لسلام عليكم ورحمت الله وبركاته؟؟؟؟؟؟؟
كلٍ لايجهل شاعر النظم والمحاوره فلاح القرقاح الشاعر الذي بين وجوده على الساحه الشعبيه.
وهذي من ابدعات ابو محمد
يقول فلاح:
يابنت القمر ونجومه اقرب من القرقـــــاح
غلطانه عســـى الله يرحم الحال غلطانه
ترى ماني بطيرٍ يحول على الملـــــواح
وقلبي خابـــر ويش اتصالك على شانه
اصخاف القلوب جروحها مالها جـــــراح
ولولا نبضها و حســـاسها مالها خانــه
أنا احرص من القناص وأصبر من الفـلاح
وشبعانه بالغبن كبـــــــــدي ورويانه
علي والله انك مثل نوره ومثل افـــراح
جعلك فدوة اللي لاعطى العهد ماخانه
عرفت الهواء والله لايعيده ورحت وراح
مراح القطا اللي نشر اطراف جـــنحانه
ودونه قفلت القلب بالقــــفل والمفتـاح
رميته بحر من خوفة الله سبحــــــــانه
أبي راس مالي عقب ما أفلست الأرباح
ومحاجر عيوني بأزرق الدمع غرقانـه
وعين تكحلـها عيـون الندم؟ تــرتــاح
لو تظهر عليها نجمة الصبح ســـهرانه
حسافه على المسرى وحسره على المسراح
ووجودي وجود اللي فقد خيرة اخوانه
ياليت الزمن طــيرٍ يـحول عــلى الـملواح
ارده ولدري ويش ارده على شانـــــــه
وســــــلامتكم
27-12-2009, 07:51 AM
العرض الشجري