السلام عليكم ورحمة الله وبركاته
بعد عمل اللقاء مع الشاعر عبدالله بن عمارة (الزئبق الأحمر) كان الشاعر محمد ابو زيد موجود فحصلت محاورة بين الشاعرين وتم تسجيلها حصرياً لشبكة قبيلة العجمان , فكل الشكر للشاعرين وكل التوفيق لهما ان شاءالله
للإستماع إظغط هنا
للتحميل إظغط هنا
عبدالله بن عمارة
سلام تسليم يفتح للمسيحي باب الإسلام=إن ما دخل عند خشمه وإن دخل فالحمدلله
المسلم اللي يصلي غير مازكى ولا صام=مدري نحرم دمه ولا على المله نحله
محمد ابو زيد
يامرحبا وأدري ان مابه مسيحي من ضنا يام=وإن الله أهدى على يدك المسيحي يا لعله
مانيب مفتي لكن في المملكه مفتين وإمام=ياللي تشيل المهند كان مزري لا تشله
عبدالله بن عمارة
كانك ملكت البسيطه فالحذيه وانت مقدام=غير البلا لا تصير المستحله مستقله
كسرى على الفرس حاكم يوم قيصر فوق الأروام=والعلم عندك وعندي في الورق دقه وجله
محمد ابو زيد
انا احمد الله رقمي ينعرف من بين الارقام= مانيب أعقد الحبل وأليا عقدته رحت أحله
يامحمل أهل اليمن وشلون تحسد محمل الشام=للشام مذهب ومله وانت لك مذهب ومله
عبدالله بن عمارة
رقمك مسجل على صم الصفا منحوت من عام=لكن مدير الإدارة بالغلط ملغي سجله
بكرى وبعده وتدري بالخبر مع مر الايام=وتشوف ضرب الشجاع وتكره اللي فيه ذله
محمد ابو زيد
لا صار تدري وانا اللي حزّمك قبل أمس بحزام=إن كانك يقناك معروفي مديرك روح قله
إن كان تبغا كلامٍ ماهو تمثل الأفلام = طويق في نجد ثابت ماتغير عن محله
عبدالله بن عمارة
الجوخ الأحمر يبدل عقب عج الخيل بالخام=ومنشف الريق ريقه من صطر راسه يبله
إن قام مانام ياكافي البلا وأن نام ماقام=والدرب الأول يدله غير الأخر مايدله
محمد ابو زيد
دنياك تضحك ويدها مزينه بخضاب ووشام=والصبح ياطول ظله والعصر ياطول ظله
17-08-2006, 03:29 AM
العرض الشجري