@]["""صدفه وفيها داخل القلب حليت """][@

[‏وَتـے ـيــنْ]

بــــــــــــــــــلـــــــــــــــــــيز رعشة هدب كملي القصة اليوم ضروري
<<<< تنتحر اذا ما كملتي القصة
اهون عليش انتحر ؟؟؟؟
بليز ارجوش اتوسل اليك كمليها يا فتاة العرب

[هـــ رعشه ـــدب]

هههههههه لا طبعاً مايهون عليه انج تنتحرين

واشكر لج مرورج وردودج الغاااااويه

وهاااااااي تكملت القصة ...

[هـــ رعشه ـــدب]

وطلع سيف وهو محطم ...اما حمد فركض ورا سيف بس ما قدر يلحقه لأن سيف ركب ف سيارته وراح ...جلس حمد على السلم وطلع تليفونه وشاف الرقم اللي رد عليه سيف ...وشاف الرقم ...انه رقم مهرة ...وانصدم ...اتصل حمد على مهرة ...وسألها شو السالفه وليش متصله وقالتله كل السالفه ...
اما مهرة فقالت لمريم تعالي احس نفسي تعبانه الحقي عليه بسرعه ...رجع سيف للبيت وقفل على نفسه في غرفته ....عق سيف عمره على سريره وتم يصيح ويتذكر اول مره كلم فيها مهرة ..تذكر كل ايامه مع مهرة ومع اعز اصدقاءه واللي هو حمد صديق طفولته ..حس سيف بتعب فضيع ...وقهر وحزن ...وهتزت ثقة سيف في شيء اسمه حبيبة وصديق ...والصبح كلم سيف ابوه ...وقــــــــالــــــــــــــــــــــــــه ...

سيف : ابوي انا بحجز اليوم وبسافر المانيا ...
ابو سيف : خير انشاءالله ...ليش شو فيك ...
سيف : بسافر اكمل دراستي اللي ضيعتها ...وبشيك على نفسي عناك المستشفيات حسن من عندنا ...
ابو سيف : زين شو رايك تتزوج زهرة وتسافر معاها ...اريد اكون مطمن عليك ...
سيف : يمين الله ما افكر في شيء اسمه زواااااج تسمعني ....
ابو سيف : ولا مهرة ....
سيف : ماريد اسمع اسمها نهائياً ...اسمحلي انا اترخص منك ...مع السلامه ...

وراح سيف يحجزله تذكرة سفر ...اما مهرة فكانت تنتظر مريم ...لأنها خلااااااااااص مب قاااااااادره تتحمل اكثر ...وصلت مريم لبيت مهرة ودشت البيت وكان محمد يالس على الكمبيوتر ..وسلمت مريم عليه ...وما انتبه لها ...وردت وسلمت عليه وبعدييين انتبه ...وتخربط في الكلام ..
محمد : هاااااااااااااه اسمحلي اقصد اسمحيلي ياربي شو هالحااله ...
مريم : هههههههههههههههههههههههههههههههههه......
محمد : فدينا الضحكه اللي ابد ما نسمعها .........
مريم : احشم اللسانك ...
محمد : شو فيه اللساني محشوم ...المهم شو حالج ....وتو مانور بيتنا ...
مريم : بخير ,.جيت ادرس مع مهرة ...
محمد : اوكي ماينفع انا اساعدكم ...ترا اعرف والله ...بس انتو جربوا
مريم : ههههههههه....مشكور متقصر ...يالله انا بطلع لمهرة ...
محمد : خليج شوي ...دووووم مستعيله ...
مريم : احم ...عمتي وين ما اشوفها ....
محمد : راحت لبيت جيرانا ...
مريم : اهاااا طيب انا بطلع لمهرة عندنا بروجكت بنكمله ...
محمد : الله يوفقكم ....

