متـــى على الله نفــــارق راس تنـــــــــوره

[العز بالسيف]

بسم الله الرحمن الرحيم

:
:
:
:
:
:
:
:
:
:

السلام عليكم ورحمة الله وبركاته
في البدايه أتمنى أن يروق لكم موضوعي

الشاعر ( البقمي ) بالسلك العسكري
ودورته التدريبيه في مدينة راس تنوره بالمنطقه الشرقيه
ومسقط راسه في مدينة (تربه) البقوم
وطبيعي ان الشخص ان كان بغربة يشتاق إلى دياره ويحن لها
وانا ماألومه بصراحــــــــــــــــــــه
وقال

متى على الله نفارق راس تنوره=الديره اللي تضيق صدر راعيها

http://www.fesal.net/voices-action-show-id-4033.htm

ورداً وحميّا على راس تنوره يرد شاعر رحيمه
الشاعر / سعود الشبرمي

كل الحلا والطرا في راس تنوره=رحيمه اللي تشرف من سكن فيها
اللي يجيها تزايد فرحة شعوره=من طيب ناسٍ على البيضاء يماشيها
طيب وتواصل عساها دوم معموره=من جاء لها لو زياره مايخليها
الناس فيها مريحة بال مسروره=الديره اللي غلاها من اهاليها
ياديرة العز محروسه وماجوره=بحماكِ يارب تحمينا وتحميها
نشوفها شوفة الصقار لصقوره=لاوالله إلا نزود ونفتخر فيها
نحبها حبٍ شايب عود لبزوره=لاوالله إلا بليا حد نغليها
لارحت عنها تصير النفس مكسوره=ماغير نفسي من الفرقا تحاتيها
وان جيتها شفتها بالحب ممطوره=( لو خيروني بلندن قلت ماابيها )

تحياتي