السلام عليكم ورحمة الله وبركاته
اقدم هذه المتواضعه عسى ان تصل إلى ذائقتكم
أسعار جمعياتنا يامناعير=ما خفضوها قبل عيد رمضاني
تولجونا عاشقين الدنانير=اللي تجارتهم بليا ضماني
تجار والتجار مثل الشواعير=ماتقنع إلا في جزيل المعاني
ماهمهم ياكود جمع الفواتير=والخافي أعظم والله المستعاني
نسمع وعودٍ تاليتها معاذير=تماطلو فيها قصار اليماني
والراتب اللي مايكفي عشى الطير=ماله شبيه إلا سهيل اليماني
الدين ياكل في زمان المخاسير=أما كليت الدين ولا كلاني
والمشكله في راس مال الهوامير=اللي تعز المرتشي والهداني
تلقى الفداويه جموع وطوابير=تحت الشعار المصطنع باللساني
وأنا مع ربعي على الشر والخير=صليب راس ومارضيت الهواني
وأعبر اللي في نفوس الجماهير=لأن المعزه مالها درب ثاني
ولا نويت آصير مثل المشاهير=شاعر وأعالج مشكله في زماني
وسلامتكم
07-10-2007, 08:47 PM
العرض الشجري