[قضية الإسبوع و الطـــلاق المبكـــر.. }~

[طبــ ع ــي كــذآ.. }~]

المشاركة الأصلية كتبت بواسطة شعاع

السلام عليكم ورحمة الله وبركاته


اسباب الطلاق جاءت لاستهانتنا بالزواج


الزواج الان اصبح عملية تلقيح لا أكثر


المرأة اكتفت براتبها عن حاجتها للرجل


لم يعد للمشاعر وجود

تنجب فقط هذا اهدفها من الزواج

ثم بعد ذلك


تتراكم المشاكل لكثرة انشغال كل منهم بامور حياته


استهانة كل منهم باهمية الاخر


حدوث الطلاق بكل سهوله ويسر وعدم اهتمام لعواقبه












المشكله الكبيره او بالاحرى الطامه الكبرى ياطبعي كذا واشوفها في مجال عملي



الاطفال


يعانون وبشكل كبير من هذا الانفصال


اتمنى تناقشي موضوعهم


مؤلم فعلا ليتش تشوفين اللي اشوفه فعلا تتألمين لجيل مستقبل منهار نفسيا





تحياتي ولاهنتي


درر يا دره

وعليكم السلام ورحمة الله وبركاته



مرحبا ومسهلا بالإخت شعاع



صدقتي لو لم يكن احد الطرفين مستهين لما وصلنا الى ابغض الحلال



مايحتاج طال عمرش


ليه اشوف اكتفي بنفسي

الإنهيار النفسي سبقتهم عليه من 16 سنه

بس الحمدلله على كل حال عايشين


قضية الطلاق تشمل طرح العواقب والحلول

واحد عواقبها تشتت الأطفال بين الأبوين

واذا كان عدش اي اظافه لاتبخلين علينا فيها


ولاهنتي على كل حال وشاكره لش مرورش


تحياتي يالغاليه

[طبــ ع ــي كــذآ.. }~]

يسعد لي آوقاتكم يارب


بما انا تحدثنا عن مسببات الطلاق وقد تعددت الأسباب والموت واحد

وعواقب الطلاق قصص وحالات قد يدمع لها القلب قبل العين

برأيكم ماهي الحلول المناسبه لـتلافي الوصول اليه؟




بإنتظاركم

[بدر الساخر]

عندي اقتراح بس اخاف يطلع زي وجهي


المكاشفة التامة والمعشارة اليومية تخلق المشاكل وتفش (الخلق) من بعض !

ليش ما يصير الازواج يتقابلون زي الاصدقاء

شبيه بالمسيار لكن اكثر رسميه ومسؤولية

مثلا :

ينامون في غرفتين منفصلة

اكثر لقاهم وسوالفهم بالويك اند

لحد منهم يطلب الثاني شي ويحاول كل منهم توفير متطلبات الآخر بنفسه وعلى (رواقه)

لحد منهم يزور الثاني في بيت هله ويقطعون حبل الوصل بين اهاليهم

ثقة عمياء وعدم الاتكالية


خوش زواج



معليش هذي اراء واحد فاضي مع ان اخر نصيحة تلقيتها اهي عدم الادلاء بآرائي في اوقات (الفضاوه)

بس كانت من واحد يكرهني في وقتها


عندي حل بالنسبة للرجل ..

يطق الواحد (اربع) بنفس الوقت

عاد الحريم (يغارون) من بعض بدون سبب .. تخيل يكون فيه سبب ويكون (انت) !

يا شيخ تشوف الوحده منهم همها وشغلها الشاغل كيف ترضيك وتكسبك .. وكل وحده تنتظر دورها على احر من الجمر !

وش رأيكم


شكرا اخت (طبعي كذا)

[طبــ ع ــي كــذآ.. }~]

المشاركة الأصلية كتبت بواسطة مضروب على عينه

عندي اقتراح بس اخاف يطلع زي وجهي


المكاشفة التامة والمعشارة اليومية تخلق المشاكل وتفش (الخلق) من بعض !

ليش ما يصير الازواج يتقابلون زي الاصدقاء

شبيه بالمسيار لكن اكثر رسميه ومسؤولية

مثلا :

ينامون في غرفتين منفصلة

اكثر لقاهم وسوالفهم بالويك اند

لحد منهم يطلب الثاني شي ويحاول كل منهم توفير متطلبات الآخر بنفسه وعلى (رواقه)

لحد منهم يزور الثاني في بيت هله ويقطعون حبل الوصل بين اهاليهم

ثقة عمياء وعدم الاتكالية


خوش زواج



معليش هذي اراء واحد فاضي مع ان اخر نصيحة تلقيتها اهي عدم الادلاء بآرائي في اوقات (الفضاوه)

بس كانت من واحد يكرهني في وقتها


عندي حل بالنسبة للرجل ..

