(دعوه للجميع)إسئل عن قصيده..وسنجلبها لك

[الــحـشـاشـــه]

مشكـور يا سـعود ..

اردهـا لك بالأفراح انشاالله

[نـاصـر]

السلام عليكم ورحمة الله وبركاته

فكره حلوه يا أنتحار وصدقت قوقل أحيانناً إخورها

طيب أنا ماني متعبكم معي أنشالله أنا عندي قصيده من كثر أعجابي فيها حفظتها عن ظهر قلب <<حلوه عن ظهر قلب

الزبده ماني متعبكم أبي أسم الشاعر بس

وهذي القصيده :

البارحه ياسعد جريت بالونه=نوم العرب يابن حجي عافته عيني
من واحدٍ خابرٍ ضني على ضنه=ياليتني كل ماونيت يوحيني
حسبي على العجز حدني وحدنه=إهاوشن الحبيب كامل الزيني
ودك تهرب بهن في لاهب الكنه=صميلهن جلد ضب وفيه شقيني
واليا أمرحن في شعيبٍ مايعرفنه=أودعهن أبليس وعيون الشياطيني

.
.
.
ياليت اللي يعرف أسم صاحب القصيده إبلغنا ومشكور مقدماً

[محمد بن سعود]

نـاصر

جـآري البحـث

يومين وأرجع لك الخبر

[سمو الأمير]

السلام علاااااااااااكم


أشكرك الأخ أنتحار على هالفكره الجد ممتازه


وأنا عندى بيتين من زمان أبغى أعرف صاحبها وإذا لها تكمله أو لاأ؟؟


البيت الأول


مادرى علامى صرت ماأحب غيره && كأنه موصينى أحبه لحاله

والبيت الثانى


كم هنوفن تمشى بتمهلالى && شالع قلبها بيدى وأومى به



وسلاامتكم

ياريت اى احد يعرف شى عن هالبيتين يفيدينى لان مافى شاعر ماسألته عنها


ولكم جزيل الشكر

[نـاصـر]

المشاركة الأصلية كتبت بواسطة محمد بن سعود

نـاصر

جـآري البحـث

يومين وأرجع لك الخبر

محمدبن سعود اشكرك على تفاعلك وياي وحتى لو ماتحصلها تفاعلك مع الموضوع كافي

الله يعطيك العافيه

[فزاع]

يالربع

شحالكم طيبين

ابي منكم قصيدتين لابن فطيس

الاوله قالها في مقابله قبل اخر حلقه

اللي من ظمنها

(فاجئتني بمفارقك ماتولمت)

والثانيه

تكملت فرخ العقاب يخاشره في حقوقه


في انتظاركم

اخيكم
رمان

[نادر 1414]

يـــا جماعـــة ولا تهونون ابـــــي قصيــــدة الشيـــخ راكـــان يوم جاء من الأســـــر

اللي يقـــول فيهــــا

تباشروبـــي عقب ثــامن ضحيـــة وأنا علـــي أبرك ليالي زمـــانــــي


ياليـــــت تكون صوتيـــــــة

[الــحـشـاشـــه]

تفضل ..!

يافاطري خبي طوارف طميه .. الى زمالك لو خشم الحصاني
خبي خبيب الذيب في جرهديه .. لاطالع الزيلان والليل داني
خبي طميه والرياض العذيه .. وتنحري برزان زين المباني
تنحري لطـام خشم السريه .. فرز الوغا لاجا نهار الوحاني
اصل اخو نوره لزومن عليه ..قبل الحبيب وقبل قاصي وداني
والى قضيت اللازم اللي عليه .. اللازم اللي ما قضاه الهداني
وتذكر المشحون ديران حيه .. مسُوا حبال اكوارها بالمثاني
الجدي خله فوق ورك المطيه .. بنحورها يبدي سهيل اليماني
نبغي ندور طفلتن عوسجيه .. ريحة نسمها كالزباد العماني
لي صاحبن ما نيتي عنه نيه .. واثره قضى له حاجتن ما تناني
تباشروبي عقب سابع ضحيه .. وانا على ابرك الليالي زماني
لومي على الطيب ولومه عليه.. وراه ياخذ عشقتي ما تناني
ليته صبر عامين والا ضحيه .. والا توقع صاحبي ويش جاني
اما قعد راكان ذيب السريه .. والا يجي يصهل صهيل الحصاني
حريبنا لا اهدى علينا هديه .. عندي مجازاته مثل ما جزاني
نسهج محله لين يخلف نويه .. يصبر كما يصبر مجدع الاذاني
من القطيف الى النفوذ محميه .. الا ان يمشيها خوي وعاني
افعالنا هذي علينا وصيه .. فرضن علينا مثل صوم رمضاني
لابد من جمع يزرفل كميه .. جموعنا تاطى الغبا والبياني
في ساعة كل يهمل خويه .. لاشاف ضرب مصقلات السناني
الصدق يظهر في حباله رديه .. والكذب يقطع من حباله متاني
روحي وانا راكان زبن الونيه .. ما يشرب العقبات كود الهداني

