|
أصول في القيفان لا احتجت وأجول%%وأختار فيها خيرتي فالذبايح .. محمد بن فطيس
السلام عليكم
اعجبتني لابن فطيس واحببت ان انقلها لكم
آملاً ان تحوز على اعجابكم
مافي المثايل شرد لاجيت بقول=ولا أعدها الا في مراحي منايح
تجتال في عقلي مثل جولة الجول=وأدوج فيها جاي وأدوج رايح
أصول في القيفان لا احتجت وأجول=وأختار فيها خيرتي فالذبايح
وأحدد المقصود وأقول وأطول=واخير بيبان القصيد النصايح
لكن باب النصح ذالحين مقفول=دامه مارد اللي عن الدرب شايح
ياللي لك البارح مزامير وطبول=وناس تحسب ان القصيد المصايح
صاحي وتلبس للعرب ثوب مهبول=وبنيت لك شهره عمدها الفضايح
بنيتها تبغي ذراها على طول=وقامت عمدها فوق راسك تطايح
اذا تقابلنا فعاقل ومعقول=وان رحت جاني من طوارفك صايح
واللي تنيشن لك علينا وهي حول=وتغرّك بتصفيقها والمدايح
وتعطيك صفحات بالعرض والطول=وتضيع الساري بفَرّ اللوايح
لو الشعر منها مصفّا ومشخول=ماشيف صدر الحلم بالغيض فايح
اخطيت في حق النشاما قبل حول=وخلوك حشمه فالبلادين سايح
وعدت الخطا كنّك تحسب انهم خبول=ولا خفاهم في القصيد الروايح
لحقت بلسانك اهل عجن وخيول=اللي جميع خرفانهم لك سبايح
حصانهم ذيله من الريح منسول=وبيرق هله يكفخ ولا شيف طايح
وتلحق بيوتك عذر ماهوب مقبول=قد سدّ صبر اصبر هل الصبر بايح
وذلحين قد راسك مابين ألحي فحول=والبرق فوقك كل كم يوم لايح
كانك تبي دفن البحر فأنت مهبول=تطلع عليك السالفه بالجوايح
حتى ايش لو تاصل شهرة ابو الهول=وش خانة الشهره وهي بالفضايح
__________________
مانيب لا مغرم ولانيب مشعوف=وماهوب يرضي مطلعي مارضو به
اغلي بدون حدود ولا ارخصت ماروف=لاضاع صدقي فالقلوب الكذوبه
تقدر تقول اني معقد ومكشوف=عيبين وابن آدم يا مكثر عيوبه
|
العرض الشجري