كانت مهرة طايحه على سريرها وغرقانه في دموعها ...دقت مريم الباب لكن مهرة ماسمعتها.. فتحت مريم الباب وشافت مهرة طايحه على السرير وتبكي ركضت مريم لمهرة بتشوف شو اللي استوى ...وشو المشكله ...مهرة اول ما شافت مريم تمت تبكي وهي ماسكه في ايد مريم ..

مريم : مهرة حبيبتي هدي نفسج شويه وخليني اعرف ليش تبكين ....شو مستوي قولليلي ..
مهرة : آآآآآآه لو تعرفين شو استوا ...مصيبه ..((تمت مهرة تحكي لمريم السالفه وكانت تصيح بأعلا صوتهااااا ومريم تهديها ...سمع محمد الصياح قال خليني اطلع واشوف شو اللي مستوي ..وطلع محمد وقرب من غرفت مهرة وللأسف ان مريم ما سكرت الباب لأنها كانت ملتهيه في مهرة وسمع محمد نصف السالفه بس كل اللي فهمه ان اخته في حياتها واحد وان مريم الانسانه اللي حبها اكثر من حياته شريكة اخته وتساعدها على الغلط ...وتتستر عليهاااااا....ودخل عليهم محمد وهو معصببب حيييييل ...ومسك مهرة من شعرها وتم يكفخها بقوووه ومريم تحاول انها ماتخليه يضرب مهرة زياده ويبعد عن مهرة ...وبعد ما خلص محمد من مهرة رجع لمريم ومسكها من ايدها وقـــالهااااا ...

محمد : خسااااااره ماتوقت انج حقيره لهدرجه ...يوم انج انسانه راعية شباب وسوالف ماصخه ليش خربتي اختي ...وبعد يالسه تقصين عليه وتقولييين احبببك وانتي في عالمج اللف واحد سمعيني بيتنا لا تدخلينه من اليوم ورايح ...وماريد اشوف رقعت ويهج ...

مريم : انشاءالله بس اباك تعرف شيء واحد وبس انت ظلمتني والله يسامحك .. وعمري ماراح انسى لك هالكلام ولا راح اسامحك واللي من بينا انتها ....
محمد : طلعي من بيتي ياللــــــه ,,,,وماريد اشوف رقعت ويهج ...

طلعت مريم من البيت وهي حزينه وتبكي وفي نفس الوقت خايفه على مهرة ماتعرف شو بيسوي فيها محمد ...

دخل محمد على مهرة واللي كانت حاطه ايديها على وجهها ...قالهااا كل شيء توقعت انه بيصير غير شيء واحد انج انتي تروحين في هالطريج ...انتي دمرتيني ودمرتي نفسج ...كنت عارف ان التليفون بيسويلج مشكله ...بس ماقدرت عليج ولا على امي ...الحين تليفون ماشي تسمعين ومريم ماريدها تدخل بيتنا ...وكليه ماشي ...وطلعه من البيت ماشيء .." لكن مهرة كانت ساكته ""

تمت مهرة برووووحه في حجرتهاااا ...كانت مهرة تكلم روحها وتقوووول (( خسرت الأنسان اللي حبيته ...وبخسارته احس نفسي خسرت الدنيا كلهاااا والحين خسرت اخوي اغلا ناسي كلهم شو اريد من هالدنيا المووووت احسن لي من العيشه هاي ...واكيد باجر بيعرف ابوي واللي ايشوفني اخر العنقود واللي عمره مارفض لي طلب ...ولا امي اللي بتنصدم ...ياربي شو اسوي انا خسرت ثقة جميييع احبابي ..ومريم شو ذنبها مسكينة ...الحين محمد عافها ومايريدهاااا ..)))
وظلت مريم تعاتب نفسها وتبكي لكن محد بيسمعهاااا ... وتم محمد دائماً اينقز اخته بكلامه الجارح ...اما سيف سافر يكمل دراسته وهناك تعرف على عبيد الشامسي وكان اماراتي ويدرس هناك ...وارتاح سيف لعبيد واااايد ...اما حمد فكان متضايق واااايد وكان يريد سيف يعرف الحقيقة وكان يريد يجمع سيف بمهرة لكن المسكين حمد مايعرف لسيف رقم ...اما مهرة فتغير حالها وصار الحزن والكآبه جزء من حياتها وماعادت مهرة تتكلم ولا شيء كل حياتها سكوت في سكوت ...وحزنن حتى البسمة اختفت من حياتها ....والكل تغيرت نظرته لها ...وفي يوم اصرت ام محمد تتصل في فاطمة عشان تكلمها عن حال مهرة اللي مب عاجبنهاااا ...

