ّّ كنـــكـ تحــاأول تعــودنــي علـى // الـفــرقأأ..؟

[مبارك مقيت]

يــارازق الـلـي ينتـظـر شـوفــة الـطـيـر
وعيـنـه عـلـى الاحــرار دايــم شـفـوقـه
الخيـر عنـدك وانـت ماتـذخـر الخـيـر
والعبـد يسعـى وانــت تعـطـي حقـوقـه
وجـدي علـى اللـي يمنتنـوه الصقاقيـر
مـافـيــه طــيــر بـالـوصـايـف يـفــوقــه
ابـيـض ولــه عـنـد الصقاقـيـر تقـديـر
هــو مـنـوة الصـقـار عـشـقـه وشـوقــه
صـــارم وجـــارح بالـلـقـا كــنــه الــزيــر
لــه هـدتــن عـنــد الـرجــال امعـشـوقـه
مـخـالـبـه صـلـبــه ســـــواة الـمـسـامـيـر
طــيـــر الـحــبــاري مـايـعـيــزه لـحــوقــه
لــو انـهـا عــن مـوتـهـا ودهـــا اطـيــر
يجـيـبـهـا الــجــارح ولــوهـــي سـبــوقــه
فـعـلـه وزيـنــه زاد قـــدره عـــن الـغـيــر
غـلاه فـي قلـبـي سـكـن فــي عـروقـه
حـنــا عـلــى شـانــه مـشـيـنـا مــداويــر
والـعــيــن لاجــلـــه نـومــهــا مـاتــذوقــه
جبنا الزريق امع الشبك دون تقصير
وجـبـنـا لــــه الـبـرقــع وجـبـنــا سـبـوقــه
مـاودنــا الا شـوفـتـه حــــزة اعـصـيــر
ويـسـوقــه الله فــــي شـبـكـنـا يـســوقــه
واحـنــا لـنــا بالـصـيـد خـبــره وتفـكـيـر
نحـرص علـيـه ولا يـجـي فـيـه عـوقـه
والريـش نحـرص مايجـي فيـه تكسيـر
خـوفــن عـلـيـه ايـقــل سـعــره بـسـوقـه
وفـيـه انتبـاشـر بـعـد كــل المخـاسـيـر
بشـرى السحـاب الـلـي تـلامـع بـروقـه
عـبــرت مـــا بالـقـلـب يـانــاس تعـبـيـر
يـازيـن شــوف الـوكـر والطـيـر فـوقـه

[مبارك مقيت]

الـصـبــح تـلـقــى لـلـحـبـاري مـمـاشــي
ومـقـيـضــاتٍ مـاثـعـوهــن صـقـاقــيــر
وطـلـعـت قـرنــاس بــصــدره نـقـاشــى
ومــجــربٍ مــاهــو بــراعـــى تـنـاكـيــر
لا شـاف طلعـه زان وجـهـه وهـاشـي
ثـم انطلـق والكـف يرخـي لــه السـيـر
وسقنا خلافه مـع حـروف الدشاشـى
متجنـبـيـن الـــروض هـــو والعثـامـيـر
سـواقـنـا مـاهــو خــطــات الـجـغـاشـي
مـتـعـلـمٍ لـلـطــرد فــــي ديــــره الـطـيــر
حـول مــن اللـجـه تـقـل وبــل نـاشـي
وصـاد المخيـش واكتنفـنـا المخامـيـر
وثـــارن عـلـيـهـم بـالـمـكـن والـنـواشــي
ما طار طاح ونومسن راعي الطيـر
ويازين عقب العصر وقت المعاشي
وتـعـلـيـمـنــا لـوحــوشــنــا بـالـمـواكــيــر
هــب الـبـراد وصــار فـيـهـا رشـاشــي
ثـــــم انـحـرفــنــا لـــلـــدلال الـمـبـاهـيــر
فــي وســط صـيـوان مـلـي بالفـراشـي
فــيــه الـنـشـامـا والـوجـيــه الـمـسـافـيـر
رفـقــه خـــلا مـاهــي بـخــوة مـعـاشـي
وبـيـن اخويـانـا مــا تـهــم المخـاسـيـر

[مبارك مقيت]

