¤ô§ô¤ روحانيات حــوران ¤ô§ô¤

[حـــوران]

احب لي وحده .. والاخرى تحبني
واللي انا حبيتها >> تحب ثاني

واللي هي تحبه يفكر بغيرها ..!
ولا ادري من فينا الوفي والاناني !؟

:

ندور في وصل وجفى كلبونا
ولابقى فينا احد مايعاني

تتغير اسماء البشر والاماكن
وتبقى تفاصيل القصص والمعاني

[حـــوران]

رومانسي .. وعذب .. وبعض الاحيان اجيب العيد
............................ ومحبوبـتـي .. تلـقـى بعيـونـي مزايـاهـا

لكني كرهت الحـب .. مـن حـب حامـد زيـد
............................ ليـا شافهـا .. قـام يتلاعـن هــو .. ويّـاهـا !

[حـــوران]

.



منظمة الصحه العالميه
تهتم .. وتستنزف جميع إمكانية الدول الداعمه لها
في سبيل مكافحة كل داء .. لا يوجد له دواء ..!



قبل بضعة ايام
بعثت بـ ايميل لـ هذه المنظمه العالميه .. ليس الا استفسار فقط !
حيث كان نص الرساله :-

Can I find a medicine of yearning
؟


فـ كان الرد :-
Impossible

الله المستعان

[حـــوران]

حي الله اللي عليـه الـروح مندمـره
.................. اللي خذا القلب من بدري .. وانا مدري

مرّت سنه كامله .. والكبـد منجمـره
................. والهم فيني .. ومن فوقي .. ومن حدري

اهوز نفسي على [سلوى وابو سمـره]
.................. والحظ .. ما الله خلقْه .. بليلة القدري

لو كان لي سلطةٍ .. على ولاة امـره
.................. خذيت صدره .. وضميته على صدري !

.

[حـــوران]

.




اقبلـت .. والهـوا كـنـه يعزّلـهـا
......... عنق ريم .. وخصر مهره .. ومربوعه


فتنـةٍ مـن قدمهـا .. لا جدايلـهـا
............ الوكاد انّهـا .. فـي غايـة الروعـه


وقّفت .. واثْر حتـى الريـح يِخجلهـا
.......... كنّها من عيون النـاس .. مفجوعـه


كـل شــيٍّ تعلّقـهـا .. يجمّلـهـا
......... منوة اللي بغـت .. تواكـل ضلوعـه


امـا خلّـوه .. يمسكهـا ويآكلـهـا
......... والا عزّوا هله .. لا مات من جوعه!

[حـــوران]

.


ما كان عندي اعتراض .. تصير رجال
.................... واعطيك فتخه ، وبشت ، ومشلح ، وثـوب

بس اكتشفت ان عليك .. من الله ظلال
.................... لا نهج ثابت .. ولا منطق .. ولا اسلوب !


.

[حـــوران]

.


من عرفتك
وانا عايش في سكره ..!

وفي كل يوم .. اكتشف انني اعشقك من جديد
نعم ، معظم علاقات العشّاق .. تصاب بالملل والفتور وتبلّد المشاعر بين الحين والآخر !
وانا هنا لا انزّهـ نفسي .. وأدّعي بـ انني [ قيس ] زماني .. ولكن !
لم تتركي مجالاً .. لما يسمى بالملل والفتور وتبلّد المشاعر
ان يتغلغل في قلوبنا وبين أفئدتنا .. قط !
رغم طول هذه العلاقه


فـ في كل يوم مفاجأه واعتراف جديد وغير متوّقع .. يؤكّد ويثبت ان الارواح مندمجه مع بعضها
والقلوب مختطفه والانظار مسروقه .. وموثّقه بالأدله والبراهين !
اذاً .. لـ جنون العشق ما يبرره !



ومن فقدتك
وانا اتصنّع الفرح .. مُكره ..!

[حـــوران]

.
.

اشتقت لك يامعطي الدنيـا البيـاض
شـوق ٍ يقـرب حيهـا مـن ميتهـا
؛
كتمت حزني من غيابك ليـن فـاض
وانساق مـع دمعـة وجـع هليتهـا
؛
لو افترض اني معك .. بس افتراض
عفت الحياه .. اللـي معـك حبيتهـا
؛
[الله يعين اهل الرياض على الرياض ]
وشلـون تسكـن ؟ بعـد ماخليتهـا ؟!

[حـــوران]

من الشوق احس ان كنّ بابي .. على بابه=وهــو ابـعـد مــن الــذل ../ عــن روس جـدانــي
اجـــي مـنـدفـع .. واروح مـــا قـلــت لــــه جــابــه=تثاقلـت حتـى الكلـمـه .. الـلـي عـلـى السـانـي
يـعــايــن ..! واعـــايـــن .! والـمـشــاريــه غـــلابـــه=ولا ادري من اللي صك بابه .. عـن الثانـي !!

[حـــوران]

سمّح الله دروبك .. ياوريـث السحـاب
وسمّح الله دروبي لوّها .. ( منْك إليك )

[ لاتطوّل ترى مانـي بـ قـد الغيـاب ]
( الرياض , وشوارعها , وانا ) نحتريك

مد كف الوصل لـ/ أجلي وشد الركاب
و روح دارك .. قبل لاتستخف وتجيـك !!