ام محمد : فاطمة تعالي شوفيلي مهرة مادري شو فيها من ثلاث شهور وهي متغيره وايد وانا خايفه عليهاااا..
فاطمة : بسم الله عليها ...انا انشاءالله بزوركم اليوم وبخليها تشوف زايد واكيد انهااا بتستانس عليه...وبترد مثل قبل ..
ام محمد : انشاء الله ..

زارت فاطمة ام محمد , استغربت فاطمة من حالة مهرة واللي ماعجبتهااا وقالت فاطمة لازم اني اكلم مهرة واشوف شو فيهاااا ...

فاطمة : مهرة ممكن نتكلم ..
ام محمد : انا بروح اسويلكم عصير ..
مهرة : في شوه بتكلميني ...؟؟
فاطمة : انتي متغيره شو فيج ..؟؟قوليلي اعتبريني صديقه لج ...
مهرة : احس نفسي بموووت ..
فاطمة : بسم الله عليج من المووووت .. باج يامهورة شو فيج ..صارحيني
مهرة : محد يحبني (((وتمت مهرة تبكي )))
فاطمة : احنا كلنا نحبج ليش تقولين جيه ... اقولج شيء سيري غرفتج وجهزي شنطتج انا باخذج عندي ...
مهرة : لالالا محمد مابيرضه ...
فاطمة : مب على كيفه ...
ام محمد : شو فيكم ...
فاطمة : اريد اخذ مهرة معاي للبيت ...
ام محمد : اخاف محمد ايسويلها مشكله ...
فاطمة : انا بكلمه ..وووينه ؟؟؟
ام محمد : الحين بتصلبه وبقوله اييج ...

[هـــ رعشه ـــدب]

اتصلت ام محمد في محمد وقالتله تعال احنا نريد شوي ...وجاهم محمد وسلم على حرمة خاله فاطمة ...ويلس معاهم ...وكانت مهرة ساكته وخايفه ايقول محمد لفاطمة شيء عن السالفه ..

فاطمة : محمد من بعد اذنك انا اريد اخذ مهرة عندي ...
محمد : لااااااا مستحيل مهرة ممنوع تطلع من البيت ...وانتي ليييش ساكته
مهرة : انا..انا..انا
فاطمة : محمد شو فيك ماشي احترام لي وبعدين كيف تكلم اختك بهالأسلوب ...
محمد : فاطمة واللي يرحم والديج طلعي من السالفه ...
فاطمة : ماني طالعه ومهرة باخذها تسمع وكانك مب راضي انا بكلم ابو محمد براسه ..
محمد : انتي ماتعرفين هالحيوانه شو مسويه ....عشان اتقولين جيه ...
مهرة : محمد ارجوك لا لاتقول ارجوك اسكت ...
محمد : خليها تعرف ...خليها تعرف منو انتي وليش انا ماريدج تطلعين من البيت ..
فاطمة : شو مستوي ...شو عندكم ...
ام محمد : محمد اسكت واطلع من البيت ...
فاطمة : لا يا ام محمد انا لازم اعرف ...
محمد : المهم مهرة مب طالعه ...تسمعون
فاطمة : بتطلع وغصبن عليك انته فاهم ....
محمد : لا تعاندين قلت مابتطلع ...

