دوك الشويـخ... وخـل عنـك الجـواخيـر!!!!

[ناصر البرغش]

السلام عليكم ورحمة الله وبركاته


متواضعه اتمنى ان ترتقي لذائقتكم

يا راسي اللي مشغلته التفاكير=من واقع ظروف الحياة ونكدها
ماني بفكر في غرام الغنادير=ولاني بفكر بالقروش وعددها
شاعر وفكري غير كل الشواعير=وإلكل شاعر فكرةٍ يعتمدها
شاعر واجي مثل المزون المزابير=مزنن تسابق برقها مع رعدها
وان طحت ادك طويق وابان والنير=ثلاثة جبالن مطاحي حصدها
للقاف ميقافٍ يهز الطوابير=دام القصيده عزها من قصدها
قصيدتي لا جاني الهاجس إمغير=واجنود بقعا في ضميري حشدها
قدمتها لا ثار عج المعاصير=بمزينٍ يستر ملامح جسدها
وان فرعت سقت الجزل دون تأخير=حتى تنومس بالجزاله وحدها
إحروفها مثل السيوف البواتير =وابياتها سقم الحريب وسندها
عاهدتها ما اترك من القاف تعبير= يا لين يكشف جمرها عن بردها
ولا انت ياللي بالهلاكوبتر اتطير=جتك الحرار اللي عطيبٍ هددها
وين انت رايح يا حبيب الجماهير!!=فاتورة التسديد هذا وعدها
ماهيب فاتوره ...لا والله فواتير=ارقامها عندي ....مع مستندها
بجيب صبوره وهات الطباشير=برسم لك اديارٍ لزوم اتهجدها
وش له تجنب عن دروب الهوامير=وإمخالفات الساحل آمر وادهى
دوك الشويخ وخل عنك الجواخير=ترا الحقايق من بغاها وجدها
ماباقي الا فوق مدفع وجنزير=تظهر علينا فرقتك من حسدها
دمرت مدهال المشاكيل تدمير=زلت المجالس والمساجد بعدها
وتراثنا يا اهل الوجيه المسافير=مثل البيوت الشامخات وعمدها
ما يدري إنه غاليٍ يالمناعير=واغلا من العزه على من فقدها
الليله الليله للاحلام تفسير=دام الحبال إيحلها من عقدها
حلمت في قومن سوات المناشير=قومن ترز أصنامها وتعبدها
قومن على الزله تسوق التباشير=زلة عريبين السلايل سعدها
نقالة النمه ونفاخة الكير=اهل العيون اللي تزايد رمدها
حطوا لهم عبر الاذاعه فوازير=إذاعةٍ ما نومست من شهدها
والحق غير ومنهج أم الحطب غير=وام الحطب ما قومها إلا مسدها
في جيدها حبلٍ يدل النواظير=لو ما نوّسمها...نوّسم ولدها
دون الحقايق ما تفيد المعاذير=بعدها لو كان غيري جحدها
الكذب ماله عند الاجواد تقدير=من عد لي كذبه لزوم انتقدها
بدحر هل الشر وبناصر هل الخير=وان كان ما صبحتها باهجدها
من خلقتي وانا براسي صعاطير=الراس يقدح والمعالي صعدها
وإليا إتقى منهو يحسب المخاسير=ناصر صواديف الليالي وردها
وان كان غيره مشغلته التفاكير=لازم يحضر فكرةٍ يعتمدها

وسلامتكم