مساء الخير .,
من آخر إنتاج الدكتور ., وذالمرّه بنوب عن عيد بن شدقان 
.
.
بعد قلبي نضج .. وأصبح دليلي بين ذيك وذيك=دهاليز النواعم لو تشوقه ما دخل فيها
يعرف أنواعهن وأطباعهن .. سم ّ وهلا لبيّك=ويا كثر العيون اللي يكحّـلها ويعميها
قضا من لعبة ٍ بالغش والتخطيط والتكتيك=تخمّ قلوب وتروّح بها .. وقلوب تخطيها
تعلّم والتجارب خلّته يبعد عن التشكيك=كسب له خبرة ٍ تآخذ من الدنيا وتعطيها
علاقات المصالح لو تحطّ الشيك فوق الشيك=تجيها ساعة ٍ لا بدّ ما تهدم مبانيها
ليا هبّ الهوى قام النحل بين العسل والكيك=يشيل من الحلاوه والمراره ما يحليّها
عساك بخير يا القلب المخضرم والله يهنيّك=قوانين المحبّه ما تغرّك وأنت راعيها
ألا يا حبّ يا اللي بان نورك .. ما سرا ساريك=رعاك الله من أوّل سيرة العاشق لتاليها
أعيشك وأتعايش معك وأحيا فيك لين أحييك=حفظتك عن ملاقيف العباد وعن بلاويها
عن أذنك يا حبيبي يوم أغنيّ وأتغزّل فيك=عسى دقّات قلبي كل ما غنيّت توحيها
أنا عندي مشاعر شاعر وترضيني وترضيك=لكنّ المشكله وشلون ألحنّها وأغنيّها ؟
ثلاث سنين مدري من كثر ما أغليك وين أغديك=ليا دسيّتك بعيني سرا قلبي يناجيها
أبيع المترفات اللي ترفهن ينشرا وأشريك=بنات الناس فدوة حضرتك عن بكرة أبيها
عليك القلب مقفول ولا يفتح غير مع طاريك=ليا جتني طيوفك قامت ضلوعي تحييها
أحبك .. والمحبّه هكذا وأهل المحبّه هيك=تعيش ولو يجور الوقت ما يخلف هقاويها
,
,
د.سدّاح
العرض الشجري