قصيدة لأمير وشيخ من شيوخ قبيلتي

[ليتني عجميه]

بسم الله الرحمن الرحيم
أحببت أن أورد لكم قصيده من قصايد الأمير خالد بن فيصل بن حشر العاصمي القحطاني رحمه الله وهذي القصيده قالها وهو في أمريكا للعلاج وكان في اخر أيام حياته فقال ردوني لديرتي فعندما رجع من أمريكا دخل مستشفى التخصصي فمات في المستشفى رحمه الله

يقول الأمير خالد في قصيدته



مالي بدار حكي أهلها رطيينه =ودي مع اللي يتعبون المحاميس

يازين مجلسهم ويازين زينه=ربعي هل الطولات ابعاد المراميس

اللي لدرب المرجله محتسينه =عاداتهم بالطيب كسب النواميس

ياماخذينا عدة من سنينه = نمسي ونصبح مانعرف الهواجيس

واليوم لارجل ولا يد تعينه = غارت عليه هموم بقعاء كراديس

فان كل شي له زمانه وحينه =وان كل شي له حدود ومقاييس

من وصل مقايسه قرب مستدينه = من دون يمشي قدم يمشي تناكيس

اصبر على المكتوب زينه وشينه =ماني على الفايت كثير الحواسيس

الرابح اللي يوم ترسي السفينه =ترفع له البيضاء بمشتى القرانيس



رحم الله ذاك الفارس الشجاع والتاريخ يشهد على أفعاله وطيبه وكرمه