اسر يالهاجوس /لــــ فهيد بن عصيدان

[عيد بن شدقان]

السلام عليكم ورحمة الله وبركاته

اخواني حبيت انقل لكم رائعه من روائع الشاعر المبدع /فهيد بن عصيدان


واترككم تستمتعون بقرائتهاا

7
7
7
7
7
اسر يالهاجوس دام إنك على راسي سراوي=تنتج إسمان البيوت وكل بيت شب ضوه
،
القصيد إليا بدعته كنه البشت الحساوي=زاهيه راعيه ويزيده سموٍ من سموه
،
إن تدحدربي قصيدي كنه السيل النحاوي=وإن رقى ماكنه إلا بارق لاهاض نوه
،
والهبايب هبت وشبت حطب قلب الهواوي=كن صال النار قلبي والضلوع العوج دوه
،
والزمن مايستحي طبعه ولي حظٍ حياوي=لايفيد إن جيت طيب ولايفيد إن جيت قوه
،
وإن تمنيت الحقايق تقصر إدروب المناوي=وآتحجج بالعمر وأقول تو العمر توه
،
وإن تعدينا بليّه ننطح إكبار البلاوي=وإن نزلنا الوقت يصعد من طمانه لاعلوه
،
الله أكبر ياشجاعٍ خونت فيه العزاوي=يوم طوّح بالعزاوي للخوي صف لعدوه
،
ضاعت الهقوه وأنا باني على مثله هقاوي=باع خوة من شراه وباع لجل إرضاه خوه
،
الله يبيح الصداقه مابقى منها شلاوي=مابقى ياكود: وشلونك؟/وكيف الحال؟..قوه
،
ياتخاو اللي على وقت الشدايد لك يخاوي=أو بلاش إمن الخوي لاصار ما جوك بجوه
،
،
،
،
للشاعر المبدع/فهيد بن عصيدان