يــا زيـــن جمعـتـنـا عـلــى شـبــة الـنــار
نـــــــارٍ ســنــاهـــا لـــــــدلال الـمـبـاهــيــر
امـكــرمــات وسـطــهــن بـــــن وبـــهـــار
وسـوالــفٍ تــطــرب ســمــوع المـنـاعـيـر
نـاخــذ لـنــا فـالـوقـت سـجــة ومــشــوار
بـيـن الـفـيـاض الـلــي زهـتـهـا الـنـواويـر
أرضٍ خــلا مــا داجـهـا كــل دوارغـيـر
الــحــبــاري واشـــقـــح الـــريـــم مـــاذيــــر
تلـقـى جرايـرهـن مـــع الـــروض عـبــار
زرق الغـلـب بــرق الظـهـور المخامـيـر
هــي مـنـوة الــي بالصـقـارة لـهــم كـــار
تشـفـق ضمـايـرهـم عـلــى تـلــة الـسـيـر
لا حـولــوا فـــي فـيـضـة كـنـهـا الـطــار
وتكـافـخـن بـيــض الــدواغــر مـيـاسـيـر
ردوا عـــلـــى كــــــن وجـــــــه لـــيــــا دار
وجه الغضيب اللي على علم وصغير
لـيـا انطـلـق مــا كـنـه الـــى يـبــي ثـــار
يسـوق فــي ســوق الخصـيـم التباشـيـر
أفـحـج سـراويـلـه عـلــى الـكــف نـشــار
عينـه كمـا وصــف الشمـالـي سناكـيـر
يهـوي عليهـن مثـل قـصـاف الاعـمـار
دابــــان مــــا عــنــده مــــراود وتـأخــيــر
إلــى انـطـلـق مـــا كـنــه ألا يـبــي ثـــار
يسـوق فـي شـوف الخصـيـم التباشـيـر
شقـر الحـرار اللـي لهـا أفعـال واذكــار
مــن ســـاس فـــارس وافـيــاتٍ مغـاتـيـر

[مبارك مقيت]

يالبازعي طيري طلع مثل راعيه =زولٍ وفعـلٍ والمـواري تشابـه
بالطلع موقف ما لقي من يماريه =عساه يسلم سيدي يـوم جابـه
له ماكرٍ في بر فـارس محاريـه =كني اشوفه يوم خاطـوا قطابـه
صفاة وجهه مع شدوده توديـه =ضمن الحرار ولا وراها طلابـه
النادر اللي يوم عزمـت اسميـه =سميته السامر واشوفـه زهابـه
ليـا قفيتـه شفـت دقٍ محنيـه =وليا نطحته من عيونـه تهابـه
كن الثريا في قواطـي مواميـه =ابيض نحر كنه يشع الضوا بـه
هجرٍ قصيرالساق جبره ثناديـه =وله عاتقٍ يعطي شموخ ومهابـه
ليا مسح وجهه ونهض مواطيـه =يطري علي اللي عزيـزٍ جنابـه
به من طبوعه مشبع اللي حواليه =وماخذ من طبوعه ليان بصلابـه
وجهه ليامن صاد يشبه محاليـه =لا بشر بضيفٍ وردد هـلا بـه
لا تل سبقه قلت يا طيـر لبيـه =واقفى وكني كاسبٍ بـه ثوابـه
وجاهن وهو كن المنايا تباريـه =زيزوم قـوم وفزعـوه القرابـه
اللي معه بالطلع ما عـاد يمديـه =ياصل مطاليعه وهو ما درى بـه
من عادته برق الدواغر مداميـه =في صيدته الطير غمقٍ صوابـه
ليا ضرب ما وافق الضرب يفريه =كن بيمينه من سيوف الصحابـه
ينقى كبير العرف ما هو يخليـه =من خيشة قدمـه نهبهـا نهابـه
يا سعد عين اللي قنص عانيٍ فيه=طيرٍ وماخذ من طبـوع الذيابـه
لا صارت الدعوى عناد ومشاريه=إخذه وكنك ماخـذٍ معـك لابـه
الطير احبه حيل من حب راعيـه=عبد العزيز اللي عزيـزٍ جنابـه

[مبارك مقيت]

