هـــــــــــذي نــــــــــــوره
بارك الله ساعة فيها عبرتـي
احيـت القلـب المولـع والحزيـن
يوم شفتيني وشفتك وابتسمتي
رجعتنـي الذاكـره عشـرة سنيـن
يوم كنا احباب في قلبي سكنتي
صغار كنا نلتقي فـي كـل حيـن
هذي انتي والله ما كنك كبرتي
يعلم الله جامعـه مـن كـل زيـن
بس تعالي منهي هذي لو سمحتي
منهي اللي واقفه جنبـك يميـن
قاطعتني هذي نوره هذي بنتي
ليتها تـدري عـن الحـظ اللعيـن
قلت حلوه بس ماهي مثلك انتي
حتى لو يخلق من الشبه اربعيـن
علميها قبل ابوها مـن عشقتـي
يـوم كنـا بالهـوى متعاهديـن
وعلميها شلون من قلبي رحلتي
خبريها عـن سـواة الحاسديـن
وعلميها شلون من أيدي شربتـي
ليلـةٍ مهديـك فيهـا وردتيـن
قاطعتني هذا بعدك .. قلت خفتي
وذبحتنـي يـوم قالـت كلمتيـن
صرت شايب قلت هذا انتي وشفتي
وداعبتني فوق زلفك شيبتين
وضحكت لي قلت حتى من ضحكتي
رجعتني الذاكره عشرة سنين
الشاعر : خالد بن عبدالله الحيان
04-01-2010, 04:35 AM
العرض الشجري