ولامن رمتني بسهم اقدر اصيده@ والخوف من ينساب والا المراعي

[دوحان ابن عمودان]

السلام عليكم ورحمة الله وبركاته

اجمع بفكري حروف القصيده=واركب المعنى وفيه اندفاعي

وأخلي للابيات فكره مفيده= لمن اراد السمع والاطلاعي

والبس الماضي ثياب جديده=وأضيع القله في وسط اتساعي

وأخلي المهره في ديره بعيده= تجيني بلهفه تريد استماعي

والمشكله كل بيت اقوله اعيده=وامسك بيدها خوف تاقع بقاعي

وارجع واغير سهلتي بالشديده=وابحر بها من دون ما اكشف اشراعي

ولامن رمتني بسهم اقدر اصيده=والخوف من ينساب والا المراعي

ويالله تلعنها بلعنه مبيده=وتخلي الاسهم في وضع ارتفاعي

اقولها من قلب يصدق وريده = ترى اللي ماله داعي ماله داعي

واللي تحداني بفعل المكيده= بااقول شفني فحل وللشعر راعي

من لابتن فيها الخصال الحميده= يشهد لها تاريخ كل البقاعي

المدح فيها صعب ما اقدر اجيده=لو اجمع ابياتي باابين ضياعي

والا الشعر جدي وانا لها حفيده= والذيب يعشي الذيب لامنه جاعي

لكن نصيحه لافتحت الجريده= خل الحسد لاشفت ذكري يشااعي

ولاتنحرج لاشفت جمله مفيده= طع الزمن دامه معك مايطاعي

وسلامتكم .. تقبلو تحيات دوحان بن عمودان