/ ( ألمان العرب ) / للشاعر ..محمد بن صويان

[وكيل آدم]

( ألمان العرب )


لــ / الشاعر .. محمد بن صويان آل حبيش



صلوا على النبي




؛




؛

الشعر فيض المشاعر والغرض حسب الشعور=
لاعسفه الشاعر الموهوب بالطـاروق غنـا
والمواقف فـي مـدارات الفكرقامـت تـدور=
أجمل أبيات القصايـد تنعـرض منـا ومنـا
تعرض بسوق الجزايـل لاغـدا للشعـر دور=
لولـو ودرٍمرصـع منوتـن لـلـي تمـنـا
كانهـا ذنـبٍ لعلـه ذنـب لاتبـت مغفـور=
لو أطيع جنـون شعـري للمتاهـات أقلعنـا
شاعرٍ لاقلت كلمه ..جيت أسورهـا بسـور=
شقت أذن اللي سمعهـا والمعانـي روحنـا
من يمين ومن يسار ولو يلـف ولـو يـدور=
مايصح إلا الصحيح ومـن يخالـف ماتهنـا
منطق وفكر وثقافـه عقبهـا منـت معـذور=
قبلها حكم الوراثـه فطرتـن لامـن سألنـا
تعسف بوزنٍ معرف من طواريـق البحـور=
في لسان الشاعر اللـي فالمواقـف ماتونـا
للقلـم حـقٍ علـى متفلسفـه كـان غيـور=
ا لأمانـه لاحفظهـا .. يرتقـي بالفـن فنـا
صدُع جدار المعاني من نظمها كـذب .. زور=
جانيٍ ينحـر حقـوق الشعـر لازاد وتجنـا
جاهل يحسب حصاد المعرفـه مالـه بـذور=
أو لقيطن في الرعايـه يرقـب امٍ لـه تبنـا
مادرى أن الشعر من ضمن الأدب علم ٍ نور=
فطرتن فالشاعـر اللـي مـن ثقافتـه تحنـا
شوشُو عقـل الجماهيـر بتفاهـات مخمـور=
حسبي الله عـن مشوشـة القصايـد لبتلنـا
جيت أدور للفحول إن خلُيـت الـدار بتبـور=
هم اقل من الأصابـع فالعـدد لـو يحسبنـا
من مقاديم البيوت أقلط وتلقـى مـن يشـور=
ومن قفاها سارقٍ والوضـع يبقـا فيـه إنـا
يالله أنك لا توردنـي علـى حـد القصـور=
في ظـلامٍ فيـه نيبـان الظـواري ساومنـا
دامني شاعر مشاعر فـي معاناتـي صبـور=
لا تغربني وأنـا بيـن الرفاقـه فـي وطنـا
حجـةٍ تـارد وتفلـج كـل محتـالٍ فجـور=
حين توزن بالموازيـن الثقيـلات أرجحنـا
لامدحنا .. مامدحنـا غيـر رجـال مخبـور=
وإن تكلمنا صدقنـا .. وإن تعزوينـا فعلنـا
أعتزي فعجيم ثم وعيل وهشام ألـه أصـور=
ومذكر ويام بن يصبا لابيتـى لاقلـت حنـا
صلب يام أهل الفعايل من قديمـات العصـور=
لقبونا ألمان هتلر .. بس حنا أكبـر وأهلنـا
العرب بحقوقها عـن كـل أنانـي ومغُـرور=
والجمال الهـادره ترغـا لياشافـت جملنـا
ضربنا بقلوب الاعـدا والجماهـي والنحـور=
تركيا والفـرس والرومـان ماتنكـر طعنـا
يوم خلق الله على سلمـى تـزاود بالمهـور=
نشتري اليوم الكبيرإللـي لبسنـا لـه كفنـا
في الجزيره شايخـنٍ يـوم تجـار التمـور=
تدفع الجزيـه وتخضـع للأوامـر لا ومرنـا
وكل أبو جنحان طير ومن يفـرق بالطيـور=
يـدري ان النـار حيـه والقبايـل يفرقنـا
ومن تعرضنـا بقـافٍ قافنـا ظلمـة قبـور=
والجنـازه شلتـن ماشلهـا انـسٍ وجـنـا
بضرب بكفٍ حديد لا يغـدا الموقـف يفـور=
كنها بـرد وسـلامٍ لاصطـلا الميـدان جنـا
وبعقل النيه على بيـض الهقـاوي بالامـور=
عقبهـا بقـول عفـوك ربنـا أنـا اتكلنـا
قالهـا شبـلٍ يفاخـر بالأسـود وبالنمـور=
من عرين وغابتن فيهـا الحصينـي ماتثنـا

........................................