اذكر اربع من عيوبك بكل صراحة...

[شهد]

هلا بك ابو مشاري

وشكرااااااااااااااااااااااااا على الاطراء

ههههههههههههههههههههههههههههه

[سند]

السلام عليكم ورحمة الله وبركاته

لاهنتي شهد على الموضوع

1- مهمووم

2- ضايق الصدر

3- مزيوون



تحياتي وكل الشكر,,,

[شهد]

هلا ومسهلا
مرحباااااااااااامليون والباقي تقاسيط بعاشقة المحاورة

بالنسبة لعيوبج:

1 عنيده حد الدعسه يعني ما كو اعند مني

وش دراج ان ماهنا اعند منج مسوية احصائية الاخت هههههههههههههههه عموما شوفي اذا عنادج على حق فهو زين اما اذا معاندة على باطل اقول استريحي ترى مااحد ماكلها غيرج حاولي تاخذين الامور بروية وفبساطة صارت لاتتعصبين لشي ولاتعاندين

2 أزعل بسرعه وأرضى بسرعه

شوفي حل الزعل معروف توقفين باخر الحوش وتندفعين بركض قوية اسرع من الضوء وتضربين راسج باول طوفة تواجهينها وانشالله يزول عنج لزعل
( امحق نصيحة )
لاصدق انج تزعلين بسرعة شي مرفوض يمكن انسان يغليج ويقول كلمة زعلتج بس هو ماقصد فيها جرحج بهالحالة راح تكونين انتي الغلطانة حاولي انج ماتفسرين الكلام على هواج ودايما افترضي حسن النية بالغير

اما الرضا بسرعة بالعكس هذي ميزة ماهي عيب


3 طيبه أكثر من اللزم وأنا أعتبرها عيب في هالزمن

عمر الطيبة ماكانت عيب ولا تغرج شعارات عش عمرك ذيب تسلم من مخاليب الذيابة تراة هياط بهياط
واللي يقول الطيب خبل قولي لة هبال طيب ولاصحاوة رخامة



4 صوتي دايم عالي

قصرية ههههههههههههههههههه

يااختي تابعي هالمذيعات انتي ماتغارين منهن حتى اللي وجها وجة رجال صارت اتميلح وتدلع يعني اني انثى سوي زيهن يمال العافية ( بالله بيني وبينج شفتي احلام ايام انا ربي بلاني فيك بلوة وشوفيها الحين بناويلك ) والحر من الاشارة يفهم


ولا هنتي على مرورج وسامحينا اذا غلطنا ترى الدعوة كلها مزوح بمزوح
وشكرا على صراحتج

[شهد]

هلاااااااااااااا بالراعي الرسمي ارحب

ههههههههههههههههههههههههههههههه اما دكتورة كثر منها

وبعدين انا ماعندي عيوب اتكلم عنها >>>>>>> اي هين


ولا انشالله مافي زعل كلنا هني اخوان وحبايب

[المميزة]

السلام عليكم ؛كيفك يا شهودة......
بصراحة موضوعك مررررة حلو، أماعيوبي فأنا ماعندي الا عيب واحد وهو أني أزعل بسررررعة وعلى طول أبكي .......
ومشكورةأختك المميزة ،،،،،،،،،،

[شهد]

الله لايهينك الهاوي وتسلم

تقول :
1- مهمووم

من يشتري قلب همومة ملايين// ويبيعني قلبن من الهم خالي
( الهموم اكثار وقلبي بس واحد// وش يشيل القلب منها وش يخلي )>>> يمال الطناخة الرجال يشكي وانتي تزيدينة
سم بالرحمن ( الا بذكر الله تطمئن القلوب) دايم رطب لسانك بذكر الله وخل قلبك عامر بذكرة
وترى ياجدي الدنيا ماتسوى نضيعها بهموم وزعل اللي يسمعك يقول عندك 13 بزر ونايمين من غير عشا والمرة زعلانة فبيت اهلها واهلك ماعاد يكلمونك لانك ماتزوجت بنت عمك ورئيسك بالشغل ماغير يذب عليك باغيك تطلع اقول اها بس اهجد


2- ضايق الصدر

ياضايق الصدر بالله وسع الخاطر // دنياك يازين ماتستاهل الضيقة
والله انت سالفتك كايدة وترى ضيقة الصدر من زود الهموم يعني لازالت الهموم زالت الضيقة عليك بالصلاة ياجدي والصبر



3- مزيوون

بالله وش جابك يالشرق للغرب

لاصرت مزيون وكلن يطلبة ودك ليش متضايق والا من كثر المحبين
اقول والله انك بطران على النعمة واحمد ربك وانا اختك ترى النعمة زوالة


اخيرا وليش اخرا شكرا على مرورك وصراحتك واسفين اذا زلينا

[خطـــ عرجاني ـــير]

والله انا عيوبي ما اقدر اقولها مستحي ,,,

بس بكتبها وانا مغمض ولا احد يشوفها زين ,,

1- اذا نمت ما قمت واذا قمت ما نمت ..

