وقف هنا

[أشهب الـلال]

السلام عليكم ورحمة الله وبركاته

قد لي ثلاث أيام واليوم رابع=أحب رأس الوقت.. والوقت ما طاع

أقد لكم هذه الرائعه عسى أن تنال على رضاكم وإستحسانكم.....


وقف هِنا

وقف هنا.. يا لايمي لاتتابع=ملامك اللي كله جروح وأوجاع

شعورك اللي من نقى الروح نابع=أطهر من الماء.. لكن أقسى من القاع

يمكن خذا طبعي من الحزن طابع=لكن ذا طبعي.. وكلن له أطباع!!

مانيب من في ظلمة الصمت (قابع)=أنا الذي بأسمه يصحن الأسماع

من خير لحم كتوفي الحمل شابع=وكتوفي لشيل الحمل دايم أجياع!

أونس بقلبي.. كن للحزن أصابع=تعزف.. وصدري عودٍ أوتاره أضلاع

قبل السكون اللي يثير الزوابع= أدخل على اللي كل سرٍ له يذاع

من ساعةٍ فيها تضيع الروابع=فيها الشجاع الوامن.. يفز مرتاع

(((ليت المشاكل يوم جتني تتابع=جت كلها من نوع.. ما جتني أنواع)))

قدلي ثلاث أيام واليوم رابع=أحب رأس الوقت والوقت ما طاع!!

ولا يزال لقصة الصمت (تابع)=كانك لها يا لايم القلب سماع

أو قول لي: وقف هنا.. لا تتابع=بسكوتك اللي كلها أحزان وأوجاع

الشاعر /

رشيد الدهام


تقبلوا تحياتي

أخيكم