. . . . . . . . . . . . . . . . تذكرّته .. وياليتني .. ماتذكرّته !

[[ عسّاف خيل ]]

,






والله .. لوّ ادري شئ في الكون ضايمك ؟
لا أقوم لك ! من قبل لا تقول : قمّ ليّ !



والوّد وديّ ؟ من انفاسك .. ( أقاسمك ) ,
( جرّة نسم لك ) و ( جرّة نسم ليّ ) !

[[ عسّاف خيل ]]

,








مطر مطر مطر







الطغى والكبر والزوم ( وفلوس البخيل )
مملكه .. وإللي ملكها ( عروشه خاويه )



والحكيم يعامل الناس بـ إسلوب العميل ,
والعميل يردّد : أهلاً هلا بـ ( الهاويه )



ياوجودي وجد من حدّه الشيء القليل ؟
لين صارت كل حاجه معه ( متساويه )



شرهته في كلمة والنعم .. والفعل الجميل
والأمل شعره !! وشف عاد ( راس معاويه ) ؟



و ( الهواوي ) يسهر الليل لوّ ماله حصيل
غير دمعه عين .. وغصون قلبٍ ذآويه ,



والليالي تسرق اللون من طرف الكحيل
كم و كم من ليلٍ أسود ذيابه ( عاويه )



البدايه : يقطع الحظّ ( راس المستحيل ) ؟
والنهايه : ( كنت ناويه ) و ( كانت ناويه ) !



والنهار وحرّة الشوق والصبر الطويل ؟
والهجوس السارحه .. والهجوس الضآويه



لا تعلت في سماء الفكر ثم ضاع الدليل ؟
تجعل الشاعر يجي لين يمسك زاويه !!

[[ عسّاف خيل ]]

,










يامن ثمل ناظري في لونك الخمري
اعرفك وقت الرضا والزعل من ( طلّه ) !






ليا رضيتي عليّ قلتي ( هلا عمري )
وليا زعلتي عليّ ؟ قلتي ( هلا والله ) !!






سعود بن مهدي

[[ عسّاف خيل ]]

,






يالحيا يالطهر ياللطف يامعنى القبول
( مرحبا ) ترحيبةٍ مابعدها مرحبا !



انت دهشه .. ماتفسّر معانيها القبول
روضٍ تقدح به بنادق , وتركض به ظبا !






مساكم الله بالخير

[[ عسّاف خيل ]]

,







لا تعتذر لي فِ الغياب وفِ الحضور ؟
مشكلتك إني قبل عذرك .. فاهمك !



عند اغلب الناس اللي مافيهم شعور ؟
( ترمومتر ) محبتّك .. دراهمك !

[[ عسّاف خيل ]]

,




بنت بدوّيه .. ماتحذف البواشي
ولا تعرف الحب .. دامه زمن حب !



ما تاكل إلا لحم هرفي .. وحاشي !
ومرّات تقفل .. ودّها بـ لحمة ( ضب )




:P:d ,

[[ عسّاف خيل ]]

,








ليت الهبايب يوم ترسل نودها ؟
................... على الرياض اللي تفوح ورودها




تاخذ من آحاسيسي ( مجارير ونغم ) !
................... ومشاعرٍ .. تقودني .. وآقودها




البعد وظروف الزمان .. ولوعته ؟
................... تخلّي العاشق .. ماعاد يعودها !




ياوجد حالي كل ما زاد الوله ؟
................... في ليلةٍ .. صلف الظنون ترودها




لوّ أن لي قلبٍ ( جزوع .. ويحتمل ) ؟
................... ماذاب بين ( أوجودها ) و ( صدودها )




بنتٍ تساومني على شوقي .. وهي ؟
................... بلادي .. إللي .. ما تحدّ حدودها




( عمهوجةٍ ) تغري ذعاذيع الهوا
................... لا هبّ نسناسه .. ولامس عودها



في مشيها هزعه .. وميله .. واعتدال ؟
................... ومن النعومه ؟ كل شيٍ .. يكودها




دايم يذّكرني بها ( وصفٍ قديم ) ؟
................... يلبق لها .. ويحدّها .. ويحودها




( إن وقّفت " دق العسيلي " وركها ؟
................... وإن دنّقت ؟ .. ماردّه إلا نهودها ) !

[[ عسّاف خيل ]]

,






لهم ..






الشعر زينه زين في ماضي السنين
ماله علاقه في نجوميه نجم



ياحبني لـ المبدعين الصامتين
اللي مايعطون النجوميه ( حجم )

[[ عسّاف خيل ]]

,







حتى لو قربك فؤادي وفرقاك ( موس ) ؟
دايم المحترم .. ما يحترم سافهه



فرض الاحاسيس .. مايرضي عزاز النفوس
وانت .. عندي مهم .. وصدّتك تافهه

[[ عسّاف خيل ]]

,








آزريت أوقف بوجهك يَ الزمان الظلوم
في راس الايام حبٍ ماقدرت اطحنه !


من اول أشحن تلفوني معه .. ( كل يوم )
والحين .. ياخذ ثلاث ايام .. ما اشحنه !