مساكم الله بكل خير ,,
لديت لي عينك وجيتك من اقصاي=يازينها عقب الفراق انتواجه
سبحان من جابك على درب ممشاي=القلب فز وبالعيون ابتهاجه
عشتك زمانن فات ضايع بلا راي=طحت بعجاجه قافيتها عجاجه
من اول انشد ياحبيبي ورجواي=الله يجيبك يابعد كل حاجه
ازعجت جيراني بصوتي ودعواي=وابليت اهل داري بكثر اللجاجه
بالصبح ادورلك وبالليل سراي=وينك مرض قلبي ووينك علاجه
القلب ينزف صافي الدم في احشاي=والرجل مزعجها بكثر الدواجه
خافوا من الله ياعواذيل وياي=العقل صابه رعشتن وارتجاجه
ادري حبيبي ماتبي غير طرياي=بس العواذل زودوها سماجه
ارخيت بذنك سامعن كل حكاي=يجيك بالهرجات عدل وعواجه
الله يقنعك السعاده من اعداي=ومن يتبع العوجات يعرف خراجه
ضاعت مبادي حبنا وضاعت اخطاي=وقصر المحبه انهدم فوق تاجه
قفا زمانك وابتعد عن حراياي=والصبح عقب الهم بان انبلاجه
ولديت لي عينك وجيتك من اقصاي=بس اتطمن يمكن ان فيك حاجه
وسلامتكم يالغالين
22-04-2006, 06:56 PM
العرض الشجري