بذرت وخطاي البذر ماهوب في قاعه=(مثل من يحاول ينبت الشّعر فالصلعه.!!)

[bird of shalwa]

الـسلام عليـكم ورحمة الله وبـركاته



قصيده أعجبتني جدا ً,,

قصيـده بديعه لشاعر ٍ مبدع ,,

لشــاعر يعجبني أسلوبه وأستمتع بـ قوة كلمته وجزالة معانيه ,, مع عمق فكرته ووضوحها في نفس الوقت ..


أخليكم مع القصيــده

,,,

,,

,

تهاوت صروح الحب وإنهدمت إقلاعه=ولاعاد باقي من قلاعه ولاقلعه.!!
تحوّل علينا الأوّل..وخربت أطباعه=وخلى العرب في خافي السد مطلعه
ألا ياحبيبٍ دايماً (راكز إكراعه)=يزهّب دوا الفلعه .. قبل تاتي الفلعه.!!
شريت المحبه .. وأكثر الناس بياعه=عشان الغلا اللي منّه الروح منشلعه
بسوق المحبّه سايمك سومة إبضاعه=وتاجرت لكن للأسف بارت السلعه
بذرت وخطاي البذر ماهوب في قاعه=(مثل من يحاول ينبت الشّعر فالصلعه.!!)
أنا قبل كنت أشفق على شوفتك ساعه=شفاقة هل البلعه .. على شوفة البلعه
وذلحين مالك .. لاولايه ولاطاعه=كرهتك عقب ماكنت متولعٍ ولعه
توكل على الله .. وإترك البيت وإشراعه=ومن غير مطرود ,, إطلع وطلعتك طلعه
توكل ورح معاد فيني بك إطماعه=مراح القطا اللي رفرف وراح فالقلعه.!

للشاعر الرائع / فهيد بن عصيدان

وسلامة قلوبـكم