يالله طـلـبــتــك والــمــدامــع حــزيــنـــه
يالله طلـبـتـك وازرق الـدمــع هــمــال
بــي ضيـقـةٍ لــو تنتـشـر فــي مديـنـه
والله فلا يضحـك بهـا حتـى الاطفـال
مـسـكـيـن قــلــبٍ فـارقــتــه الـسـكـيـنـه
قلبٍ يقطعه الآسـى مـن غثـى البـال
امــــن الـقـهــر قــــام يـتـزايــد ونـيــنــه
ينـوح نـوح اللـي تعلـت عـلـى الـجـال
يرجـف مـن اللوعـات رجـف المكينـه
تلـوعـه الدنـيـا عـلــى شـــط الاهـــوال
امـــن اولٍ كــانــت جــروحــه دفـيـنــه
والــيــوم اصــبــح للـغـرابـيـل مــدهـــال
بـــاح الـعــزاء والـقـلـب بــيــح كـنـيـنـه
ولاعــاد بـاقـي للـصـبـر فـيــه مـثـقـال
يصيح باعلـى الصـوت يامـن يعينـه
يامـن يوصـل شيخنـا الظلـم بالـحـال
قـولـوا لـــه ان الـظـلـم اكـبــر غبـيـنـه
لجا من اللي بالعـدل مضـرب امثـال
دســوا علـيـه اهــل الـوجـيـه اللعـيـنـه
اهــل الوجـيـه الكـاذبـه قــول وافـعـال
حطـوا المظالـم تـحـت اسـمـه رهيـنـه
وحطوا السيادي دونهم ستر وظلال
وقاضـي المظالـم كـف عنـهـا يديـنـه
وقـال السـيـادي مالـنـا فـيـه مـدخـال
اعـرض علـى اللـي بالعـدل خابرينـه
اللـي مضاريبـه علـى الظـلـم تنـهـال
شيـخٍ علـى الفزعـات يضـوي جبينـه
بـس الوصـل دونـه رجاجيـل واقـفـال
والشيخ ماهو شمـس يشـرق بعينـه
بالعدل وصى وبعضهم خـان الامـال
يامـا علـى الـعـادل تـطـوف الرطيـنـه
ويامـا مـع الطيـب يخونـون الانــذال
مـاتـصـفـق الـيـمـنــى بـلــيــا عـويــنــه
ومايروي الظميان طرد اشهب اللال
اضـــرب بـعـدلـك تسـتـقـيـم السـفـيـنـه
اضــرب بعـدلـك اســـودٍ كـنــه الـشــال
بالـعـدل تصـبـح كــل عجـفـا سمـيـنـه
وبالظلـم تجنـح كـل خصبـا للامحـال
يـاقـلــب لاتـحـمــل عـلـيـهـم ضـغـيـنـه
يكفيـكـهـم عــالــم خـفـيــات الاحــــوال
يـاقـلــب تُــفـــرج والــفـــرج مـحـتـريـنـه
بـامـر الــذي انــزل تـبـارك والانـفــال

[مبارك مقيت]

أنـــا أشـهــد إن الـصـيـد صــيــد الـحـبــاري
بـالـطـيــر والا بــاقـــي الــصــيــد يــنــعــاف
مـالــي هـــوى بـصـيــد الـضـبــا والـقـمــاري
حـتـى القـطـا مــا ابـغـيـه خلـيـتـه اخـــلاف
إلآ طـــرى فـــي الـبــال بـعــض الــطــواري
وازداد شــوقـــي لــلــخــلا شـــلـــت نــــــواف
وشديـت ظـهـر الجـمـس وروحــت ســاري
لـــم الـديــار الـلــي بـهــا الـصـيـد يـنـشــاف
لا صــــرت بـالـصـمـان حــــول الـمـعــاري
بـــأول سـمــاح الـصـيـد والـطـيـر مـيــلاف
بـــأول سـمــاح الـصـيـد والـطـيـر ضـــاري
ضــاري عـلــى صـيــد الـحـبـاري وعـــراف
طــيــرٍ مــــن طــيـــار الـحــبــاري امــبـــاري
فـــي جـوهــا يـاخــذ مــــن الــريــش نــتــاف
وفــــي مـفـرســه تـلـقــى لــهـــن بـالــمــذاري
ريــــش الـحـبــاري بــالــذرى كــنــه لــحــاف
الــطـــيـــر قــــلــــب ولا تــبـــيـــن مـــــــــواري
ومن قال اعرف الطير ما عنده انصاف
كـــم أشـقــرٍ صــــدره زهــــى بــــه غــتــاري
وقصيـر عـظـم الـسـاق وكفـوفـه اجــلاف
وقـصـيـر ريـــش الـذيــل وعـنـقــه ســــواري
والــجــرم نـــــادر بـــــس لـلـصـيــد خـــــواف
اخـــذت انـــا والـطـيــر لــيــل ونهـاريـسـتـي
ن يــــــــوم ٍبــالـــخـــلا كــلـــهـــا اريــــــــاف
مــــن لامــنـــي بـالـطـيــر جـعــلــه يـــــداري
يــــدرى طـريـقــه بـالـعـصـا فــيــه لـكــفــاف

