عفى الله عنــــك وعن زمــــــان ٍ مضى ويـاك ..

[فلاح بن جمل]

مساء الخير ..


توني كاسب القصيده من منتدى ..

وعسا تنال علا اذواقكم !



عفى الله عنــــك وعن زمــــــان ٍ مضى ويـاك
.....عسى الله يكفّـــــر ذنبـك ويغفــــر ذنـــوبــــي


أخذ ما بقا لك لا تخلـيّ هنـا وهنـاك
.....من الذكـــريــــات اللي تلـوّح علـى دروبـــــــي


ولــــو نعمة النسيان عيّـت علـيّ أنسـاك
.....ابشكـي عليهـا الله وانسـاك بأسلـــــــــوبـي


عن الشوق قلبي ممتنع والغـرام فـداك
.....أخذها صريحه والصراحه مـن عيــــــوبـي


دخلنا من الباب وطلعنـا مـن الشبـاك
.....وبيت المحبّه طـــــــــــاح بالطيـن والطوبـي


غشاك الغرور وغشّك الكبر لين أغـواك
.....و خدشت الكرامه خدش ماهوب محسوبي


وتجاوزت حدك يوم كنت أعشقك وأهـواك
.....و تغافلتنـــي في سلـب حقـي وماجـــوبــــــي


لا صار الوفاء يصعب على مثلك وشرواك
.....ترا منـت بسلـوم المحبيّـن مغصـــــــوبــــــــي


توكل على الله وأجمع الحبّ في مخبـاك
.....وبكره يجيك اللي معه تنفــــض الثــــوبـــــي


لا تمسي تصبّ الحقد فوقي بعـدفرقـاك
.....وتصبح عــــــدوّي بعــــد مـا كنـت محبوبـي

منــــــــــــــقـوـوـوـول..