يطق الواحد (اربع) بنفس الوقت

عاد الحريم (يغارون) من بعض بدون سبب .. تخيل يكون فيه سبب ويكون (انت) !

يا شيخ تشوف الوحده منهم همها وشغلها الشاغل كيف ترضيك وتكسبك .. وكل وحده تنتظر دورها على احر من الجمر !

وش رأيكم


شكرا اخت (طبعي كذا)

^
^



اجل ليه سموه زواج


هذي صداقه بالحلال


هههههههههههههه



خوش حل على كذا راح نقضي على العنوسه خير شر


لا يبا الرجال خله يتحمل مسؤولية وحده عشان يتكفل بأربع

الا إذا جيبه وسيع ويقرقش وقادر يعدل بينهم هذا شي ثاني


انا مع تعدد الزوجات لكن اذا كان في سبب يخلي الرجال يتزوج مره ثانيه



العفووو يامضروب


اسعدني مرورك من جديد


وبإنتظارك مره اخرى



تحياتي

[شعاع]

السلام عليكم ورحمة الله وبركاته





مضروب على عينه



والله خشت مزاجي الفكره


حلوه عجبتني



ليتها تصير ماعندي مانع



وبالنسبه للزواج الثاني مشكله اذا احب زوجي ماراح اتقبلها لكن اذا عادي جيزه جيز العرب والناس بصره يمكن بقول مايشوف شر على الاقل تفكني منه






سوري ياطبعي على المداخله بس والله عجبتني فكرة الاصدقاء الازواج





تحياتي

[طبــ ع ــي كــذآ.. }~]

^

^


حياش الله يالغاليه



الموضوع محطوط عشان تشاركونا بنقاشاتكم افا عليش حياش الله بأي وقت



بإلإنتظار


تحياتي

[فيافي]

السلام عليكم اختي الغــالية ..

الطــلاق للأسف منتشر عندنا بصوره غير طبيعيه وصار اكثر من الزواج نفسه ، ونقدر نقول انه حل في بعض الحالات لكن ليس بالحل الأمثل ..
بس اللي مايقدر انسان يستوعبه هو انتشار الطلاق قبل العرس حتى وهو بعد الملكه والأسباب كثيره والقهر لما يكون الأهل هم السبب ، ومن مده قصيره سمعت عن وحده تطلقت والسبب امها !!
وهذا لانها راحت مع زوج بنتها لمكان بنيان بيته هو واخوه عشان
يوريها البيت ظناً منه انها بتكون خير عمه له وبتفرح لهم ، للأسف أنصدم بقولتها : طلق بنتي !!! عشان بيته اصغر شوي من بيت اخوه الكبير وقالت تبادل انت وياه ولما رفض اطلبت هالطلب ..
بصراحه عجبتني ردة فعله سيــــده وبدون تردد وافق وسلمها ورقتها ثاني يوم ، لكن تبقى سالفه تضيق الصدر وش ذنب البنت تطلق ، المفروض انها حمدت ربها لقت زوج صالح لبنتها وفاتح لها قلبه قبل بيته ..

بصراحه انا مستغربه من اللي تتشرط على زوج بنتها وين راح الحيـــا !!
وهذا وغير اسباب الطلاق الثانيه اللي بعضها ماينذكر من سخف السبب

الله يهدي جميع المسلمين وتقل هالظاهره اللي تسببت بضياع الأبناء بينهم ..

والله يعطيش العافيه على طرح هالمواضيع الحساسه واللي غااااايه بالأهميه ..

تقبلي مروري

[الوفاء]

بعد ذكر الأسباب المؤدية لـ تفاقم مشكلة الطلاق

من وجهة نظري أيسر الحلول .. زيادة التوعية قبل الزواج

بـ أهميته و المحافظة عليه ..

وتعليم كل الطرفين ما له وما عليه من حقوق و واجبات اتجاه الطرف الآخر واتجاه من حولهم .

\
/
\
/

لا يُقدم على الزواج الا من كانـ/ت .. على وعي كامل بـ نتائجه

وهل هذا يحصل الآن في مجتمعاتنا ؟؟

بالتأكيد لأ ..