2- النسيان .. يعني انسى كل شي ,,,

3- التصريف ,, يعني التصريف عندي على قرش.. حتى لو ما عندي شغل .

4- العناد ,, لدرجة اني اعاند ابي في اي شي حتى في السياسه... الله يستر
من المباحث لا يمسكوني انا وابي ..

هذي رؤوس اقلام من عيوبي والخافي اعظم .

تحياتي,,,,,للجميع وعيوبهم..

[شهد]

المميزة

أزعل بسررررعة وعلى طول أبكي .......
ياويح قلبي وياطر جيبي ويابيح سدي كم مرة قلنا لكم الزعل ماهوب زين خصوصا انتن يالبنات يسل حالكن ويلعب بحسبة بشراتكن وشعوركن , وراكن ماتركدن ماهيب كل كلمة تنقالج جاج عنزج وزعلتي وبديتي بالصياح والنياح , ترى زينة الادمي عقلة وسعة صدرة.
بزعمي اهلج وخوياتج شافوج زعول جسروا عليج
مرة ثانية أي احد يجيج وناوي يزعلج اصدمية وخلية يشوف بعينة ان انتي مازعلتي وان هو بكبرة لاقام ولاقعد عندج . خليج قوية غدي رجال قصدي ذيب. اوحيتي والا مااوحيتي

شكرا على صراحتج وجراتج يالمميزة تحياتي لج

[شهد]

عرجاني خطير

1- اذا نمت ما قمت واذا قمت ما نمت ..

(قلها خمس مرات بسرعة وبدون غلط )
المسالة يبغالها تنظيم انت شكلك وين مااسندت راسك نمت . ابدا من بكرة ابد لاتقيل ولاتنام طول النهار من بعد الساعة 9 مسموح لك تنوم من بعدها عاد انت بتفز ثاني يوم وانت شبعان ومطفح بعد وقل شهد ماقالت


2- النسيان .. يعني انسى كل شي ,,,

النسيان يكون ميزة فبعض احيان ويكون مصيبة فاحيان ثانية <<< يكون مكتشفة الذرة الحين مع هالزقم والله اذا لقيت انت حل لاتبخل فيه علي الفصل الدراسي بدا والامتحانات مندسه ورا الباب تولم تبي الدخلة والبال ساهي والتناحة منوخة.... لاتزيد المواجع خلني قد نسيت


3- التصريف ,, يعني التصريف عندي على قرش.. حتى لو ما عندي شغل

حله بسيط جدا كلم اخوانك وقلهم ياجماعة أي رجال يسال عني فانا موجود حتى لو ان قلت لكم اني مب فيه. قلطوا الرجال وصوتولي قدامة .(عاد فيك خير ماتطلع هاك الحزة هههههههههه)



4- العناد ,, لدرجة اني اعاند ابي في اي شي حتى في السياسه... الله يستر
من المباحث لا يمسكوني انا وابي ..

العنيد هو الشخص ( قامت تفلسف ) اللي يبغى يحقق رغباتة مهما كانت صعبة سهله صح خطا مايهمة المهم يحققها وغالبا يكون العنيد من فئة خالف تعرف يعني يبي يختلف لمجرد الاختلاف مو لانه مقتنع بوجهة نظرة
الحل : (بالله عليك شايفني دكتورة تحرا الحل مني . من امس وانا اعصر مخي ماطلع منة غير موية بيضا فيها حبوب سود ... لاتحوم كبدك ترى حبوب السودة ذي حبات الهبال اللي عندي ) لا استنى طلع شي ..
فكر بينك وبين نفسك وش نهاية هالعناد وش نهاية هالتناحة حاول انك تنازل عن رايك لحساب راي غيرك مرة وحدة جرب ماانت خسران. حط فبالك ان ماهوب دايم انت الصح.
وبعدين ياجدي وش لك بالسياسة تراهي عما عين ماغير تسل حالك وتهبل بك . تابع مسلسلات مكسيكية اصرف لك . كود تتعلم لغة

واسفين اذا بدر غلط منا على غير قصد وشكرا على صراحتك ومشاركتك

[والله ماكان الفراق اختياري]

ههههههههههههههههههههه
شهد وربي اما جلسات بتروحين فيها بعديش من مرضي اسف عيوبي
ههههههههههههههههههههههههههههههههه




والله البنت تبي تبتلش فيك يا حميدان
هههههههههههههههههههههههههههه