من ابرق الكبري تحدى النويصيب=ونحنا بروض كل حي يشوقه
هذا ثمد هل ياعرب شمخني=ماهو برمث يابسات عروقه
منظورة من فضل ربي تعاقيب=والمزن يرزمن ويتكاشف بروقة
بالله طعني واسمع الشور ياصحيب=خل الحياه عوص العجايب تذوقة
وانا استك لا شفت حرش العراقيب =تستنى في روض اكبار عذوقه
مفروقها يبرق قبل شمسها تغيب=ومن النفل والربل خضر شروقه
والنجري يقنب بين عكف النشانيب=بريه لا نيه ولا محروقة
هي كيفنا وان غثربا المشاريب=فنجالها على النشاما نسوقة
وان مر طرقي نعيد التراحيب =وحليب ذكر لا تعشى غبوقه
واليا اختلط ريح النفل وازرق الطيب =يشفيك يوم ان الهبايب تسوقة
وان غنت الورقة بروس المراقيب=الفكر معها مطلق سبوقه
ترتاح نفسك من عنا الوقت والطيب=نفس من ازعاج المدينه زهوقه
نسأل الله الغيث
17-01-2010, 08:11 PM
العرض الشجري