"

وان شانت الديره على النوق حملت...
وانزل بروض من اول امزان علــــــــه"

تلقى الخزامــا والنفــل فيـــه لاحمت...
والقحـــويان يفيـــض حسنه ودلــــــــه"

حنا البدو ياللـــي علينـــــــــا تهجمت...
حنــــا هل التاريخ والمجــــد كلــــــــــه"

حنـــا البدو، حنــا عرب مابنا شمت...
اصـــل ونسـب محنـــا فروع وقلــــــــه"

نضـــل اعظــم منــك مهما تعاظمت...
انت الذنب،،، والــراس حنـــا هلنلـــــــه"

وان كان لك يمنى طويله بها اقدمت...
يمنـــاك واليســـــرى ترانا نشلــــــــه"

وللعلــــم خــــدها كانك ما تعلمت...
اللغــــز حنــــــا لك بغينــــا نحلـــــــــه"

سيـــف لنــــــا انت بحقـــه تكلمـت...
في مامضـى جدك ركع تحت ظلـــــــــه"



الشاعر/محمد بن فياض الحويطي

عساها تحوز على رضاكم

دمتم بود.......................