. . . . . . . . . . . . . . . . تذكرّته .. وياليتني .. ماتذكرّته !

[[ عسّاف خيل ]]

,




إسنين تجرحني وساكت وهاقي ؟
إنّك إتعدّل .. وانت كلك عذاريب


كنّي ( كويتي ) وانت كنّك عراقي
مهما اسوّي لك ؟ ماينفع معك طيب

[[ عسّاف خيل ]]

,








ونقول بــــــــــــــاك : )

[[ عسّاف خيل ]]

,




بسم الله







سرى الليل والعجمي يهوجس على مركاه
يغنّي على المنكوس ويرّتب القافي




مع الليل الاسود مانفعت وصفته ودواه
يشوف الدوا ناقص , لوّ إن الدوا وافي




وياطول ليله بعد فرقى الغضي طولاه
يسامر نجومه , وأزرق الدمع ( ذرّافي )




انا والعذول اللي يقول : إتركه وإنساه ؟
سواة المريض اللي يحاكيه متعافي




انا كيف أبنسى والهوا يزف لي ذكراه ؟
وراس الهواوي لوّ تصافى مهوب صافي




وراعي البحر حب البحر لوّ غرق في ماه
يغني على : هو ليه يامال .. ياكافي !




وراعي الصحاري دايمٍ محتزم شلفاه
يدوس الافاعي بالقدم , والقدم حافي




وراعي الغرام يجر قافه على معناه
لوّ إنه يترجم هاجسه في شطر كافي !






أخواني ..
اليوم بالذات محتاج دعواتكم لـ أخوكم
يارب توفيقك ,


لا تنسوني من دعواتكم

[[ عسّاف خيل ]]

,





ملّت الابيات من عذر الظروف
وإشتهت ذكرك , وطاريك شهوَه



ما يقنّد رآسي إلا يوم أشوف :
بسمة شفاهك , وفنجال قهَوه

[[ عسّاف خيل ]]

,








مرحبا ياللي بـ قلبي ( فعلت المستحيل ) ,
يَ صغيّرٍ تسكن القلب .. لك كم من سنه




شيب عيني مازينّ العنق , والطرف الكحيل
زايدٍ زينك على العام .. زينك ( ذا السنه )





: )

[[ عسّاف خيل ]]

,







أنيقه .. ونعّومه .. وفارعه طول !
دايم تغليها .. ( يأنبّ ) ضميري ,




ان قلت ردّي ؟ ترفع الصوت وتقول :
( شاعر ) .. وتقدر تعشق مليوووون غيري

[[ عسّاف خيل ]]

,







ذكّرتني .. ولـ الذكرى ( نسانيس )
( فارعٍ ) ضاع عمري في رجاها



ليتها يوم غضّت بـ النواعيس ؟
أسرعت ( يوم فرقاي ) بخطاها



ذا غلاها ؟ مشاعيله مقابيس
ولوّ ؟ طفى نور عيني , ذا غلاها !



جعل الايام لوّ مرت معابيس
تاخذ إللي تبيه إلا ( غلاها ) !



مانساها : من ذبحته الاحاسيس
وين ؟ مالد من طرفه .. لقاها



إنزوى بـضيقته ( خلف الكواليس )
وصبّ ( خمره غلاها ) وإحتساها !




السجن للبشر .. سجن الوساويس
( والسعاده ) خذاها .. من عطاها




هيييييه يَ اللي تعرفون المقاييس ؟
حقّقوا .. لـ نفسي الشفقه مُناها !




يا اخذوني ؟ وودوني لـ ( باريس ) ؟
يا تجيبون ! باريس ؟ وسماها









لـ المطر / سعود بن مهدي

[[ عسّاف خيل ]]

,








توني عرفت اني احبّك وإني من غيرك ( وحيد )
لا تلومني لا ضقت منك ؟ والمشاعر .. لامتك





القلب شجره لوّ تهز غصونها يا ( شيخ غيد ) ؟
كل الحمام يطير .. ماتبقى سُوى حمامتك !





بيديك ( وهج النار ) , وبيديني ( ذوبان الجليد )
إبتلت يدينا .. وصار الما .. يبين بـ خامتك !





انت الذهب بيديك ؟ خلّى لـ الذهب سعرٍ جديد
في معصمك .. ماتخسر اسواق الذهب لا سامتك





( طعم الهوى ) ماهو بـ ضمه صدر , ومسكه إيد ؟
طعمه : إليا دخّت بـندّاك .. وضعت في ( دوّامتك ) ,





حتى الجماد إن فارقك ؟ ينتابه ( الحزن الشديد )
تشتاق لك ( وسادتك ) .. وتحنّ لك ( بجامتك )





وشلون أجل ! لا صار ( كائن حيّ ) وإحساسه زهيد
بيموت من : ( طفرة غلاك ) ومن ( ضِما فطامتك ) !





كنّك ( ملك ) ؟ وآحلى العذارى صاروا بقصرك ( عبيد )
وإللي يأكّد .. ( إمبراطوريتك ) .. ( زعامتك ) !!





تقول : كلماتك ماهمتني .. وغزلها ما يزيد ؟
وتضحك بوجهي ( وأنت ضايق ) وأدري إنها هامتك !





الشامه إللي بين وجهك و ثغرك .. تجيب عيد
( لبّى الثغر ) والوجنه إللي : ميّزوا علامتك ,




تقول : منّا شامتي ؟ ولا انا مضيّع أكيد ؟
واقول : لا يابعد عمري لا .. منّا شامتك !




تزعل عليّ وارضيك ؟ يا اغلى من سكن حبل الوريد
وأنسى همومي كلّها .. لا بانت ( إبتسامتك ) ,





يامليّن القلب القوي .. ومخضّع الراس العنيد ؟
كلك حلا يازين .. من ماطاك .. حتى هامتك





انا معك ( روح و جسد ) وانتا معي قلب ونشيد !
وإللي يمسّك ( مسّني ) .. وكرامتي ( كرامتك ) ,






ياللي لعبت بـ حسبة الشعّار .. وأسرفت القصيد ؟
مازانت ( حروف القصيد ) إلا على : فخامتك ,






لاشفت عينك ؟ والله ما احسد الا ( راعي الرصيد )
ولا أغبط ( إبن سعود ) في حكمه ؟ لا شلت لثامتك





ناسٍ معك كل يوم ؟ وأحسدهم على ( الحظ السعيد ) ؟
ياحظ ( سايقكم ) معاك .. وحظّها .. ( خدامتك ) !






مايقدر أحدٍ ؟ ياخذك مني يَ بو الوصف الفريد ,
مادامك بـ قلبي ( هنا ) .. وانا بقلبي ( غامتك )





تدري متى تخنقني العبره .. وآحس إني وحيد ؟
لاقلت : تامرني بـ شىء ؟ وقلت لي : سلامتك !!!













صباح الورد

[[ عسّاف خيل ]]

,





وقف الرمش للنظره ومال الحجاج
يوم ضمّت ( نواعسها ) سَرى ضيفها !




عّزي لـ من توّلع بـ ( صعبة مزاج ) ؟
إبدويةٍ .. تبي كلٍ على ( كيفها ) ,

[[ عسّاف خيل ]]

,



الساعه 4:52 ص
الموقع الكويت .. بر ام الهيمان

بياله شاهي .. وقصيد : )







مرحبا يانوم عين اللي شرايدّ همّه ؟
( ذودٍ ) فطرّها تخالج من ذبح راعيها



ليت صوتك شئ يلمس والله إن ( أشمّه ) ؟
شمّة إللي شمّ له حاجه .. وهو يبكيها !