لذلك يقع العتب الأكبر على الأهل .. فـ الإختيار منذ البداية يجب ان يكون مناسب .

و ان حصل .. وكان اختيار خاطئ ..

فـ على أحد الطرفين أن يحاول ـإحتواء الآخر و الصبر عليه بـ قدر طاقته

و بـ قدر سلبيات الطرف الآخر .

\
/
\

طبعي كذا


شكرا ً ً لـــــك غاليتي لــإتاحة الفرصة لي

[بدر الساخر]

المشاركة الأصلية كتبت بواسطة طبــ ع ــي كــذآ.. }~

^
^



اجل ليه سموه زواج


هذي صداقه بالحلال


هههههههههههههه



خوش حل على كذا راح نقضي على العنوسه خير شر


لا يبا الرجال خله يتحمل مسؤولية وحده عشان يتكفل بأربع

الا إذا جيبه وسيع ويقرقش وقادر يعدل بينهم هذا شي ثاني


انا مع تعدد الزوجات لكن اذا كان في سبب يخلي الرجال يتزوج مره ثانيه



العفووو يامضروب


اسعدني مرورك من جديد


وبإنتظارك مره اخرى



تحياتي

الله يلعن الجيب الوسيع .. مهو عقدتي في هالحياة

الزواج المتعدد انا ذكرته كحل لمشكلة الطلاق بالنسبة (للرجل)

لانه هنا يستغل شيء اساسي في طبع المرأة الي اهو (الغيرة)
فتتغاضى عن عيوبه ولا تشوفها عشان (تكسبه) ولا تفوز به (المنافسات) الباقين

اما بالنسبة للمرأة فالزواج المتعدد يعتبر ( محنة وسط محنة)

محنة الغيرة وسط محنة الدنيا ! .. والله يعينها


ترى تعدد الزوجات حق مشروع ولكن معطل بنفس الوقت .. لأنه مشروط بشئ لن يتحقق ( وَلَنْ تَسْتَطِيعُوا أَنْ تَعْدِلُوا بَيْن النِّسَاء وَلَوْ حَرَصْتُمْ )

مثله كمثل (العبودية) في الاسلام وما ملكت اليمين ..
ايضا حق معطل.. كجعله (كفارة) للذنوب للقضاء على هذه الظاهرة ... !


شكرا لك واعتبريني ظيف ثقيل دائم على كل قضاياك المستقبلية


...

[شخص عادي]

طبعي كذا

يعني اللي عنده فلوس واجد

مسموح لة يتزوج اربع

زين والفقارى اللي مثلنا مالهم جق يزوجون اكثر من وحده

الصراحه هذا مو حل لمشكله الطلاق او الزواج

يعني الاغنياء مصيطيرين في كل شي

حتى اذا طلق الواحد زوجته راح يتزوجها واحد عنده فلوس
حتى لونه متزوج ثلاث


وين راح الود والحب والمشاعر والتضحيات

الحين الزواج للماده بس

اللي عنده فلوس محظوظ في هذا الوقت

دام مافية تفكير غير وين يشتغل وكم معاشة وش سيارته
وين ساكن وعنده بيت ولا عمارة


يمكن حتى دينه وهو يصلي ولا لا ,,محد ينشد عنها
هم شي كم رصيده ولا وظيفته



مضروب على عينه

حلولك للمشكله زادتها مشكلة


شعاع
عقدتينا من الزواج


الوفاء
كلام منطقي وواعي وحلول طيبة
والاهل لهم الدور الاكبر في نجاح زواج ولدهم او بنتهم بأختيار العريس او العروس
والسؤال عن خلقة واخلاقة ودينه
واختيار المنبت الطيب





ولي عودة ان شاء الله على شان اقول رايي
بس خلوني افكر اشوي عقدني الأخ :مضروب في راية وقاعد افكر في كلامة
يعني اذا ابي عشاء ادز لمرتي رساله على الايميل واقول لها سوي لي عشاء وحطية في الديوانية على شان اتفادى الاحتكاك والتصادم معها
ماسارت زوجة هذي ملاكمة
زين وان كانها ماقرت رسالتي اروح اتهاوش معها
ولا ادز لها تنبية على الايميل
طيب واذا قالت لي انها مشغولة قاعد تنزل موضوع في المنتدى
ولا قاعد تراسل خويتها ومو فاضية
اتهاوش معها ولا اروح اطلب من المطعم