وطرد محمد فاطمة من البيت ..والكل زعل من تصرف محمد ...وراحت مهرة لغرفتها ولحقها محمد ومسكها من ايدها وقالها لا تفكرين ان حد بيقدر يطلعج من هالبيت فاهمه...ودفر محمد مهره على الجدار بقوه ...وطلع من البيت ...راحت مهرة وتوضت وصلت ركعتين وجلست تقرأ قرآن وهي تبكي وحزيييييينه .. حست مهرة بعوار في صدرهااا وحست انها مب قادره تتنفس قالت هذا مجرد ارهاق وبيروح ...لكن العوار كل شوي ايزيد عليهااااا ...قامت مهرة وقالت اقرب غرفة اقدر اروحلها غرفة محمد ...حست نفسها تعبااااانه واااااايد ويالله يالله تمشي وهي حاطه ايد على الجدار وايد على صدرهاااا...قربت مهرة من غرفة محمد ودقت الباب ..قالها محمد دخلي ..وطاحت مهرة عند الباب ...وتمت ادق بيدها وطلعلها محمد وهو معصب ..

محمد : خيييير شو فيج وليش يالسه على الارض ...قومي لاتتمسكنين ...
مهرة : محمد مب قادره اتنفس احس بموووووت والله ...
محمد : ليش العصر ماكان فيج شيء ..
مهرة : آآآآآآآه والله تعبانه خلاااااص مب قااااادره ..
محمد : زين زين بوديج المستشفى ..يالله قومي ..
مهرة : ما اقدر ..

شال محمد مهرة وودها للسيارة ..بكت مهرة وهي حاطه راسها على كتف محمد ...وقالتله سامحني ارجوووك .. قالها محمد ليش تقولين جي ...

مهرة : مشتاقه لأبويه وااااااايد ...
محمد : مهرة شو فيج ليش تقوليين جيه ..احنا انشاءالله دقايق ونكون في المستشفى ..

كانت مهرة من شدة الألم ماتقدر تتكلم ونفسهااا يتقطع ...قالت مهرة لمحمد الحق عليه ما اقدر اتنفس خلاااااص احس بموووووت آآآآآآآه ياقلبي ...ومحمد ايهدي في مهرة ...سكتت مهرة
وصل محمد للمستشفى ...لكن للأسف مهرة ودعته وهو في السيارة وبدون مايحس .. ماتت مهرة وتركت محمد يصارع ألم ذكرياته الشينه مع مهرة ,,,تعذيبه لها وغلطه عليهااااا وقلت احترامه لها وتجريحها قدام الناس....طلع الطبيب من الغرفة وقاله البقية في حياتك ...البنت توفت ...صرخ محمد بأعلا صوووووته لاااااااااااا لاااااا يامهرة ...ودخل محمد الغرفه بسرعه وقرب من مهرة وهو يبكي باس ايد مهرة قالها فتحي اعيوووونج الحياة ماتسوى بدوووونج ...انا احبج يالغالية ...صدقيني خلاااااص ماراح اسويلج اي شيء بس انتي فتحي اعيونج ....مهرة انا ما اقدر ادخل البيت وما اشوفج فيه ...طلع محمد من المستشفى وراح للبيت وتم يبكي ويبكي مايعرف كيف بيقول لأمه ولأبوه ...اتصل محمد في خاله سعيد وكانت الساعه خمس الفجر ..
وقاله الحق عليه ياخالي ...

سعيد : شو فيكم ...امك فيها شيء ...
محمد : تعال بيتنا بسرعه ...

ركب سعيد ومعاه فاطمة كانوا حاسين ان فيه شيء مب زين مستوي ...وفي السيارة كانوا يتكلمون ...
فاطمة : انا يوم زرتهم اليوم محمد كام متغير واااااايد مادري شفيه ...
سعيد : الله يستر انا خايف على ام محمد ...يارب مايكون صار فيها شيء ..
فاطمة : الله يستر ...حتى مهرة تعباااااان شكلها ...مادري شو فيهااااا

وصل سعيد وفاطمة لبيت ام محمد ودخلو للبيت ...وحصلو محمد يبكي بقوه وسأله سعيد وقاله شو فيكم ...قاله محمد الحق ياخلي مهرة توفت من ساعة ...طاحت فاطمة على الكرسي وسكر سعيد اعيونه من الصدمه...

