السلام عليكم ورحمة الله وبركاته
هذي قصيده كتبتها وكنت اساير بالقصيده شخص عزيز علي والشخص هوا
مـــزاحــــــم دحـــــــــــــل الــــــــشــــــــمـــري
ومطلع القصيده يقـــــــــــول0
يابو دحل دار الزمن واستدرنا = درنا وشلنا في مداره تكاليف
شلنا عذاب الروح شلنا قهرنا = واللي خفا بالروح بالعين ماشيف
حتى ولو شفنا نقصــّر نظرنا = وش حيلة الخالي معا راعي السيف
اللي زمانه قــّدره واحتقرنا = وقــّدر على نسل الكرام ! المهاطيف
رافه زمانه يوم حنا حدرنا = راف الطمان وحادر ٍ بالمشارف
رافه وقدره صار فايق قدرنا = واصبح هو المقبل وحنا مناكيف
وقت ٍ غريب ٍ يامزاحم عسرنا = يذهل ويفجع في عجيب الصواديف
صخـّر لواينـّا وليـّن صخرنا = وسلّ الجلايل وأستجلّ المناحيف
وصار البهيمه من كواسر دهرنا = والخرب جارح والثعل له مواقيف
والبوم صارم بالحكي لانهرنا = وكلب الخلا بالعرف قد له تواصيف
كلّش تساوا سهلنا مع وعرنا = وحتى الغنم والذيب صاروا مواليف
لاكن عرفنا بذالزمن واعتبرنا = وشكواي لله يازمان التحاسيــــــــف
وسلامتكم
الشــــــــــــاعر / سعود رتيبان الجويّر
21-08-2005, 11:41 PM
العرض الشجري