[عيد بن شدقان]

المشاركة الأصلية كتبت بواسطة رمان

يالربع

شحالكم طيبين

ابي منكم قصيدتين لابن فطيس

الاوله قالها في مقابله قبل اخر حلقه

اللي من ظمنها

(فاجئتني بمفارقك ماتولمت)

والثانيه

فرخ العقاب يخاشره في حقوقه


في انتظاركم

اخيكم
رمان

يامرحباا يارمان

طيبين طاب حظك
انت وشلونك



وهناا ما طلبت

ماجور ياللي من فراقك تعلمّت = ان الزمن يومين طيّب..وخيّب
فاجئتني بمفارقك ما تولمّت = كذا بدون اسباب عني تغيّب؟؟
مامت من فرقاك لكن تألمت= وراسي مشيّب لو ما راسي مشيّب
ولولا السحا من عاذلي ما تلعثمت = طاولته اللي في يدي من قريّب
اضحك واسولف وان لحقني سهر نمت = لكن قسم بالله ماني بطيّب
اكافح اهل الشمت بالسمت ..والصمت = ومن شوفتك صدفه قعدت اتهيّب
اخاف اشوفك واكسر الصمت ..والسمت = وادعيك تو الناس وانا مغيّب
جيشك علي ما فاز وانا استسلمّت = وذل المحبه ذل ما هو يعيّب
تدري من المخطي ولو ما تكلمت = ياللي لضني ضنتي ما تخيّب

وهذي الثانيه

راع القنص مسجون وفراجه سهيل=وشلون ما يبغون شوفـه يشوقـه
اللي يعـدون الصقـاره غرابيـل=ما ذاقوا اللي فالصحـاري نذوقـه
انقوم صبح ونرقد من اول الليـل=في دار عشب ٍ تلحق الماء عروقه
انقـوم للمـذن مقـام ٍ بتهلـيـل=يوم ٍ طوال الليل نرقـب شروقـه
برض ٍ بها لبرق الدواغر مداهيل=قد مرها الوسمي وشافت بروقـه
نسيمها كن فيه من نكهـة الهيـل=يكفـخ بخفـاق ٍ قبضـه معلوقـه
ما شيف فيها الا ثر الصيد والسيل=وخاطي ثر ٍ للـي يـدور لنوقـه
الصيد فيها لـه مـداس ومقاييـل=كنك لها من كـل ديـره تسوقـه
وندوج بأشقر صافي الظهر والذيل=مطروح قد ريشة ظهره محروقـه
له هيبة فالجـو قبـل المحابيـل=فرخ العقاب ايخاشره في حقوقـه
على عيونه له قحوف ٍ مضاليـل=اقحوف شيخ ٍ تاج الامجاد فوقـه
يطلع وطلعه لا طلع.. طلع دربيل=زود ٍ على طلعه وطبعه.. لحوقـه
لاقفت تغرف الجو وتجر وتميـل=راع الحمامه دونهـا مـا يعوقـه
اذكر عليه اللي له الحول والحيـل=الى اتقت من تحت ذيلـه اسبوقـه
اطياره ايخلـي المقافـي مقابيـل=ارماش عين اللي قذى العج موقـه
هاذي طراة العمر من دون تقليـل=بهواية اللي ذوقنـا غيـر ذوقـه
وهذا اللي يحبب هل الطير بسهيل=وخوة رجال ٍ الخوى مـا تبوقـه
موجز عن المقناص ماهو بتفصيل=وكل ٍ يمدح ربح سوقـه بسوقـه

[عسلوف بن قرصان]

سلام عليكم
بغيت اسالكم عن شاعر القصيده هذي
الي يقول لشاش راسي وبيض الشيب لشاش
ولا صار شكمانه على الخط نغمه