[مبارك مقيت]

عفت الحرار وعفـت لحـق الشياهيـن
مـن يـوم ماشلـوى غـدت فـي سماهـا
علمي بهـا مـن شقّـت الجـو نصفيـن
نصـفٍ نـدوِّج فيـه ونـصـف لعشـاهـا
أمست خلا وامسيت انا ساهر العين
ارجـي عسـى الله يـرزق الـلـي بغـاهـا
نـبـغــي تـونِّـسـنــا بـصــيــد الـكــراويــن
فـــي رمـلــة الـصـمّــان والاّ حْـجَـراهــا
لـــو التـمـنِّـي فـــاد ماشفـتـنـي الـحـيــن
انــدب عـلــى حـظــي بـسـبَّـة غـلاهــا
لكـن ابعـرف ويـن هـي روَّحـت ويــن
هــــي مــنــوة الـصـقَّــار لــمــن تـبـاهــا
الـيــا قسـمـهـا الله لـنــا ربـطـهــا زيــــن
أخــيــر لــنــا مــــن الـمــطــارد وراهـــــا

[مبارك مقيت]

تـسـتــاهــل الــنــامــوس يـــاراعـــي الــجــيـــر
يـــــا صــاحـــب الـعـلــيــا ورمــــــز الـــصـــداره
يـــومــــك تــمــثـــل بـالــســبــاق الـمـنــاصــيــر
انـــشـــهــــد إنــــــــــك تــســتـــحـــق الـــبــــشــــاره
يـــــا بـخــيــت وصّــــــل لـلـصــويــه مــقــاديــر
لــلــجـــيـــر وصّــــــــــل يـــازعـــيــــم الـــصـــقــــاره
يــا بخـيـت سـلّــم فـــي سـلامــي تـصـاويـر
لـــسْـــوِيــــد دامـــــــــــه فـــــايــــــزٍ ..إبـــــجــــــداره
حـبـة خـشـم يــا بخـيـت لـسْـويـدك الـطـيـر
لا تــهــضـــمـــه حـــــقّـــــه وعــــــــــزز وقـــــــــــاره
لا تـلـبــســه بـــرقـــع وعــــــزّه عــــــن الــغــيـــر
دامــــــــه رفــــيــــع وجــــــــاب عــــــــزٍ وشــــــــاره
لــيــتــه يـــعـــد إمــــــن الـــرجـــال الـمـنـاعـيــر
وأقــــــلّــــــده عـــــــــــــز الــــفــــخـــــر والــــنّــــعـــــاره
لـيــتــه رجـــــل وأنـحــرلــه إمـــــن الـمـغـاتـيـر
وأشـــعـــلّــــه بــــــــــراس الــطــويـــلـــه إنـــــــــــاره
صبح وظهر .. مع تالي الليل وعصير
وأضــــيّــــفــــه تـــضـــيـــيـــف راع الأمـــــــــــــاراه
لــــــو بــآصــفــه بــتــخــون كــــــل الـتـعـابــيــر
بــس الشـبـه .. أخــذ الـشـبـه مـــع قـــراره
مـــــا كـــنّـــه الا ســـكـــود والـــخـــط تـفـجــيــر
إمْـــوجــــهــــه صــــــــــــدّام يــــــــــــوم الإثــــــــــــاره
يــومـــه رمـــــى ومـــــا حـسـبـهــا مـخـاسـيــر
لــــكــــن سِــــوِيٍـــــد أقــــبـــــل بــــعـــــزٍ وشَـــــــــاره

[مبارك مقيت]

