°·¸.•°× مــشــاعـــري ×°·¸.•°

[موكب]

×
×

حزين ،،، ووجهي من عنا الوقت شاحب=وأشيل ،، ومتوني من الحمـل كلّـت
ماعاد باقي لي من النـاس ،،، صاحـب=حتى حياتـي ،،، عـن حياتـي تخلـٌت

×
×

[موكب]

،
،
،




ياقلبي تصبّر ،،، مالنا فالقـدر طاقـه
ولا تفكر إلا بيومك ،،، وخل مابعـده



ولا تقول مثل إللي إذا شانت أخلاقه
[ تجيني المصايب كلها مرة ً وحده ]




،
،
،

[موكب]

:؛:
:؛:
:؛:



مـن يحسٌـب حسـاب خـوف الأرتـفـاع !!
لا يـعـٌديـهــا عــلـــى راس الـطــويــل



ومن يشوف الموت في عيون الشجاع !!
ذاق طـعــم الـعٌــز ،،، لــــو إنـــٌـه ذلــيــل




:؛:
:؛:
:؛:

[موكب]

،

What do you do when the only person who can make you stop crying is the person who made you cry


ماذا ستفعل حينما يكون الشخص الوحيد القادر على مسح دموعك ،، هو من جعلك تبكي ؟؟


(( مثل إنجليزي ))

،

[موكب]

÷
÷
÷

الهدايا ،،،، مشكلتها عايشه دور الهدايـا=وفالحقيقه ،،،، ماهي إلا طعنتينً من غيابه !!

÷
÷
÷

[موكب]

.
.
.



الولع شين .. ياراع الولع لا تكود
روحك اللّي تقود المٌجد ويقودها



ماتخيّرت .. حٌب الخيل .. ورث الجدود
حيّ ورثٍ .. يرد النفس لجدودهـا



ماتقل قلبك العليا عليها ورود
وماتقل عقبك البيضى على حدودها



قالوا إنك عشقت الخيل .. والخيل خود
عشقها يستبيح الروح ويكودهـا



مهرتك في تعجرفها تحدى الحسود
لو له ألفين عين ٍ ماحوى زودهـا



لو يفرّق حـــلاها للغواني يزود
يرهي الما .. على كل الدلي جودهـا



فلوة الشمس ترفه .. وين عنها الصدود ؟؟
حي ماها ومجناها .. ومولودهــا



سرجٌها الريح ويديها سراديب نود
ونار قرمٍ معارفها من وقودهـا



وخصرها للغواني مثل خصر العنود
وجيدها جيد جادل .. ليّن عودهـا



سندريلا العوادي .. مالها بالوجود
كفو .. إلا أنت سيدها ومحسودهـا



كنها من غلاها بالمحاني ترود
تصطفق ضلوعٍ .. تبرق رعودهـا



كن عينك لها سِيدَه .. ورموشك حشود
لا إنثنت ،،، شفت قلبك زمٌ بعضودهـا



منوة إللّي يبي طرد السهل والنفود
فارس ٍ تحتميه الناس ويذودهـــا



ركضها .. واذكر الله .. ركض ( ريم ٍ ) شرود
مخطر ٍ من حوافرها .. على خدودهــا



كنها تدري إنك في هواها ورود
فلوةٍ تقل طفله .. حلو جحودهــا

.
.
.

[موكب]

/
/
/



ماعاد تلقى فالزمن قلب صادق
القلب واحد ،،، والولايف ثلاثين



صارت قلوب الناس مثل الفنادق
تودع ألفين ٍ ،،، وتسٌتقبل ألفين



/
/
/

[الـ ـشـ ـقـ ـا ويـ ـه]

موكب






مشاعر اكثر من رائعه




يسلم لنا ابداعك واحساسك




سجلني من المتابعين



تحياتي لك

[موكب]

أختي الغاليه // الـ ـشـ ـقـ ـا ويـ ـه //


الله يسلمك من كل شر


ويشرفني كل الشرف مرورك الذي عطُر المكان


اشكرك جزيل الشكر على تعقيبك الذي اضعه وسام على صدري


دمتي بـــــود

[موكب]

؛
؛
؛



إعتليٌت إللي تخطف الريـح يٌدهـا
شوق من راسه ،، على الناموس ( نـاوي )



( مهرة ٍ ) ،،، للبيرق مـروٌض جسدهـا
ماتـروغ مـن المٌلـز ،،، ولا تـلاوي



شامخه ،،، بين الرمٌك كنها وحدها
راسها ،،، قبل المدى للفوز طاوي



فإن عطت قبٌ المهار أقصى جهٌدهـا
وإعتلى من فوقها صوت (( العـزاوي ))



وإن أخلي القوم من ماقف ولدها
تحذف الغتره ،،، مع البشت الحساوي


؛
؛
؛