طباشير..!

[فهيد بن سالم]

.


لله درّك يا ( قلبي ) كيف متماسك ؟
..............على كثر ما يجيك , وما يجي منّك ؟

كمّ إجرحك وإستلذّ بجرحك إحساسك
..............إلين حنّت عيون .. وجيت بـ ( أحنّك )

بلّغ سلامي عليك وحبّ لي :- راسك
..............وإزهل جروحٍ بقت بـ( أشيلها عنّك ) !





.

[فهيد بن سالم]

.


من أول ( تغيب ) بس أحس بوجودك
.........واليوم حاضـر , وكأنك غايبٍ عنّي .!






.

[فهيد بن سالم]

يا سيد ( الشوق ) لا تنشد عن أحوالي
...............تعرف علومي من اولها ليّا ( آخرها ) !

آجر صوتي , واكرر وقفة .. ( اطلالي )
...............وماهو على كيف كيفي يوم ( أكررها )

لوحت بـ يديني الثنتين لـ ( آمالي ) .!
...............طارت وانا ما عرفت اللي .. ( مطيرها )

اضيق من عالمي و أصك ( جوالي ) !
...............( والبسمه ) ازريت اجاملها , وامررها !




.

[فهيد بن سالم]

.



عَيطموس ( الغيّد ) وأحلاهن مزايا
..........ترتكي من وين ما شلّيت ( قافي )

سيّدة تلك .. ( الممرّات العرايا ) .؟
..........كنّ نور الشمس لا من جات طافي

معجزة من معجزات ( الله وآية ) .!
..........شوفها بفراشها لا صار .. ( دافي )

( القمر والليل ) , ونجوم وزوايا .؟
..........صاحت وقالت لها ( نوم العوافي ) !




.

[فهيد بن سالم]

.


حاولت أراوغ بـ الهوى , وأقصر الشر !
...............لكن حسافه صادني ( رمش عينك )

عينك هدبها لـ العنا .. ( جرني جر )
...............واصبحت انا من ( قائمة عاشقينك )

يا بو نواعس كل من شافها .. ( طر
...............جيبه ) .. وقام يلوم فـي ( والدينك )

جابوك فتنه للملا وانت ( مغتر ) !
...............ما غير رافع لـ الملا , ( حاجبينك ) !



.

[فهيد بن سالم]

ما ملَت عينش تفاصيل ( الوداع ) ؟
............ومن رحلتي ما ملَت عيني مره .!

كم كتبت عيونش السود الوساع .!
............وإنتهت بي من قصيد .. لـ ( ثرثره )

لـ الهجر كلمه .. على , درب الضياع
............والقصايد ( غصن ) مافيه ( ثمره ) !



.

[فهيد بن سالم]

( طلبتني ) طلبه ! .. وجاوبتك بـ رفـض !
...............وأنت إعتبرت الرفض لك صدمة إحساس

تدري وش الصدمه على الحسّ والنبض ؟
...............إني دريت إنك .. مثل ( باقـي الناس ) !



.

[فهيد بن سالم]

عقب ( البطا ) جيت تنشدني عن اخباري ؟
...............للحين اراقب جروحي , هي متى تشفى ؟

مدري متى ( برقدك ) يـ اليلي .. السـاري ؟
...............و مدري متى ( طفلنا ) المشتاق لك يغفى

لا ( جنّح الليل ) جاني , هاجس اشعاري !
...............وشبيت لك هـ الورق يا ليتنا : ( ندفى ) !

عقب ( البطا ) جيت ياغايب وش الطاري ؟
...............هذي :- دياري حطام , ولا بها ( مرفى ) !

اسف على كل هـ ( الفوضى ) مع غباري !
...............انسان حطّم صروح ( احلامنا , واقفى ) !



.

[فهيد بن سالم]

احب ( جرحك ) كثر ما غليك , وأعزّه !
..............وأشتاق اغازل زعلك بـ رقة , الحاني !

غِصن الوله ، لا نويت ( تغيب ) وتهزّه ؟
..............هزّه ولكن حذاري ( تكسر اغصاني ) !



.

[فهيد بن سالم]

لو ما أنت غالي , وحبك عامر بـ ( قلبي ) ؟
..................ما كان صدري يضيق أن غبت عن عيني

ما أنته بـ ( مجبر ) , ولا ملزم على حبي !
..................لكن علشاني ( آحبك ) .. لا تخليني .!



.