سعيد : انته شو يالس اتقو ل كيف ومتى وليش ...
محمد : قالتلي انها تعبانه ووديتها وفي الطريج توفت ...
سعيد : إن لله وإن إليه راجعون ...فاطمة انتي لازم تتمالكين اعصابج ..

صحت ام محمد على صوت سعيد اخوها قالت غريبه شو اللي يايبنه الفجرعندنا ..
وعرفت ام محمد بالخبر السيء والكل عرف ...وعم الحزن بيت ابو محمد ...لكن اكثر واحد حزن هو محمد واللي حس انه ظلمها واااااايد ...عرفت مريم بالخبر واللي صدمها وخلاها تنام بالمستشفى اسبووووع كامل ...

اما في دبي كان ابو سيف يستعد لأستقباااااال سيف واللي غاب اربعة شهور وكان مشتاق له واااااايد ...اما حمد فكان تعبان من كثر مايفكر في سيف ...وكيف بيكلمه ...وكيف بيقنعه انه مظلوم وأن مهرة بعد مظلومه ...وقرر حمد أنه يزور بيت سيف ويسأل عن رقم سيف ..
وراح حمد لبيت سيف ودخل البيت وسلم على ابو سيف وقاله ممكن ياخالي تعطيني رقم سيف اريد اكلمه ضروري ...قاله ابو سيف ...أن سيف اليوم بعد الظهر بيوصل في المطار ...قاله حمد عيل انا اريد أستقبله إذا ماعندك مانع ...قاله ابو سيف ماعندي مانع وانتم أخوان ..
وراح حمد ينتظر سيف في المطار ...وأول ماشاف سيف راح ركض عسب ايسلم عليه لأنه كان حاس بشووووق كبير له ...لكن للأسف سيف أتجاهل وجود حمد ...ومر سيف جنب حمد بدون مايسلم عليه أو يكلمه ...قاله حمد ...

حمد : ماتوقعت ياسيف أنك بتسوي معاي هالحركه الماصخه وانا اللي صار لي فترة طويله مب شايفك ..

سيف : عفواً أخوي انت تكلمني ...
حمد : طز فيك تسمع وانا ماراح اترجاك اكثر من ماترجيتك خلاااااص تعبت انشاءالله عمرك ماصدقت ...وإذا تحب تعرف انا الأسبوه هذا ملكتي على بنت جيرانا ... ومالي علاقه في مهرة تسمع ...واللي من بينا انتهى ...واسمحلي انا اللي اقولك خلااااص لاتفكر ارجع صديقك حمد القبلي..
وراح حمد ...وتم سيف يفكر في كلام حمد اللي قاله ...قال معقوله حمد بيحب مهرة وبيتركهاااا لاااا ما اعتقد ليكون انا ظلمتهم وانا ما ادري ...وصل سيف للبيت وسلم على أهله اللي كانوا ميتين من الشوق عليه ...وجلس معاهم وهو تفكيره في كلام حمد وحس انه فعلاً مشتاق لمهرة قال يمكن اكون ظالمنهم...حس انه يريد ايشوف مهرة ..اتصل فيهاااا لكن تليفونها كان غير مستخدم ...قال اووووف رجعت وغيرت رقمهاااا...من حقها لأني وااااايد جرحتهاااا...الحين كيف باخذ رقمها ...وتذكر سيف ان رقم بنت خالة مهرة عنده موجود قال ماشي غير اتصل فيها واسألهاااا ...

