كيف أسامر طيف منسوج من وحي الخيال=وكيف أوصف نجمه سهيل باالحرف الغريق.
أي محال إللي تقولون ياأهل المحال=أشهد إني قد كسرته ولاني مستضيق.
ذاك ورد(ن)لاسقيته ونادى للتلال=وجاتك الغيمه تهل العباير للرفيق.
والشموس إللي تناست تنور ذا الظلال=والقمر صاحب كسوفه وأصبح له عشيق.
الغريبه إني أقدر على وصف الجمال=والغريبه إني أعرف مفاتيح الطريق.
لكن إن الواقع إللي يخالف مايقال=لاإنقتل حلم وتهاوى على الوادي السحيق.
والغرام إللي سكن بك غدى صعب المنال=وإبتدت في الجوف نار(ن)تصاحب ذا الشهيق.
ياوجودي وجد شيخ (ن)بكى ظلم الليال=إنكروه أهله ولا له معيل (ن )أو صديق.
أو وجودي كف أم(ن) تمده للريال.=من عقوق أولادها يا جعلهم للحريق.
أو وجودي وجد دمع (ن) جرح خد الرجال=إنهمل عقب المعزه عقب ذاك البريق.
السؤال إللي جوابه يجي نفس السؤال=لاسقاني من حروفه ولا بلل لي ريق.
هيه ياللي تحسب إنك على روس الجبال.=الزمن دوار والدنيا على الظالم تضيق.
والله إني أقدر أكتب خصالك ياغزال=خايف إني لاكتبتك نزف قلبي الرقيق.
من يقول إن الليالي قريبه للزوال=مارأت عيني نهار(ن) دعا الصمت العميق.
ياسحايب وين دمعك على نزف الهلال=الحزن عم البشر والكدر أصبح طليق.
مابقالي من سروج الخيول إلا العقال=أكبح إجماح المعاني وأكتب مايلييق.
بقلمي: مــحــمــد الــمــجــول
أتمنى إنها تحوز على إعجابكم
30-01-2007, 11:19 AM
العرض الشجري