! .. [[ سـجّـل دخـولـك لـ المنتدى بـ بيت شعـري ]] .. ! ( 5 )

[الـعـابـر]

جيتك أدور من ضما روحي وسط عينك غدير
............ جيتك وانا كلي فرح والحزن سايق موكبه !


ماجيت أدور حب عابر أو أدور شي مثير !
............ ولا جيت أدور دور في فلم المحبه ألعبــه ،

[●• Ŝђǿǿq •●]

إن كان ماتعرف علوم الذرابه
............. ودرب السنع دايم تخمه وتخطيه


والطرق قدمك صار فيها تشابه
............ أسلك طريق الصمت وإفهم معانيه

[العيطموس]

لا يا بعد .. من يحسبون المحبّه
"شعور عآبر" مابنيته على سآس

لا و الله الا ... حآجةٍةة مستتبه
بين العروق اللي من البعد يبّآس

[الـعـابـر]

ماسترت الجرح خوف من الملامه
................. كان هو راضي وبالصدر متخبّي



كل ماجيت أنثره قال الكرامه
............... بالصدور أدفى من الشكوى وربّي

[●• Ŝђǿǿq •●]

بـ المكان أجلس مقابل خيـبـتي
............... وصوتك النساي والكرسي وأنا


ما علي في كذبهم حبـيبتي
................. والله إحساسي يقول إنك هنا

[مُغـتآل]

مشتاق لك صدق وبراسي لشوفك ضرم
أنا بحاجة كرم لقياك . . عقب البطآا !

وأنا على كثر عرفي بـ ( العطا والكرم )
مايستريح الكريم . . إلا ليا منه عطاا

[●• Ŝђǿǿq •●]

لو تنام الشمس في بكرة صحت
............. ولو يموت الزهر يحيا بالربيع


الأمل طيفٍ به الناس افرحت
................ دون لونه رسم دنيانا مُريع

[سحر الغروب]

قلت احبك - ما رجعت ب كلمتي
وكنت احبك غصب عني وبرضاي

منت خاين .. بس احط ب ذمتي
اني أغليتك/ ولا ادري/ وش بلاي

[●• Ŝђǿǿq •●]

فيني حنين ودمعه وضيقه وجرح
............ لأيام قبل أمسك طموحي وأضيعه


مشتاق أسمع كلمة أمي على الصبح
................ ودعتك اللي مايضيع ودايعه

[قوت القلوب]

من هو حبيبك غايتي بس أهنيه
.........على حسن حظه عشانك حبيبه