عدت إليكم بعد طول انقطاع.. عسى ما حملته يحوز على ضاكم
((الحـــــــــــــظ))
الحظ مفتاح الدروب المغاليق=أو قفل بيبان الليال.. وخطاها
من (ليلة الحمى).. لقتك المعاليق=في ثلجها.. في جمرها.. في لظاها
وأسكرك يا همٍ وردى الحدب.. وتفيق=كل الطعون المرمسات.. وعناها
ومن وين أببدا.. ياجداد الطواريق=وانتي مواريث الجروح.. وذراها
من (ضيعة السجه).. و(مر المذاويق)=والا من عيوني (سهرها).. و(ماها)
بعض العلوم.. يجف من دونها الريق=وبعض العلوم.. يجف ريقي وراااها
(كحلت عيني) من وجيه المخاليق=للساعة اللي ينثني من عصاها
ويومي زبنت العين.. في (موقف الضيق)=لقيت..من كحّّّّّّّّّّّل طرفها عمااااااها
(بعض اللحى.. عزٍ بوجه المطااااليق=وبعض الوجيه اكبر خزاااها.. لحااااها)
تغرك أزوال الرجال المطافيق=لو أنها.. ما تختلف عن نسااااها
هزايلٍ.. تلهث ورى الهرج وتضيق=من قبل تخلق.. والزمان يهجاها
اللي ليا حملتها بالمواثيق=تضعضعت يسبق ميلها.. رغاها
يا ليل.. وان مريت راعي العشاريق=غب الهموم اللي تزايد بلاها
قلّه طروش القلب.. جمع وتفاريق=ذودٍ وطى قفر الضلوع.. ورعاها
ومابين (زموم الورق.. والشواهيق)=ضيّع دروبٍ وان نزلها.. رقاها
القصيده للشاعر.. خالد العتيبي
طيب الله اوقاتكم
اخيكم
الطرقي
16-10-2005, 03:38 AM
العرض الشجري