يـاهـل الـحـرار الـلـي تعـشـق الـصـقـاره
يــالــلــي تـــعـــدون الـلـيــالــي الـمـقـابـيــل
الـــيـــوم كـــلـــن يـعــتــنــي فـــــــي وجـــــــاره
ويـصــف مـــن حــولــه دلال ومـعـامـيـل
تـــبــــاشــــروا بــســـهـــيـــل دار بــــــمــــــداره
تــبــاشـــروا بــــــــه بــيــنــكــم يــارجــاجــيــل
نـــجــــمٍ يــجــيــنــا كــــــــل عــــــــام بــــزيــــاره
الـــيــــوم كــــلــــن يــرقـــبـــه دون دربــــيــــل
عــقــبـــه يــدارجــنـــا الــنــهـــار بــقــصـــاره
نـونـس بــراده مــع نسـيـم آخــر اللـيـل
يــطــيـــب لــلــصــقــار عــــقــــب الــــحــــراره
تجـهـيـز جـيـبــه بــيــن صــلِّــح وتـبـديــل
ويــطـــيـــب لــلــصــقــار بـــــــــاول نــــهـــــاره
جـذب الـحـرار الـلـي تـبـي زود تدهـيـل
يالله بـــــنـــــوٍ مـــمـــطــــرٍ فــــــــــي غــــــــــزاره
الـمـاطـر الـلــي ضــربــه يــنــوِّخ الـحـيــل
مـــــن الـتـريـبــي لا شــمـــال ام عــمـــاره
تـفـرح بـــه الـعـربـان مـــن قـــوَّة الـسـيـل
عقبه نشوف الروض زاهي بخضـاره
رويـــان مـــن كـثــر الـنــدى والهـمـالـيـل
ومــــن عــقــب ذا يــازيــن مــــز الــزقــاره
فــــي خــايــعٍ مــابـــه شــبـــوك ودراكــيـــل
أمـــــــــــد شــــــوفــــــي مــــــاتــــــرده زبــــــــــــاره
مـــــدٍ خــلـــي والــقـــاع قــفـــر ومــداهــيــل
أقــــنــــص بــقـــرنـــاسٍ بــــراســــه نــــعــــاره
أحمر ظهر وافي من الراس لا الذيل
ماهمـنـي اشـقــر وش ابـغــي بـشـقـاره
مـاهـمـنــي الا طــيـــر زيـــــن الـتـمـاثـيــل
مـتـنــومــس بـــعـــزام شـــيـــخ الـــصــــداره
طيـرٍ منومسنـي ولا اسمـع بـه القـيـل
طــيـــرٍ لــيــامــن جـــيـــت لا ذي حـــبـــاره
تــــــل ولـحـقــهــا كــنــهــا لــــــه تـسـاهــيــل
يــردَّهـــا لـــــو هـــــي ســـبـــوق بــشــطــاره
ويلـعـب بـهـا لـعـب الـهـوى بالمـنـاديـل
مــــــن ضــربــتـــه مــايــذبـــح الا بـــعــــزاره
كـاسـب رهـانـي فـيـه جـيــلٍ بـعــد جـيــل
فــــــي مـــذبـــح حـــبـــاراه نـــاتــــي مـــــــزاره
وتـزيــن مــــن فـعـلــه جـمـيــع الأقــاويــل
الــــكــــل مــــنّــــا لاهــــــــيٍ عـــــــــن ديـــــــــاره
بـعــيــد مــــــن جــــــو الــغــثــا والـبـهــاذيــل
نـجـلــس عــلــى ضـــــوٍ تـطــايــر شـــــراره
يـدور فيهـا الـبـن الاشـقـر مــع الهـيـل
وســــوالـــــفٍ مـــابـــيـــن جـــــــــد وعــــيـــــاره
عـــــلــــــى وجـــارٍمــــابــــه إلا مـــشـــاكـــيـــل
هـــــــذا الــغــنـــى يــامــدوريـــن الــتـــجـــاره
كسب المراجل مـن خيـار المحاصيـل
هـنـيــكــم يـــاهـــل الــقــنــص والــصــقـــاره
الــيــوم مـوعـدنــا مــــع نـجـمــة سـهــيــل

[مبارك مقيت]

نرجو ان تنال القصائد على اعجابكم