حمد بن سالم وكعب بن زهير

[حمد بن سالم]

[
السلام عليكم
ماجورين


هذه احدى قصائدي عندما كنت عازبا في ذات يروى

ترازم بنات الفكر شردا ترازمي=تدك هواجيس الفتى المتولمي
تجامح بها صفرا من الخيل مسرجه=تسابق بنات الريح والعقل ملهمي
تناطق اولو الالباب في عقر دارهم=وتسالهم هل بات في الدار ادمي
وقد جاوبوها والجواب بحسرة=وقالو لهل نحن الى الغير ننتمي
تدور رحى الدنيا على كل راحة=وتطحن حبوب جات في غير موسمي
سلام على الدنيا اذا لم يكن بها =رفيق على الشدات عظم ومحزمي
يناصفني حزني ويسمح خطيتي=يعج دفاعا للعدو ان تهجمي
احول مسير ركاب طرقي ولهجتي=مدام الله الرزاق كثر الانعمي
بديت بتوصيف الغزال المذيره=مضمرة تحرم على كل محرمي
لما وقفت قامو لها الناس كلهم=تهجد جمال البيض جردا وموشمي
لها عين تسحر مابعد ريت مثلها=وجسم كما غصن الجريد المقلمي
وخشم سليل مستوي من جمالها=وخد مليح ابيض من الله محشمي
وجيد طويل يكتسي من جعودها=ومركوزة النهدين حلوة مبسمي
سلبني حلاها وامتلكني دلالها=وللماس والياقوت مرفا ومنجمي
تثنى كما غفل طواها حيالها=تذكرتها يوم المواقيف تحتمي
اخاطبها بالقول واسمع هجوسها=تذكرتها والبيض تقطر من دمي
خيالاتنا من نعمة الله ملقحه=تكلم بها حتى الحصان الملجمي
وانا ماتغزل مثل خطوا هلامه=يضيع مفاهيمه ويشرد وينعمي
مقامي عزيز وصيدتي ماتكودني=مجالس هل الطالات منها اتعلمي
صبرت على الدنا وعزيت رفقتي=ومريت يثرب والحطيم وزمزمي
وكسبت من الدنيا دروس وتجارب=وعرفت بان العرف للرجل صيرمي

هي اطول من كذا ولكن لايحضرني الا هذه الابيات واعذروني يالقروم