. . . . . . . . . . . . . . . . تذكرّته .. وياليتني .. ماتذكرّته !

[[ عسّاف خيل ]]

,







سكبة حجاج .. ومبسم .. وغمّازتين
الله .. يا لون الجمال .. ولونها !


ذا زينها .. وهي تعدّت الاربعين ,
اجل : قبل عشرين عام .. وشلونها ؟





,

[[ عسّاف خيل ]]

,




خلك طبيعي , والنوايا سليمه
جنّب علاقاتهم , وصل الفرايض !



جملة ( احبك .. موت ) موضه قديمه
موضه مثلها مثل : ماتعرف ( عايض ) ؟

[[ عسّاف خيل ]]

,








صباح الورد ..








صوتها مبحوح من كثر الحنين
مبتليها الشوق , وسط الحنجره


زايده فيها النعومه ( حبتين )
والنعومه , نعمه في صوت المره


مير فيها ( عيب ) تخفيه ويبين ؟
اللسان .. ولدغته .. ما تقدره !


نطق حرف الراء منها حرف ( غين )
تكسر الاول , والاخر ( تجبره ) !


وإن بغيت أغيضها .. في كلمتين ؟
قلت : قولي .. ( غرغره في غرغره )






,

[[ عسّاف خيل ]]

,





لاقفيت عنك لا تلحقني ملام
..................... الوقت بيعلمك .. ليه قفايتي


ماعاد فيها حلال ولا حرام
..................... وبدايتي وياك , مثل نهايتي


أصد عنها والبلا غايه مرام
..................... مطروحةٍ .. بكتابتي وقرايتي


ومشاعرٍ ماتت بدون اي إهتمام
..................... ياليتني .. خليتها .. برعايتي


ناظر عيوني , ماتهنى فِ المنام ؟
..................... سهران وآلي .. والهموم ولآيتي


تقول كيف الحال .. وأقولك تمام
..................... وانا لـ كف الحزن ( أسلّم رآيتي ) !


الله يغفر لي ذنوبي والاثام
..................... وانه ينور لي طريق هدايتي


تبي تعرف الحين زبده هالكلام ؟
..................... هذي تراها .. حكايتك , وحكايتي


لكن ابي أوصيك في مسك الختام ؟
..................... وانته .. لزوم انك تحفظ وصايتي


إحرق على بعدي ( مراسيل الغرام )
..................... وإنسى ليالٍ .. كنت : فيها غايتي !

[[ عسّاف خيل ]]

,




فتنه الوصف .. لوّ بوصف حلاها وش أقول ؟
تستفز القصايد .. لوّ .. ( تحايلتها ) !



اجمل أوصافها , وأول وصوف البتول ؟
غارنّ الغيد .. وانا ما بعد ( قلتها ) !

[[ عسّاف خيل ]]

,




إفترقنا .. وإنقطع حتى السلام !
إنت متغيّر علي من .. جيتهم ,


أدري مو منّك حبيبي هـ الكلام ؟
( خربوك ) ! الله يخرب بيتهم ,


من يفسر حلم تاليه : الخصام ؟
ليتني ما نمت .. وإلا ليتهم :


طيّحوك شلون ؟ من عيني حرام :
كل جروحي النايمه .. ( صحّيهم )


السما صدري , يآ أسراب الحمام ..
ياحسافه .. طرتْ , من طرّيتهم !


ألفظ انفاسي .. ويخنقني : ملام ؟
هم هذول ! إللي عليّ .. بدّيتهم ؟


السنين عِجاف .. وأيامي .. سقام
والدموع .. ( تطيح ) ما ردّيتهم !


كان حلمي .. لابس ثياب الظلام
وأدري مو واقع .. وما حبّيتهم !


كان حلمي .. طفل في حزّه فطام
وداخلي أشياء لك .. خلّيتهم ,


كان حلمي .. إنك تخون الغرام
وإللي أكره ( طبعهم ) .. أغليتهم


كان حلمي .. يوم عن مليون عام :
والثواني تشيب .. لوّ .. عديتهم !!

[[ عسّاف خيل ]]

,





جيت ضامي للـ لقى , وآقفيت ودّي فِ البعاد !
جيت .. أبحيّي وصلها , واقفيت ماوديّ بها


مدري خطيت الدرب ولا الدرب ماشيه برشاد ؟
ولا القلوب الطيّبه .. يجلب وفاها ( شيبها ) !


يَ اللي تقدّرون الوفا .. مسقيه من صدق الوداد
مشاعرٍ خجله .. ليا من جيت بـ أغني بها


وين الغلا , والود , والاحلام ؟ يَ مال الهجاد :
كان الوعد لـ جل النهايه .. وآحسبه من ( طيبها ) !

[[ عسّاف خيل ]]

,






مَ ألوم قلبي لوّ شعوره تبعها !
في ذمتي من بدّه الناس تنحب


انا خذاني من حياتي ( دلعها ) ,
اللي ( نعمها ) لعنبو غيضها ( يبّ )

[[ عسّاف خيل ]]

,





الحب ماله مدى .. والشوق ماله مدى
......................... يثّر على حالتي .. وقلبي .. ونفسيّتي


ياليت صوتي .. يجي له في كيانك صدى
......................... من شان تعرف .. غرامي لك .. وحنّيتي


الحب يبغي له شويّه جهود .. وآدا ؟
......................... ودايم إتمنّاني .. وتشفق على جيّتي


إلى متى ؟ وانت مالك فِ المواصل جدى ؟
......................... الله يجيبك .. ويعطيني .. على نيّتي !


تكفى .. طبلتك .. جنّبني عيون العِدا ؟
......................... ماودّي .. أكشف لهم .. باقي رومانسيّتي





,

[[ عسّاف خيل ]]

,






إنتي غريبه وصف , مدري وش أنتي ؟
اما عمار قلوب .. ولا ( فنى عمار ) !



وش صار في روس العرب يوم بيّنتي ؟
صارت مثل : روس السكآرى على بااااار !!!