فـــراق الســـعوديــه ..!!

[مسفر ال كحله]

هــذه قصـــيده قـــلتها عنــدما وصلـــت للولايات المتــحده قبل عــدة شهــور .. ارجوو ان تتقبــلوها ..

صلو على النبي ..

ياهادي الضيقة القشرا عمــوميه = لاوقّف الشوط الاول .. فكّت الثاني

لي ست اسابيع .. واخلاقي تجاريه = والاسلوب تعبان .. وهو من قبل تعباني

ولا يغرّك .. ملاحا الصوت عصريه = لاتحـسب ٍ يوم اجر الصوت طرباني

(يابوعدّي) .. يوم فارقت السعوديه= والراس راكبه .. عشرين الف شيطاني

من يوم جيت المطار .. مبّيت النيه = ووداعت ربعي هل الناموس .. واخواني

وقصيت ( بوردي ) مع البيبان الاقصيه = ثم استوينا على ظهر .. ام جنحاني

يوم افهقت .. من منصتها الرئيسيه = ثم اقلعت مثل خاطي فرخ شيهاني

ثم غلّها .. كابتنها .. لعنبو حيه = وطلع .. طلع .. واشهد انه صدق فناني

وقامت تخثّـع مثل بنتٍ سحاويه = ترقص على دان دان .. ودان ياداني

ويلا هوت .. في المطبات الهوائيه = تقول عثرة احصان ٍ .. حدّه احصاني

اربع عشر ساعة ٍ .. لاشك عن (ميّه)= وانا مابين .. اجنبيّ .. وبين قوماني

هذاك يقرا .. وذا .. نايم بكرسيه = واللي اوزاني .. ماكنّه جالس اوزاني

وجينا ( واشنطن ) مع وقت المغربيه = في ساحة ٍ .. مابها الا صفق نصراني

وجيت الجمارك .. واثر الاوضاع مقفيّه = ثم جيت لي .. صاحي ٍ .. في ثوب سكراني

ثم هز راسه .. وقال سعودي ..؟ .. قلت ايّه = ثم سجل اسمي .. وميلادي .. وعنواني

ووقفّت ساعه .. بلا روحه .. ولا جيّه = من مرّني .. خذ له شوي .. وتعدّاني

وقام وقذاني .. بالاسئلة الخصوصيه= يالله جارك .. من البلوى .. لاتبلاني

قلت المقاصيد .. مكتوبه .. ومقريه = حب الوطن جابني .. والعلم عنّاني

مؤمن بكل الرسالات السماويه = مسلم .. موّحد .. وديني خير الادياني

وختم جوازي ..عقب مابصّم .. ايديّه = ودبّرت .. دّبارة .. العافي.. عن ..الجاني

والحين .. في احد الولايات الجنوبيه = في ديرةٍ ماتعز الضيف.. والعاني

حتى الحراره ..تحت (صفر المئويه ) = ياحي شمس ..(النعيريه) .. و(قصواني)

وياحي .. ممشا ً .. مع بدوان (مريّه ) = مرباع قطعانهم في احدود عمّاني

ابيوتهم في رفاع القاع مبنيه = تلقى الشحم عندهم .. وادلال رسلاني

ياهادي القرم ياحي السعوديه = وياحي شوف الربوع .. وشوف شيباني