طبعا كلكم تذكرون أغنية رابح (وش ملحه اللي ينثر الحسن من حوله ,, وش عاد خلى للمماليح من بعده) .. المكتوبة فيني ولي شخصيا 
<<<< داخله عرض وبقوووووووووووووة
يحق لي !!
كل واحد يكتـــب هووايااته 
,,,
شوفوا هالموقف اللي صار معي ..
أمس كنت بالصالون .. قاطة راسي على ورا يغسلون شعري ,,, طبعا لا نظارة ولا عدسات,, والنظر يالله من فضلك صفر على ستة! ما شوف الا خيالات أوادم قدامي ,,
وازعاااااج ,, أصوات الحريم والسشوار ,, المهم سمعت وحده من الفلبينيات اللي يشتغلون هناك تتكلم
(لاحظوا اني بدون نظارة ما أسمع بعد!) 
وهـُــيّء <<< متعوب عليها والله ... هــُــيئ لي انها تكلمني! .. ومن اللقافه اللي فيني قلت لها: هاي هو آر يو؟
رجعت سمعتها تتكلم بس مو واضح لي وشتقول .. قلت هذي اكييييييييييييييييد ترد علي .. وارجع اكمل الحوار: فاين الحمدلله ..
سكت ثواني ,, ونطيت ,, لونق تايم ها؟ <<< ياشين اللقافة
يوم خلصت ورفعت راسي
لقيتها تتكلم مع الزبونة اللي تقص شعرها ومندمجة معها 
وسالفة الـ(هوار يو) طلعت انها من تأليفي!!
<<< ده انتي بتحـُـــطي نفسك في موائف بايخــــــــــــــــــــــــــــــــــــــَـــــــ ـــــه!
قلت أوف! 
عاد خبركم طاح وجهي .. ماعرفت وش اقول , وشلون أرقعها!
هو صح ازعاج ومحد يدري ,, بس هذا اللي تغسل شعري .. أكيد بتقول وش ذا الخبله؟
طالعت يمين ويسار ابي اشوف فيه أحد معي على الخط؟
أو فيه أحد يخزني وفيه الضحكة؟
الحمدلله محد يدري بالسالفة ,, بس الآدمية اللي واقفه فوق راسي يبي لي ارقعها قدامها ,, فضحكت ضحكة غبية ,, قلت لها أووووووووه أحسبها تكلمني تصدقين؟
عطتني أقنور
بنت الإيه خخخخخخخخخخخخخخخخخخخ
حسيت انها لو تتكلم عربي بتقولي لي:
قومي اشوف من الكرسي
اللي مايضحك حذفته بالكيــبورد
وتلومون المسكين اللي كتب فيني .. ( وش ملحه اللي ينثر الحسن من حوله)؟؟
لا والله ما ينلام! :$
24-06-2007, 01:57 PM
العرض العادي