كانت مريم جالسه في مزرعتهم ومعاهااا ولد اخوهااا وفجأه جاها رقم غريب وقالت خليني ارد عليه وردت مريم وياليتها ماردت كان المتصل سيف واللي من يوم سمعت صوته تذكرت مهرة وكم كانت تحبه وكم عانت عشانه ..والمسكين سيف ايقول الو الو الو ومحد يرد عليه وبعدين ردت عليه مريم ...

مريم : الو هلا ...منو
سيف : لج الحق ماتعرفيني صار لي فترة طويله مسافر برع البلاد ...انا سيف
مريم : هلا سيف ..
سيف : انا اتصل في مهرة وتليفونها مقطوع قلت باخذ الرقم من عندج ....

تمت مريوم تبكي وتبكي وسيف يسأل شو فيج شو مستوي ...وقالتله مهرة تركتلك الدنيا باللي فيها ياسيف ...قالها كيف اتركتلي الدنيا باللي فيها ...لا تقولين اتزوجت ..

مريم : ياليت انها اتزوجت ...
سيف : عيل شوه قوليلي لا تمين تخوفيني ...
مريم : مهرة توفت من عشرين يوم ...

انصدم سيف وسكر التليفون ...واتصل في حمد واتم ايصارخ ...ايقوله صدق مهرة توفت ..وانصدم حمد من الخبر الشييين ...قاله انا بروحي ماعرفت غير منك الحييين ...
وطافت الايام وسيف حزييين على مهرة وعرف لكن في وقت متأخر أنه ظلم مهرة وحمد
وحاول يرد علاقته بحمد لكن حمد ماطاع ...وتزوج حمد بنت جيرانهم ..واستقر .. اما سيف شال فكرة الزواج من راسه وحاول معاه ابوه لكنه رفض قالوا انسوا هالسالفه ...وخلص سيف دراسته ومسك شركات ابوه واللتهى في الشغل كان يكرس كل وقته للشغل عشان مايفكر في مهرة واعتبرها مسافره وراح ترجع بس متى الله اعلم ...وصار سيف انسان ملتزم يروح للمسجد ايصلي ويرجع للبيت والعصر لازم يروح لدورة تحفيظ القرآن ..

اما في بيت ابو محمد الحزن عام اركان البيت والكل يبكي على مهرة ...شمعة البيت ...وحلف محمد محد يغير اي شيء في غرفت اخته ...وبعد سنتين على وفاة مهرة ...قالتله ام محمد لازم انك تتزوج مريم هي الوحيده اللي احسها مثل مهرة ...بس مريم ماوافقت ورفضت تتزوج محمد بسبب اللي كان من بينهم ...والكل حاول مع مريم عشان اتوافق لكن مافيه فايده مريم اصرت على رفضها لمحمد ...وبعد شهر تقدم لمهرة ولد خال امها من العين واتزوجته ...اما محمد فظل على حاله ...وفي الاخير فكرت ام محمد انها تخطبله اخت فاطمة حرمت خاله ...ووافق محمد لأنه كان يريد حرمة تكون مع امه في البيت ...

[هـــ رعشه ـــدب]

وأنتظرونـــــــــــــــــي مع ...

قصــــــــــــــــــــــــــــــة


ريســـــــــــــــــــــــه

جرحـــــها ســــــالم وداواهــــــــــا خليفــــــــه

[‏وَتـے ـيــنْ]

مشكورة يا قلبي الحين ارتحت
تسلمين على القصة الروعة و ننتظر جديدش بفارغ الصبر بس لا تطولين علينا

[الاحرش]

لاهنت


على القصه

[هـــ رعشه ـــدب]

اشكر لك مرورك الكريم اخوي الأحرش

[الوفاء]

رعشة هدب

مشكووورة على هالقصه الحلوة و الحزينة بنفس الوقت

ياليت ماكانت النهاية بهالطريقة

تسلم يمينج

[الخيال الحر]

الله يقووووووووووووويك يارب وتسلم اناملك الذهبيه يارب